જો શેર માર્કેટમાંથી લાભ મેળવવા માંગતા હોવ, તો કુંડળીમાં અમુક ગ્રહોની સ્થિતિ મજબૂત હોવી અત્યંત જરૂરી છે. જાણો કુંડળીમાં કેવી સ્થિતિ બનવાથી શેર માર્કેટમાંથી લાભ મેળવી શકાય છે.
શેર માર્કેટમાં લાભ મેળવવા માટે કુંડળીમાં અમુક ગ્રહોનું મજબૂત હોવું જરૂરી
રાહુની સ્થિતિ શેર માર્કેટમાંથી લાભ માટે અત્યંત મહત્વપૂર્ણ
બુધ અને ગુરુ પણ ભજવે છે મુખ્ય ભૂમિકા
શેર માર્કેટમાં લાભ મેળવવા માટે કુંડળીમાં અમુક ગ્રહોનું મજબૂત હોવું જરૂરી
હિંદુ ધર્મમાં 9 ગ્રહો વિષે જણાવવામાં આવ્યું છે. કોઈપણ વ્યક્તિની કુંડળી જોતા સમયે જ્યોતિષ દરેક ગ્રહના શુભ અને અશુભ ફળો વિષે જણાવે છે. અમુક ગ્રહો વ્યક્તિની કરિયર માટે જવાબદાર હોય છે, તો અમુક વ્યક્તિનાં વિવાહિત જીવન માટે. એમાં શેર માર્કેટ સંબંધિત પણ ગ્રહો હોય છે, જે જો કુંડળીમાં મજબૂત સ્થિતિમાં હોય, તો વ્યક્તિને ખૂબ જ નફો મળે છે.
શેર માર્કેટનું ક્ષેત્ર ખૂબ જ જોખમ ભરેલ હોય છે. કિસ્મત સાથે ન હોવા પર આમાં વ્યક્તિએ મોટું નુકસાન ભોગવવું પડે છે. જ્યારે જો ગ્રહોની સ્થિતિ વ્યક્તીની ફેવરમાં હોય તો, વ્યક્તિ ખૂબ જ લાભ કમાય છે. આવો જાણીએ શેર માર્કેટનાં ક્ષેત્રમાં સફળતા મેળવવા માટે ક્યા ક્યા ગ્રહોનું મજબૂત હોવું જરૂરી છે.
કુંડળીનાં આ ઘરોમાં થાય છે લાભ
જ્યોતિષ શાસ્ત્રમાં જણાવવામાં આવ્યું છે કે કોઈપણ વ્યક્તિની કુંડળીમાં પાંચમાં, આઠમા અને અગિયારમાં ઘરમાં જ્યારે આકસ્મિક ધન લાભનાં યોગ બને છે અને જો વ્યક્તિનાં આ ભાવોમાં અહાજર ગ્રહો મજબૂત સ્થિતિમાં છે, તો શેર માર્કેટમાં આવનાર ઉછાળ તેના માટે લાભકારક સાબિત થાય છે.
શેર માર્કેટ માટે આ ભાવો હોવા જોઈએ મજબૂત
જ્યોતિષ શાસ્ત્રમાં વ્યક્તિની કુંડળીનાં આધાર પર આ ગણના કરવામાં આવી છે કે કુંડળીમાં પાંચમો ભાવ મજબૂત હોવો જોઈએ. શેર બજારમાં લાભ મેળવવા માટે આ ભાવનું મજબૂત હોવું ખૂબ જ જરૂરી છે. આ ભાવમાં એવા ગ્રહોની શુભ નજર હોવી જોઈએ, જે શેર માર્કેટનાં કારક માનવામાં આવે છે.
આ ગ્રહોનો હોય છે મહત્વપૂર્ણ રોલ
જ્યોતિષોનું માનવું હોય છે કે કુંડળીમાં પાંચમાં ભાવના નબળા હોવા પર વ્યક્તિને આકસ્મિક ધન લાભ થતો નથી. રાહુ અને ચંદ્રમાંથી શેર બજારમાં લાભ કે હાની થવાના યોગ બને છે. જ્યારે બુધ અને ગુરુનો પ્રભાવ પણ શેર બજાર પર જોવા મળે છે. માન્યતા છે કે જે વ્યક્તિની કુંડળીમાં ગુરુ અને બુધની સ્થિતિ સારી હોય છે, તે વ્યક્તિ શેર માર્કેટમાં ઘણા પૈસા કમાય છે.
રાહુની સ્થિતિ મજબૂત હોવી જરૂરી
રાહુને આમ તો છાયા ગ્રહ માનવામાં આવે છે. આ પાપી ગ્રહ આમ તો કોઈપણ જાતકની કુંડળીમાં અશુભ ફળ આપે છે. પરંતુ જો રાહુની સ્થિતિ મજબૂત હોય, તો તે શેર માર્કેટમાં તગડો લાભ આપે છે.