ભારતીય ખાનપાનને હમેશાં વિદેશી ખાનપાનથી પૌષ્ટિક અને બેલેન્સ્ડ માનવામાં આવે છે, કારણ કે ભારતીય ખાનપાનમાં દાળો, શાકભાજી, અનાજ, નટ્સ, ગોળ, અથાણું જેવા આહારનું સેવન કરવામાં આવે છે. ભારતના નાસ્તાઓ પણ ખૂબ જ પોપ્યુલર છે. જ્યારે વિદેશી નાસ્તાઓ જેવા કે પિત્ઝા, બર્ગર, કોલ્ડ ડ્રિંક, ચાઉમીન, નૂડલ્સ ખૂબ જ પોપ્યુલર છે. પણ તમને જણાવી દઈએ કે, કેટલાક ભારતીય સ્નેક્સ આ બધાં જંક ફૂડ્સ કરતાં પણ વધુ નુકસાનકારક હોય છે. ચાલો જાણીએ એવા ભારતીય નાસ્તાઓ વિશે.
ટિક્કી
ટિક્કી ચાટ પોપ્યુલર સ્ટ્રીટ ફૂડ છે. જેમાં બાફેલાં બટાકાને ડીપ ફ્રાઈ કરીને બનાવાય છે. આ સ્વાસ્થ્ય માટે ખતરનાક છે કારણ કે તેમાં કાર્બોહાઈડ્રેટ્સ, સ્ટાર્ચ, ફેટ અને કોલેસ્ટ્રોલ વધુ પ્રમાણમાં હોય છે. જેનાથી હાર્ટને પણ નુકસાન થાય છે. આમાં તેલ મસાલાઓનો પણ ભરપૂર ઉપયોગ કરવામાં આવે છે.
સમોસા-કચોરી
સમોસા વિના ભારતીય નાસ્તો અધૂરો છે. સમોસાને ડીપ ફ્રાય કરીને બનાવવામાં આવે છે. તેનું પડ મેદાથી બનેલું હોય છે અને અંદર મસાલેદાર બટાકાનું સ્ટફિંગ હોય છે. આ બંને સ્વાસ્થ્ય માટે ભયંકર નુકસાનકારક છે. કચોરી પણ એવી જ રીતે નુકસાન પહોંચાડે છે. તેમાં ફેટ અને કોલેસ્ટ્રોલ હોય છે. જેના કારણે વજન વધે છે, સ્ટ્રોક અને કેન્સરનો ખતરો વધે છે.
પાણી પુરી
પાણી પુરી સૌથી પોપ્યુલર સ્ટ્રીટ ફૂડ્સમાંથી એક છે. જે દરેક જગ્યાએ જોવા મળે છે. તેમાં બટાકા, ચણા, મસાલેદાર તીખું પાણી અને મેદામાંથી બનતી પુરી સ્વાસ્થ્યને ગંભીર નુકસાન પહોંચાડે છે. તેનું વારંવાર સેવન કરવાથી સ્વાસ્થ્યને નુકસાન પહોંચે છે.
ભજીયા
ભજીય બેસન અને શાકભાજીને મિક્સ કરીને બનાવવામાં આવે છે અને ભારતીયોને ભજીયા અને ચા ખૂબ જ પસંદ આવે છે. પણ શું તમે જાણો છો કે ડીપ ફ્રાય તળેલાં આ ભજીયા સ્વાસ્થ્ય માટે ઝેર સમાન છે. તેનાથી
વજન વધે છે, સ્ટ્રોક અને કેન્સરનો ખતરો વધે છે.
છોલે ભટૂરે
આ ખાસ કરીને ઉત્તર ભારત, પંજાબ, દિલ્બી, યૂપીમાં પોપ્યુલર છે. છોલે પ્રોટીન રિચ હોય છે પરંતુ તેને બનાવવાની રીત બેકાર છે અને તેની સાથે આપવામાં આવતા મેદાના ભટૂરે સ્વાસ્થ્યને ખૂબ જ નુકસાન પહોંચાડે છે. તેનાથી એસિડિટી, કબજિયાત, કોલેસ્ટ્રોલ અને હાર્ટની સમસ્યાઓ થઈ શકે છે.