ઉનાળો સ્પેશિયલ / ગરમીની શરૂઆત થઈ ચૂકી છે, આવી ભૂલો કરશો તો ઝડપથી થઈ જશો બીમાર

• ગરમીની સીઝનની શરૂઆત થઈ ચૂકી છે
• ખાવા-પીવામાં બેદરકારી ન કરતા
• બીમારીઓ વધારે છે આ સીઝન

કાર્બ્સ અને ફેટી ફૂડ ન ખાવ

ઠંડીમાં લોકો વધુ ખાવાનુ પસંદ કરે છે, તો ગરમીમાં હળવો ખોરાક લેવો જોઇએ. ગરમીમાં વધુ માત્રામાં ભોજન ખાસ કરીને કાર્બોહાઇડ્રેડ અને ફેટ વાળા ફુડ્સ શરીરનુ તાપમાન વધારી દે છે. તેને ખાવાથી બચવુ જોઇએ. ડિહાઇડ્રેશનનો ખતરો વધુ રહે છે. તેનાથી બચવા માટે ભરપુર માત્રામાં પાણી પીવુ જોઇએ. દર કલાકે એક ગ્લાસ પાણી પીવુ જોઇએ.તેનાથી શરીર હાઇડ્રેટેડ રહેશે. ગરમીમાં ઝડપથી પાચન ખરાબ થાય છે, તેથી  સીઝનલ ફળો અને શાકભાજી વધુ માત્રામાં ખાવા જોઇએ. તે સુપાચ્ય હોય છે, તેથી પેટ સંબંધિત પરેશાનીઓથી બચી શકાય છે. 

વિટામીન ડી છે જરુરી

ગરમીમાં લોકો સખત અને આકરા તડકામાં જવાથી બચે છે. આમ ન કરો. કેમકે શરીરના વિકાસ માટે વિટામીન ડી ખુબ જરુરી છે. સવારના તડકામાં થોડી વાર પોતાની જાતને જરુર રાખો. તે વિટામીન ડીનો સૌથી સારો સ્ત્રોત છે. તે હાડકા અને શરીરના વિકાસ માટે જરુરી છે. આ દરમિયાન તમે એક્સર્સાઇઝ કે વોક કરતા કરતા તડકાનો આનંદ લઇ શકો છો.

પર્યાપ્ત ઉંઘ છે જરુરી

ગરમી અને પરસેવાની સીઝનમાં ઘણીવાર ઉંઘનો અભાવ હોય છે. ઉંઘ પુરી થઇ શકતી નથી. જોકે આ પરિસ્થિતિ ઉભી ન થવા દો.  કમ સે કમ આઠથી નવ કલાકની ઉંઘ રોજ જરુર લો. માનસિક સ્વાસ્થ્ય માટે પર્યાપ્ત ઉંઘ જરુરી છે. આ માટે નિયમિત દિનચર્યા પણ ખુબ જરુરી છે. સમયે સુવા અને ઉઠવાની કોશિશ કરો.

આટલુ કરો

• સુતરાઉ કપડાં જ પહેરો, તેના રંગ પણ હળવા હોવા જોઇએ. 
• ગરમીમાં કમજોરી લાગે કે ચક્કર આવે તેવા સંજોગોમાં સવારે ખાલી પેટે આંબળાનો મુરબ્બો ખાવ
• ગરમીની સીઝનમાં શેરડીનો રસ પણ શીતળતા બક્ષે છે.