કેન્દ્ર સરકારે બાઇક મુસાફરી માટે બહાર પાડેલી નવી ગાઈડલાઇન્સ પ્રમાણે ડાબી તરફથી ઓછામાં ઓછું અડધો ભાગ સુરક્ષિત રહે તે પ્રમાણે કવર થવો જોઈએ.
બાઇક મુસાફરી કરનારાઓ માટે આવી નવી ગાઈડલાઇન્સ
કેન્દ્ર સરકારે બાઇક માટે કન્ટેનરને લગતા નિયમો પ જાહેર કર્યા
દેશમાં'એકીકૃત સડક દુર્ઘટના ડેટાબેસ પરિયોજના' લાગૂ કરવાની તૈયારીમાં કેન્દ્ર સરકાર
કેન્દ્ર સરકારે મોટરસાયકલ માટે નવી માર્ગદર્શિકા બહાર પાડી છે. જેના પ્રમાણે બાઈકની બંને તરફ ડ્રાઈવરની સીટ પાછળ હાથ હોલ્ડ કરવું ફરજિયાત કરી દેવામાં આવ્યું છે. તેને વાહનની પાછળની સાઈડ પર બેઠેલા વ્યક્તિની સુરક્ષા માટે આવશ્યક બનાવી દેવાયું છે. આ સિવાય બાઈકની પાછળ બેસવા વાળી વ્યક્તિ માટે બંને સાઈડ પર ફૂટરેજ પણ જરૂરી બનાવી દેવાયું છે.
બાઇક પાછળ બેઠેલા વ્યક્તિની સુરક્ષા મજબૂત થશે
ગાઈડલાઇન્સના પ્રમાણે બાઇકના પાછળના પૈડાંના ડાબી તરફ ઓછામાં ઓછું અડધો ભાગ સુરક્ષિત રીતે કવર થયેલો હોવો જોઈએ. જેનાથી વાહનની પાછળ બેઠેલી વ્યક્તિના કપડાં પૈડામાં ફસાવવાનો ખતરો ઘણો ઓછો થઈ જશે. પરિવહન મંત્રાલયે બાઇકમાં હળવું કન્ટેનર લગાડવા માટે પણ ગાઈડલાઇન્સ જાહેર કરી છે. જેના પ્રમાણે આ કન્ટેનરની લંબાઈ 550 મીમીથી પહોળાઈ 510 મીમી અને ઊંચાઈ 500 મીમીથી વધુ ન હોવી જોઈએ. જો કન્ટેનરને પાછળની સવારીની જગ્યા પર લગાવવામાં આવે છે તો બીજી વ્યક્તિ બાઇક પર બેસી શકશે નહીં.
હાલમાં સરકાર દેશભરમાં 'એકીકૃત સડક દુર્ઘટના ડેટાબેસ પરિયોજના' (IRAD) તથા તેનાથી સંબંધિત એપના કાર્યાન્વયનની પ્રક્રિયામાં છે. તેનાથી દુર્ઘટનાના આંકડાઓને તત્કાળ મેળવી શકવામાં સહાયતા થશે. સડક પરિવહન મંત્રાલયમાં અધિકારીઓએ કહ્યું હતું કે તેમણે કર્ણાટક અને ઉત્તર પ્રદેશના અમુક જિલ્લાઓમાં આ યોજનાની ટ્રેનિંગ માટે કાર્યક્રમ આયોજિત કર્યા છે. આ સ્કીમને માટે આવતા સલાહસૂચનથી તેમ પરિવર્તન પણ કરવાંઅ આવશે.
એન્ડ્રોઇડ પ્લેટફોર્મ પર છે જ, IOS પ્લેટફોર્મ પર પણ આવશે એપ: સડક પરિવહન મંત્રાલય
સાથે જ મંત્રાલયે કહ્યું હતું કે આ એપ અને પ્રોગ્રામ રાજ્યો અને કેન્દ્રશાસિત પ્રદેશોનાની જરૂરિયાત પ્રમાણે બનવાઈ છે, જરૂર પડ્યે તેમ તેમાં ઉપયુક્ત ફેરફારો પણ થઈ શકે છે. હાલ એન્ડ્રોઇડ પ્લેટફોર્મ પર ઉપલબ્ધ આ એપને જલ્દીથી જ IOS પ્લેટફોર્મ પર પણ ઉપલબ્ધ કરાવાશે.
હાલમાં દેશમાં એકીકૃત સડક દુર્ઘટના ડેટાબેસ પરિયોજના લાગૂ થવાની તૈયારીમાં છે. આ યોજનાના પહેલા ચરણમાં આ સ્કીમ 6 રાજ્યોમાં લાગૂ કરવાની જોગવાઈ કરવામાં આવી છે. જેમાં મહારાષ્ટ્ર, કર્ણાટક, મધ્યપ્રદેશ, રાજસ્થાન ઉત્તર પ્રદેશ અને તમિલનાડુ સામેલ છે.