Monday, June 24, 2019
સબસ્ક્રાઈબ કરો VTVGujarati ન્યુઝ Whatsapp

WC 2019 / પાક.ને નહીં, આ ત્રણ દેશને વર્લ્ડકપ અપાવશે પાકિસ્તાનના ખેલાડીઓ!

પાક.ને નહીં, આ ત્રણ દેશને વર્લ્ડકપ અપાવશે પાકિસ્તાનના ખેલાડીઓ!

ICC વર્લ્ડકપ શરૂ થઈ ચૂક્યો છે. આ વખતે પાકિસ્તાનની ટીમને થોડી વધુ મજબૂત માનવામાં આવી રહી છે. 

પાકિસ્તાની ટીમે ગત તા. ૩ જૂને નોટિંગહમમાં રમાયેલી મેચમાં યજમાન ઈંગ્લેન્ડને પરાજય આપ્યો. પાકિસ્તાની ટીમમાં ઘણા યુવા ખેલાડીઓ છે, જેઓ ગમે ત્યારે શાનદાર પ્રદર્શન કરી શકે છે. પાકિસ્તાન જ નહીં, બલકે ત્રણ એવા દેશ પણ છે, જે પાકિસ્તાની મૂળના ખેલાડીઓના કારણે વર્લ્ડકપ જીતવાનાં સપનાં જોઈ રહ્યાં છે. આવા ત્રણ દેશ પર નજર કરીએ, જેમની ટીમમાં પાકિસ્તાની મૂળના ખેલાડીઓ વર્લ્ડકપમાં રમી રહ્યા છે.

ઓસ્ટ્રેલિયાઃ 2015નો વર્લ્ડકપ જીતનારી ઓસ્ટ્રેલિયાની ટીમ માટે છેલ્લું એક વર્ષ થોડું સંઘર્ષમય રહ્યું છે, જોકે હવે તેમના ખેલાડીઓ ફોર્મમાં પાછા ફરી ચૂક્યા છે. ઓસ્ટ્રેલિયાની ટીમને ઉસ્માન ખ્વાજા પાસેથી સારા પ્રદર્શનની આશા છે. ઉસ્માન ખ્વાજાનો જન્મ 18 ડિસેમ્બર, 1986ના રોજ પાકિસ્તાનના ઈસ્લામાબાદમાં થયો હતો. બાદમાં તે પોતાના પરિવાર સાથે ઓસ્ટ્રેલિયામાં સ્થાયી થઈ ગયો.

સાઉથ આફ્રિકાઃ દુનિયાના દિગ્ગજ સ્પિનર્સમાં સામેલ ઇમરાન તાહિર હાલ સાઉથ આફ્રિકાની ટીમનો મહત્ત્વનો સભ્ય છે, જોકે ઇમરાન તાહિર મૂળ પાકિસ્તાનનો છે અને પાકિસ્તાન તરફથી અંડર-19 ક્રિકેટ સહિત પ્રથમ શ્રેણીની ઘણી મેચમાં રમી ચૂક્યો છે, જોકે લગ્ન બાદ તે દક્ષિણ આફ્રિકામાં સેટલ થઈ ગયો. સાઉથ આફ્રિકામાં સેટલ થયા બાદ તે પાંચ વર્ષ સુધી પ્રથમ શ્રેણીના ક્રિકેટમાં રમ્યો અને વર્ષ 2011માં સાઉથ આફ્રિકા તરફથી આંતરરાષ્ટ્રીય સ્તર પર રમવાની તક તાહિરને મળી.

ઈંગ્લેન્ડઃ આ વર્લ્ડકપનો યજમાન દેશ ઈંગ્લેન્ડ પણ પાકિસ્તાની મૂળના ખેલાડીઓ સાથે વર્લ્ડકપ જીતવાનાં સપનાં જોઈ રહ્યો છે. પાકિસ્તાની મૂળના મોઇનઅલી અને આદિલ રશીદ ઈંગ્લેન્ડની ટીમના મહત્ત્વપૂર્ણ ખેલાડી છે. મોઇને અત્યાર સુધી રમેલી 93 વન ડે મેચની 75 ઇનિંગ્સમાં 1691 રન બનાવ્યા છે. 128  રન તેનો સર્વોચ્ચ સ્કોર છે. આદિલ રશીદની વાત કરવામાં આવે તો 86 મેચની 80 ઇનિંગ્સમાં તેણે 130 વિકેટ ઝડપી છે, જેમાં 27 રન આપીને પાંચ વિકેટ તેનું સર્વશ્રેષ્ઠ પ્રદર્શન છે.
 

sports Cricket World Cup 2019 Pakistani Cricketers

જોવા જેવું વધુ જુઓ

બ્રેકિંગ ન્યૂઝ