અત્યારે મોટાં ઉમરના લોકોમાં જ નહીં પણ નાની ઉંમરમાં જ સાંધાઓમાં દુખાવો થવાની ફરિયાદ જોવા મળે છે. જેની પાછળનું મુખ્ય કારણ આપણો ખોરાક અને લાઈફસ્ટાઈલ છે. આપણી ડાયટમાં પૂરતા પ્રમાણમાં કેલ્શિયમ ન લેવાથી પણ હાડકાઓના રોગ વધી રહ્યાં છે. સ્વસ્થ શરીર માટે હાડકાંઓ મજબૂત હોવા જરૂરી છે. પણ આ 5 વસ્તુઓ તમારા હાડકાંને બહુ જ નુકસાન પહોંચાડે છે. તો તમે ભૂલથી પણ આ વસ્તુઓનું સેવન ન કરતાં.
અત્યારે નાની ઉંમરમાં થઈ રહ્યાં છે હાડકાંના રોગો
હાડકાંઓ માટે હાનિકારક છે આ વસ્તુઓ
આ વસ્તુઓ ખાવાનું અવોઈડ કરો
આલ્કોહોલ
આલ્કોહોલ પીવાથી સ્વાસ્થ્યને ગંભીર નુકસાન તો થાય જ છે, સાથે જ તેનાથી હાડકાંઓને પણ બહુ જ નુકસાન પહોંચે છે અને હાડકાં નબળાં અને પોલા થવા લાગે છે. જેથી લાંબા સમય સુધી હાડકાંઓ સારા રાખવા હોય તો આલ્કોહોલથી દૂર જ રહેવું.
મીઠું
ભોજનમાં મીઠું ન નાખીએ તો ભોજનમાં કોઈ જ સ્વાદ લાગતો નથી, પણ જો વધુ પ્રમાણમાં મીઠું ખાવામાં આવે તો તેનાથી શરીરને ઘણાં નુકસાન પણ થઈ શકે છે. તેમાંથી જ એક છે હાડકાંઓમાં નબળાઈ. મીઠાંમાં સોડિયમ હોય છે. જે શરીરમાં જઈને કેલ્શિયમને યૂરિન વાટે શરીરમાંથી બહાર કાઢી દે છે.
કોફી
જો વધુ પ્રમાણમાં ચા અને કોફી પીવામાં આવે તો તે સ્વાસ્થ્યને નુકસાન પહોંચાડે છે. આ સિવાય ચા અને કોફીમાં રહેલું કેફીન હાડકાંઓના સ્વાસ્થ્ય માટે સારું નથી, તેનાથી હાડકાં નબળાં થવાનો ખતરો રહે છે. જેથી વધુ પ્રમાણમાં કોફી પીતાં લોકોએ ચેતી જવું.
કોલ્ડ ડ્રિંકસ
કોલ્ડ ડ્રિંક્સ સ્વાસ્થ્ય માટે કેટલીક નુકસાનકારક છે એ વાત મોટાભાગના લોકો જાણતા જ હશે, તેમ છતાં લોકો કોલ્ડ ડ્રિંક્સ પીવે છે. એમાંય ઉનાળામાં લોકો વધુ પ્રમાણમાં કોલ્ડ ડ્રિંક્સ પીતાં હોય છે. પણ તમને જણાવી દઈએ કે તેમાં કાર્બન ડાઈ ઓક્સાઈડ અને ફોસ્ફરસ હોય છે. જે હાડકાંઓને પોલા બનાવે છે. સાથે જ તેમાં રહેલું પ્રિઝર્વેટિવ પણ હાડકાંઓને નુકસાન પહોંચાડે છે.
ચોકલેટ
નાના હોય કે મોટાં અત્યારે બધાંને ચોકલેટ ખાવી પસંદ છે. પણ શું તમે જાણો છો કે વધુ પ્રમાણમાં ચોકલેટ ખાવી તમારા હાડકાંઓ માટે નુકસાનકારક છે. તેને ખાવાથી બોડીમાં શુગર અને ઓક્સલેટની માત્રા વધી જાય છે, જેનાથી બોડીમાં કેલ્શિયમ એબ્સોર્બ થવામાં પરેશાની થાય છે.