ફાયદાકારક / આ 5 વસ્તુઓ ખાવાની સાથે ચહેરા પર પણ લગાવશો તો સ્કિન એકદમ ગ્લો કરશે, એકવાર અચૂક કરો ટ્રાય

• ચહેરા પર બ્લીચિંગની જેમ કામ કરે છે આ નેચરલ ફૂડ્સ
• આ ફૂડ્સ ખાવાની સાથે ચહેરા પર પણ લગાવો
• તમારા ચહેરાની રંગત ક્યારેય ફીકી નહીં પડે

 ટામેટાં

ટામેટાં ખાવાથી સ્વાસ્થ્યને જેટલા ફાયદા મળે છે તેનાથી વધારે તેને લગાવવાથી સ્કિનને ફાયદા મળે છે. તે એક બેસ્ટ નેચરલ બ્લીચનું કામ કરે છે. ચહેરા પર બ્લીચ કરવા માટે ટામેટાંના વચ્ચેથી 2 ભાગ કરી એક ભાગ પર લીંબુનો રસ નિચોવી તેનાથી ચબેરા પર હળવા હાથે મસાજ કરો. સપ્તાહમાં 2વાર આ પ્રયોગ કરવાથી સ્કિન નેચરલી બ્લીચ થશે અને રંગ નિખરશે. 

પપૈયું

પપૈયું સ્કિન માટે બહુ લાભકારી માનવામાં આવે છે. તેમાં પપાઈન નામનું ખાસ તત્વ હોય છે. જે સ્કિનને નેચરલી બ્લીચ કરે છે અને રંગ પણ સાફ કરે છે. તેના માટે પપૈયાને મેશ કરી તેમાં મધ મિક્સ કરી ચહેરા પર 20 મિનિટ લગાવો અને પછી ધોઈ લો. 

લીંબુ

લીંબુ સ્કિનને બ્લીચ કરવા માટે એવરગ્રીન ફળ છે. તેમાં રહેલું સિટ્રિક એસિડ અને એન્ટીઓક્સીડેન્ટ સ્કિનને બ્લીચ પણ કરે છે અને ડાઘ પણ દૂર કરે ચે. તેના માટે લીંબુના રસમાં બેસન મિક્સ કરીને ફેસ પર લગાવો. 10 મિનિટ લગાવો અને પછી ધોઈ લો. 

નારંગી

નારંગીમાં ભરપૂર વિટામિન સી હોય છે. માત્ર નારંગી જ નહીં પણ તેની છાલનો પાઉડર સ્કિન માટે ફાયદાકારક છે. તેના માટે તેની છાલનો પાઉડર લઈ તેમાં થોડું દૂધ મિક્સ કરી ફેસ પર લગાવો. સૂકાય ગયા બાદ ધોઈ લો. 

સ્ટ્રોબેરી

સ્ટ્રોબેરી સ્કિનને બ્લીચ કરવાથી સાથે સ્કિનને નરીશ પણ કરે છે. તેના અર્કનો ઉપયોગ ઘણાં બ્યૂટી પ્રોડક્ટ્સમાં કરવામાં આવે છે. તેના માટે 2 સ્ટ્રોબેરી લઈ તેને મેશ કરી તેમાં 1 ચમચી મધ મિક્સ કરી લો. પછી ચહેરા પર લગાવી 20 મિનિટ લગાવો અને પછી ધોઈ લો.