કોરોનાકાળમાં જો સૌથી વધારે કોઇ વસ્તુની જરૂરિયાત વધી છે તો તે છે માસ્ક, કેન્દ્ર સરકારથી લઇને રાજ્ય સરકાર તેમજ પોલિસ સાર્વજનિક જગ્યાઓ પર માસ્ક પહેરવાની અપીલ કરી રહી છે. સામાન્ય રીતે તમને બજારમાં 10 રુપ્યાથી લઇને હજારો રૂપિયાના માસ્ક મળી જશે પરંતુ તમને ખબર છે દુનિયાના સૌથી મોંઘા માસ્કની કિંમત કેટલી છે?
સોના-હિરા જડિત દુનિયાનું સૌથી મોંઘુ માસ્ક
સોના સાથે હિરા અને ફિલ્ટરનો થયો ઉપયોગ
કિંમત જાણીને આંંખો થઇ જશે પહોળી
દુનિયાના સૌથી મોંઘા માસ્કની કિંમત હજારો કે લાખોમાં નહી પરંતુ કરોડોમાં છે. આ માસ્કની કિંમત 11 કરોડ રૂપિયા છે. એક ઇઝરાયલી જ્વેલરી કંપનીએ આ માસ્ક બનાવવા પર કામ કરી રહી છે અને આ દુનિયાનુ સૌથી મોંઘુ માસ્ક હશે તેવો દાવો પણ કર્યો છે. સોના અને હીરાથી બનેલા આ માસ્કની કિંમત 1.5 મિલીયન એટલે કે 11 કરોડ રુપિયા છે.
ડિઝાઇનર આઇઝેક લેવીએ કહ્યું કે, 18 કેરેટ સફેદ સોનાના માસ્કને 3600 સફેદ અને કાળા હીરાથી સજાવવામાં આવશે. જેને ટોપ રેટેડ 99 ફિલ્ટરથી સજાવવામાં આવશે. આ વર્ષના અંત સુધીમાં આ માસ્ક બની જશે તેવી આશંકાઓ સેવવામાં આવી રહી છે.
કહેવામાં આવી રહ્યું છે કે, આ માસ્ક ખરીદનારની ઓળખાણ છતી કરવાની મનાઇ છે પરંતુ તે અમેરિકામાં રહેતો એક ચીની વેપારી છે.
લેવીએ કહ્યું કે પૈસાથી કદાચ બધુ જ ન ખરીદી શકાય પરંતુ પૈસાથી ખુબ મોંઘુ આ માસ્ક ખરીદી શકાય છે.