ચેતી જજો / હાથમાં આવી તકલીફો થાય તો થઇ જજો સાવધાન , હાઈ કોલેસ્ટ્રોલનાં હોય શકે છે સંકેત

• ખરાબ લાઈફસ્ટાઈલને કારણે વધી શકે છે કોલેસ્ટ્રોલ 
• હાથમાં દુખાવો થવો હાઈ કોલેસ્ટ્રોલ લેવલનાં સંકેત 
• નખનો રંગ પણ હાઈ કોલેસ્ટ્રોલ લેવલને કારણે બદલાય છે 

ખરાબ લાઈફસ્ટાઈલને કારણે વધી શકે છે કોલેસ્ટ્રોલ 

ખરાબ લાઈફસ્ટાઈલ અને ભાગાદોડીને કારણે લોકોની ખાવા પીવાની આદતો પણ બગડી જાય છે અને આ કારણે લોકો સતત નવી નવી બીમારીઓનો શિકાર બની રહ્યા છે. ખોરાક સાથે જોડાયેલી ભૂલોને સતત કરવાથી હાઈ બ્લડ પ્રેશર અને હૃદય રોગોનો સામનો કરવો પડે છે, શરીરમાં બેડ કોલેસ્ટ્રોલની માત્રા પણ વધે છે. આ કારણે ઘણી બીમારીઓ થઇ શકે છે. તો ચાલો જાણીએ કે કેવી રીતે ખબર પડશે કે આપણું કોલેસ્ટ્રોલ લેવલ બરાબર છે કે નહીં. 

હાઈ કોલેસ્ટ્રોલ લેવલ રક્ત વાહિકાઓને બ્લોક કરવાનું કામ કરે છે અને પછી હદય સહીત આખા બોડીમાં બ્લડની અછત સરખી થતી નથી અને આ જ કારણે હાઈ બીપી અને ડાયાબીટીસ ઉપરાંત હૃદયની બીમારીનો ખતરો પણ વધી જાય છે. 

વધારે પડતું તળેલું ખાવાથી બેડ કકોલેસ્ટ્રોલનો ખતરો વધી જાય છે, કેમકે બજારમાં મળતા ફૂડસ ઓઈલી હોય છે અને એ ઓઈલમાં સેચ્યુરેટેડ ફેટ ખૂબ જ વધારે હોય છે, જે બ્લડમાં બેડ કોલેસ્ટ્રોલને વાધારવાનું કામ કરે છે. બોડીમાં હાઈ કોલેસ્ટ્રોલની જાણકારી મેળવવા માટે લીપીડ પ્રોફાઈલ ટેસ્ટ કરાવવામાં આવે છે, પરંતુ આજે આપણે હાથમાં જોવા મળતા અમુક એવા લક્ષણો વિષે વાત કરશું, જેથી કોલેસ્ટ્રોલ વધવાના સંકેત મળે છે. 

હાથમાં દુખાવો થવો હાઈ કોલેસ્ટ્રોલ લેવલનાં સંકેત 

હાઈ કોલેસ્ટ્રોલને કારણે હાર્ટ યોગ્ય રીતે બ્લડ પંપ કરી શકતું નથી અને આ કારણે હાથમાં લોહીની અછત થઇ જાય છે, જેને કારણે હાથમાં દુખાવો થવા લાગે છે. જો તમારા પણ હાથમાં ખૂબ જ દુખાવો થાય છે, તો ઇગ્નોર ન કરતા. 

હાથમાં દુખાવાની સાથે સંવેદના થાય તો પણ થઇ જાઓ સાવધાન 

હાથની નસોમાં લોહીની અછતને કારણે દુખાવાની સાથે સાથે સંવેદનાની સમસ્યા પણ થાય છે. જો તમને પણ આવું હાથમાં સતત થાય છે, તો સાવધાન થઇ જાઓ અને કોલેસ્ટ્રોલની તપાસ કરાવો. 

નખનો રંગ પણ હાઈ કોલેસ્ટ્રોલ લેવલને કારણે બદલાય છે 

હાથમાં બ્લડની અછત ન હોય તો નખનો રંગ ગુલાબી અથવા હલ્કો લાલ હોય છે, પણ કોલેસ્ટ્રોલ લેવલ વધવા પર નખનો રંગ સ્કીન કલરમાં બદલાવા માંડે છે. જો તમારા નાખનો રંગ પણ બદલાઈ રહ્યો છે, તો ચેતી જાઓ, આ કોલેસ્ટ્રોલ વધવાના લક્ષણો પણ હોય શકે છે.