કોરોના વાયરસનું બીજું નવું લક્ષણ બહાર આવ્યું છે. આ નવું લક્ષણ ફક્ત પુરુષોમાં જ શક્ય છે. છેલ્લા ઘણા દિવસોથી તુર્કીના માણસના અંડકોષ testicles માં સતત દુખાવો થતો હતો. પહેલા તેણે વિચાર્યું કે જાતીય ચેપ STI હોઈ શકે છે. જ્યારે તે તપાસ માટે પહોંચ્યો ત્યારે તે કોરોના પોઝિટિવ હોવાનું બહાર આવ્યું, જ્યારે કે તેના શરીરમાં કોરોનાનું બીજું કોઈ લક્ષણ નહોતું.
કોરોના દર્દીમાં સામે આવ્યા નવા લક્ષણો
શું વ્યક્તિના અંડકોષમાં પણ અસર કરે છે કોરોના ?
તુર્કી, અમેરિકા અને ઈટાલીમાં સામે આવ્યા કેસ
ડેઇલી મેલમાં પ્રકાશિત થયેલા સમાચાર અનુસાર, 49 વર્ષીય આ ટર્કીશ માણસને છેલ્લા ઘણા દિવસોથી અંડકોષમાં દુખાવો થતો હતો. તેના ડાબા અંડકોષમાં પણ સોજો હતો. ગરમીના દિવસોમાં આ પ્રથમ વાર થયું હતું, જે વચ્ચે વચ્ચે વધ ઘટ થતું હતું, જો કે આ વખતે વધુ પીડા થતાં તે ડોકટર પાસે પહોંચ્યો હતો.
કોરોનાના શંકાસ્પદ નવા લક્ષણો આવ્યા સપાટી પર
ડોકટરોએ પહેલા તેના કોરોના રિપોર્ટની તપાસ કરી, જેમાં તે સંક્રમિત હતો, જો કે આશ્ચર્યની વાત એ છે કે તેનામાં કોરોના ના બીજા કોઈ જ લક્ષણો ન હતા, અને કોઈ જાતીય રોગના લક્ષણ પણ ન હતા. આ કોરોના નું નવું લક્ષણ હતું.
તબીબોએ મેડિકલ જર્નલ યુરોલોજી કેસ રિપોર્ટમાં પણ આ વિચિત્ર કેસ વિશે જાણ કરી હતી. તેમના પ્રમાણે કોરોના દરેક દર્દીની તાસીર પ્રમાણે તેના ચિહ્નો બદલતો રહે છે, જરૂરી નથી કે બધાને સમાન જ લક્ષણ હોય, જો કે અંડકોષ ના લક્ષણોને લાગતું હજુ સુધી કોઈ સ્ટડી થયું નથી, પરંતુ ચીનમાં થયેલું એક નાનકડું સ્ટડી જણાવે છે કે દર પાંચ સંક્રમિતો માંથી એકના અંડકોષ પ્રભાવિત થાય છે.
અમેરિકા, તુર્કી અને ઈટાલીમાં સામે આવ્યા છે બનાવો
જો કે ડોકટરોએ જણાવ્યા મુજબ હજુ સુધી આ વાતની કોઈ પ્રામાણિક સાબિતી મળી નથી કે વ્યક્તિના અંડકોષ માં કોરોના વાયરસ છે કે નહીં, અથવા તેના વીર્યમાં પણ આ વાયરસ પ્રવેશે છે કે કેમ? જો કે આ પ્રકારનો જ એક કિસ્સો તુર્કી સિવાય અમેરિકામાં પણ મળ્યો હતો જેના testicles માં દર્દ થઈ રહ્યું હતું તે પણ કોરોના સંક્રમિત હતો, ઈટાલીના આવા જ એક કેસમાં વ્યક્તિને તેના અંડકોષ માં ભયંકર દર્દ થઈ રહ્યું હતું અને તે કોરોના ના લીધે મૃત્યુ પામ્યો હતો.
મેડિકલ એક્સપર્ટસનું માનીએ તો આ લક્ષણ ઉપર એક વ્યવસ્થિત રિસર્ચની જરૂર છે કે કોરોના વાયરસ માણસના ફેફસા સિવાય શું તેના અંડકોષ માં પણ સ્થાન બનાવી શકે છે કે કેમ? અત્યાર સુધીના રિસર્ચમાં તો આ વાયરસ વ્યક્તિની શ્વસન પ્રણાલીને ટાર્ગેટ કરતો હોય તેવુ જાણી શકાયું હતું, જો કે કોરોના ને લગતા વધુ રિસર્ચ માટે વધુ સમયની જરૂર છે તે પણ નક્કી છે.