ઓગષ્ટ મહિનામાં અનેક ફિલ્મો રિલીઝ થવાની છે. પરંતુ સૌથી મહત્વની લડાઈ જે સ્ક્રીન પર થવાની છે, તે છે અક્ષય કુમાર અને આમિર ખાનની વચ્ચે. બંનેની ફિલ્મો બૉક્સ ઑફિસ પર ટકરાવાની છે.
આ મહિને થિયેટરમાં અનેક ફિલ્મો રિલીઝ થવાની છે
અક્ષય કુમાર અને આમિર ખાનની ફિલ્મો બૉક્સ ઑફિસ પર ટકરાશે
દર્શકો ફિલ્મો જોવા માટે આતુરતાપુર્વક જોઇ રહ્યાં છે રાહ
ઓગષ્ટનો આ મહિનો ફિલ્મોને પસંદ કરનારા દર્શકો માટે ખૂબ ખાસ રહેવાનો છે. કારણકે તેમને ઘણી એવી ફિલ્મો આ મહિનામાં જોવા મળશે જે સારી તો છે પરંતુ આ ફિલ્મોની ટક્કર સ્ક્રીન પર થવાની છે. આ મહિનામાં ઘણા મોટા સ્ટારની ફિલ્મો રિલીઝ થઇ રહી છે, જેના માટે પ્રશંસકો આતુરતાપૂર્વક રાહ જોઇ રહ્યાં છે. આમિર ખાન લાલ સિંહ ચડ્ઢા દ્વારા સિલ્વર સ્ક્રીન પર ચાર વર્ષ બાદ એન્ટ્રી લેવાના છે તો અક્ષય કુમાર પણ પોતાની ફિલ્મ રક્ષાબંધન દ્વારા આમિર ખાનને આકરી ટક્કર આપવા માટે તૈયાર છે.
સીતા રામમ (રીલીઝ તારીખ-5 ઓગષ્ટ)
મૃણાલ ઠાકુરની ફિલ્મ સીતા રામમ એક બહુભાષી ફિલ્મ છે. આ ફિલ્મમાં મૃણાલ ઠાકુર સિવાય દલકીર સલમાન, રશ્મિકા મંદાના અને સુમંત મુખ્ય રોલમાં જોવા મળશે. આ ફિલ્મનુ નિર્દેશન હનુ રાઘવપુડીએ કર્યુ છે. જણાવવામાં આવ્યું છે કે આ એક એક્શન રોમાન્સ ફિલ્મ છે. ફિલ્મમાં દલકીર સલમાને લેફ્ટિનેન્ટ રામનુ પાત્ર ભજવ્યું છે. આ ફિલ્મ માત્ર હિન્દી નહીં, પરંતુ બીજી ભાષાઓમાં પણ રીલીઝ કરવામાં આવશે.
લાલ સિંહ ચડ્ઢા (રીલીઝ તારીખ-11 ઓગષ્ટ)
આમિર ખાન અને કરીના કપૂર જેવી સેલિબ્રિટીઓની ફિલ્મ લાલ સિંહ ચડ્ઢાનુ દર્શકો આતુરતાપૂર્વક રાહ જોઇ રહ્યાં છે. ફિલ્મ નિર્માતા પણ આ ફિલ્મને લઇને વધુ એક્સાઇટેડ છે. આ હૉલીવુડ ફિલ્મ ફૉરેસ્ટ ગમ્પની સત્તાવાર હિન્દી રિમેક છે. આ ફિલ્મનુ નિર્દેશન અદ્વૈત ચંદને કર્યુ છે.
રક્ષાબંધન (રીલીઝ તારીખ-11 ઓગષ્ટ)
અક્ષય કુમારની આ વર્ષે રિલીઝ થયેલી કોઈ પણ ફિલ્મ ચાલી નથી. પરંતુ તેઓ એક વખત ફરીથી ફિલ્મને લઇને ઉપસ્થિત છે. અત્યાર સુધી તેમની બે ફિલ્મો બૉક્સ ઑફિસ પર ફ્લોપ થઇ ગઇ છે. આ વર્ષે અક્ષયની આ ત્રીજી ફિલ્મ છે. જો કે, આ ચાલશે કે નહીં તે તો રીલીઝ બાદ ખબર પડશે. આ ફિલ્મનુ નિર્દેશન આનંદ એલ રાયે કર્યુ છે.
કાર્તિકેય 2 (રીલીઝ તારીખ-12 ઓગષ્ટ)
11 ઓગષ્ટે બૉક્સ ઑફિસ પર રિલીઝ થનારી આ ફિલ્મમાં નિખિલ સિદ્ધાર્થ, અનુપમા પરમેશ્વરન, આદિત્ય મેનન, અનુપમ ખેર અને હર્ષા ચેમુડુ જેવા સેલિબ્રિટી જોવા મળશે. આ ફિલ્મનુ નિર્દેશન ચંદુ મોનદેતીએ કર્યુ છે. આ ફિલ્મ હિન્દી સિવાય તામિલ, તેલુગુ, મલયાલમ અને કન્નડ ભાષાઓમાં રીલીઝ કરવામાં આવશે.