સંસદમા આજે ચોમાસુ સૂત્રના બીજા દિવસે વડાપ્રધાન મોદી તેમજ ગૃહમંત્રી અમિતશાહે હાજરી આપી છે. જોકે પેગાસસના મુદ્દાને લઈ વિપક્ષ દ્વારા આજે સરકાર પર પ્રહાર કરવામાં આવશે તેવી પૂરી શક્યતા છે.
પેગાસસનો મુદ્દો બનશે સંસદમાં બનશે ગંભીર
ગઈકાલે પણ વિપક્ષે સરકારને ઘેરી હતી
ભારે હોબાળો થતા ગઈકાલે કાર્યવાહી રદ કરવામાં આવી હતી
સંસદમા આજે ચોમાસૂ સત્રનો બીજો દિવસ છે. જોકે આજે પેગાસસ મુદ્દે સંસદમાં ભારે હોબાળો થાય તેવી શક્યતા છે. ચોમાસૂ સત્ર આવતી 13 ઓગસ્ટ સુધી ચાલશે. ગઈકાલે સદનમાં વડાપ્રધાન મોદી દ્વારા મંત્રી પરિષદના નવા નેતાઓનો પરિચય આપવામાં આવ્યો. તે સમયે વિપક્ષ દ્વારા ભારે હોબાળો કરવામાં આવ્યો હતો.
નવા નેતાઓનો પરિચય
બીજા દિવસે સંસદમાં વડાપ્રધાન મોદી તેમજ ગૃહમંત્રી અમિતશાહે પણ હાજર રહ્યા છે. જેથી આજે સંસદમાં મંત્રીપરિષદના નવા નેતાઓનો પરિચય કદાચ કેન્દ્રિય ગૃહમંત્રી અમિતશાહ આપે તેવું પણ બની શકે છે.
વિપક્ષ પેગાસસનો મુદ્દો ઉઠાવશે
વિપક્ષ દ્વારા કરવામાં આવેલ હોબાળાને કારણે સંસદની કાર્યવાહીને સ્થગિત કરી દેવામાં આવી હતી. જોકે હવે પેગાસેસ પ્રોજેક્ટ મીડિયા રિપોર્ટ પર ઘણા વિપક્ષી નેતાઓએ નોટિસ જાહેર કરી દીધી છે. જેના કારણે વિપક્ષ આજે સંસદમાં આ મુ્દ્દો ઉઠાવશે તે નક્કી છે.
કાલે વિપક્ષ દ્વારા સરકારને ઘેરી લેવામાં આવી
ચોમાસૂ સત્રમાં પહેલા દિવસે સંસદમા ઘણી બોલાચાલી થઈ. જેથી કાર્યવાહી સ્થગિત કરવામાં આવી હતી. વિપક્ષ દ્વારા પેટ્રોલના વધતા ભાવ, ખેડૂત આંદોલન, અને પેગાસસ મુદ્દે સરકારને ઘેરી લેવામાં આવી જેના કારણે સદમાં ચાલી રહેલી કાર્યવાહી સ્થગિત કરવામાં આવી. જોકે તે પહેલા પણ વડાપ્રધાન દ્વારા સર્વદળીય બેઠક બોલાવામાં આવી હતી.
અશ્વિની વૈષ્ણવનું મહત્વનું નિવેદન
ઉલ્લેખનીય છે કે આજે અશ્વિની વૈષ્ણવ સંસદમાં પેગાસસ ફોન રેકોર્ડિંગ મામલે મહત્વનું નિવેદન આપવામાં આપવાના છે. જોકે પેગસસનો મુદ્દો હવે સંયુક્ત રાષ્ટ્ર સુધી પહોચી ગયો છે. જેમા સંયુક્ત રાષ્ટ્ર દ્વારા કેન્દ્ર સરકારને સલાહ સૂચન આપવામાં આવ્યા છે. પરિણામે આ મુદ્દો હવે મોદી સરકાર માટે ગંભીર બનતો દેખાઈ રહ્યો છે.