દાંતોનું સ્વાસ્થ્ય ઓવરઓલ હેલ્થ માટે ખૂબ જ જરૂરી છે. આવામાં અમુક પ્રકારના ખોરાકનાં સેવનથી દાંત મજબૂત થાય છે.
દાંતનું સ્વાસ્થ્ય ઓવર ઓલ સ્વાસ્થ્ય માટે ખૂબ જ જરરી
કેલ્શિયમ રાખે છે દાંતને મજબૂત
ચોકલેટથી પણ થાય છે ફાયદો
આપણે સ્વાસ્થ્યનું ધ્યાન રાખવા માટે વધતું વજન, સ્કીન અને હાડકાઓની મજબૂતીનું ધ્યાન રાખવું પડે છે, પરંતુ દાંતનાં સ્વાસ્થ્યને મોટેભાગે ઇગ્નોર કરીએ છીએ. આપણે એ વાત યાદ રાખવી જોઈએ કે ઓરલ હેલ્થ વગર ઓવરઓલ હેલ્થની કલ્પના ન થઇ શકે, કેમકે મોંની ગંદકીથી ઘણી બીમારીઓ પેદા થઇ શકે છે. આ ભોજનને પેટમાં પહોંચાડવાનો રસ્તો છે. જો આ રસ્તો સાફ ન હોય, તો ગંદકી પેટમાં જશે અને ઘણા પ્રકારની તકલીફોનો સામનો કરવો પડી શકે છે.
દાંતને સાફ રાખતા ભોજન
દાંતની સફાઈ માટે આપણે બ્રશ, દાંતણ અને માઉથવોશનો ઉપયોગ કરીએ છીએ, જેથી કેવીટીની સમસ્યા પેદા ન થાય, પરંતુ શું તમને જાણ છે કે 2 ખાસ પ્રકારના ફૂડ્સનું સેવન કરવાથી મોંની ગંદકી સાફ કરી શકાય છે.
1. ડેરી પ્રોડક્ટ્સ
દૂધ અને તેનાંથી બનતી પ્રોડક્ટ્સમાં કેલ્શિયમની માત્રા વધારે હોય છે, જેથી હાડકા મજબૂત બને છે. આપણા દાંત પણ હાડકા જ છે, એટલા માટે દૂધ પીવું ખૂબ જરૂરી છે. આમ કરવાથી દાંતનાં બહારનાં લેયર કે જેને એનામેલ કહે છે, તે પ્રોટેક્ટ થાય છે.
2. ચોકલેટ
સામાન્ય રીતે, બાળકોને કહેવામાં આવે છે કે ચોકલેટ ખાવાથી દાંત સડી જાય છે, પરંતુ તમને એ જાણીને નવાઈ લાગશે કે આ મીઠી વસ્તુમાં એન્ટીબેક્ટેરિયલ પ્રોપર્ટીઝ હોય છે, જેથી દાંતની સમસ્યા દૂર થાય છે. જોકે એ વાતનું ધ્યાન રાખવું જોઈએ કે એક દિવસમાં ચોકલેટનાં એક કે બે ટુકડા જ લેવા જોઈએ.
આ વસ્તુઓથી રહો દૂર
ડેરી પ્રોડક્ટ્સ અને ચોકલેટ ખાવાથી ભલે દાંતને ફાયદો થાય છે, પરંતુ અમુક બાબતોનું ધ્યાન રાખવું ખૂબ જ જરૂરી છે. દાંતની સફાઈ માટે સવારે ઉઠ્યા બાદ અને રાત્રે સુતા પહેલા બ્રશ કરવું જ જોઈએ. તમારે અમુક વસ્તુઓથી દૂર રહેવું પડશે જેમાં ખાંડ, કોફી, ખાટી વસ્તુઓ અને દારુ સામેલ છે. આલ્કોહોલની લત હોવાથી દાંત પીળા પડવા લાગે છે. દરરોજ માઉથવોશ કરો અને ખાસકરીને જીભને પણ ક્લિન કરો.