કોરોનાએ માણસને ઘણી બધી વસ્તુઓ શીખવાડી દીધી છે. ઓછી વસ્તુઓમાં ઘર ચાલે અને પૈસા માપના હોય તો પણ તમે સર્વાઇવ કરી શકો. તેની સાથે સાથે હેલ્થનુ મહત્વ પણ શીખવાડી દીધુ છે. કોરોના આવ્યા બાદ હેલ્થ ઇન્શ્યોરન્સ લેવો કેટલો મહત્વનો છે તે ખ્યાલ આવ્યો.
હેલ્થ ઇન્શ્યોરન્સ હોવા છતાં રાખો ધ્યાન
વેઇટીંગ પિરયડ જેનો ઓછો હોય તે પ્લન લો
ટ્રીટમેન્ટ દરમિયાન કેટલીક બાબતનું ધ્યાન રાખવુ જરૂરી
જો નજીકના ભવિષ્યમાં કોઇ મેડિકલ ઇમરજન્સી આવે તો પૈસા ખૂટી પડે તો આર્થિકની સાથે માનસિક તણાવ પણ આવે છે. જેથી ઇન્શ્યોરન્સના ફાયદાની સાથે સાથે કેટલીક બાબતોનુ ધ્યાન રાખવુ જરૂરી બને છે.
વેઇટિંગ પિરીયડ
પોલીસી ખરીદવાનો અર્થ એવો નથી કે તમે જ્યારથી પોલિસી ખરીદી ત્યારથી જ તમને તેના લાભ મળવા લાગે. પોલિસી ક્લેમ કરવા માટે કેટલાક દિવસની રાહ જોવાની હોય છે તેને વેઇટિંગ પિરીયડ કહેવામાં આવે છે. આ વેઇટિંગ પિરીયડ 15 થી 90 દિવસનો હોય છે. તો જે કંપનીનો વેઇટીંગ પિરયડ ઓછો હોય તેની પોલિસી ખરીદવી જોઇએ.
લિમીટ વાળો પ્લાન ન લો
હોસ્પિટલમાં પ્રાઇવેટ રૂમના ભાડાની લિમીટ લેવાનુ ટાળો. ટ્રીટમેન્ટ દરમિયાન તમારે કયા રૂમમાં રહેવુ તે ખબર હોતી નથી. માટે લિમીટ કે સબ લિમીટ નક્કી ન કરવી. જેમકે હોસ્પિટલમાં દાખલ કરવામાં આવે તો રૂમના ભાડા પર એક રકમની મર્યાદા હોય છે. જેથી લિમીટ કરતા વધી જાય તો તમારે બિલ તમારા ખીસ્સામાંથી આપવુ પડી શકે છે.
જૂના રોગ કરાવે ખર્ચો
બધી હેલ્થ પોલીસી પહેલેથી ચાલતા રોગને કવર કરે છે પરંતુ તે પોલિસી લીધાના 48 મહિના બાદ કરવામાં આવે છે તો બીજી તરફ કેટલાક રોગ 36 મહિના બાદ. પોલિસી લેતી વખતે જ તમને જૂના રોગ વિશે પૂછવામાં આવે છે. તો આ સમયગાળો ન થયો હોય અને તે રોગ તમને ફરી થાય છે તો તે પોલિસીમાં કવર થતુ નથી.