ઘરેલૂ ઉપાય / આંખની રોશની, ઈમ્યુનિટી અને શરીરની તાકાત વધારવા માટે કમાલ કરે છે આ સસ્તા શાક, ફાયદા જાણીને તમે પણ કરશો ઉપયોગ

• કોરોનામાં આ 5 વસ્તુઓનું કરો સેવન
• ઈમ્યુનિટી, આંખ અને તાકાત વધારે છે આ ફૂડ
• ડાયટમાં સામેલ કરી લો આ ખાસ વસ્તુઓ

મજબૂત ઈમ્યુનિટી માટે તમે હેલ્ધી ડાયટ યૂઝ કરો તે જરૂરી છે. વિટામિન સી જેવા પોષક તત્વો પ્રતિરક્ષા પ્રણાલીને મજબૂત કરવામાં મદદ કરે છે. આ માટે તમે વિટામિન સી અને પોષક તત્વોથી ભરપૂર શાકને વિશે જાણો અને તેને ડાયટમાં સામેલ કરો તે જરૂરી છે. 

લસણનું કરો સેવન
એક્સપર્ટ કહે છે કે લસણ સ્વાસ્થ્ય માટે ફાયદારૂપ રહે છે. તેની શોધ અનેક વર્ષ પહેલા ચીન અને મિશ્રમાં કરાઈ હતી. આયુર્વેદમાં લસણને મહત્વની દવા માનવામાં આવે છે. લસણમાં ખાસ કરીને એલિસિન કમ્પાઉન્ડ મળે છે. લસણમાં મળનારા એલિસિનના કારણે દુનિયામાં ખાવામાં આવે છે. આ ઈમ્યુનિટીને મજબૂત કરવાની સાથે ગંભીર બીમારીઓથી બચાવે છે. 
 
પાલકનું સેવન
પાલકને એટલા માટે ખાસ માનવામાં આવે છે કેમકે તેમાં બીટા કેરોટિન અને લ્યૂટિન એન્ટી ઓક્સીડન્ટ મળે છે. તેમાં મળનારા એન્ટી ઓક્સીડન્ટ્સ કેન્સરના ખતરાને ઘટાડે છે અને સાથે પાલક વિટામિન એનો સૌથી સારો સોર્સ માનવામાં આવે છે. જેના કારણે પાલક ખાવાથી આંખની રોશની જલ્દી વધે છે. 

લીંબુનો ઉપયોગ
લીંબુ વિટામિન સી અને અન્ય એન્ટી ઓક્સીડન્ટનો સારો સોર્સ છે. તે પ્રતિરક્ષા પ્રણાલીને મજબૂત કરવામાં મદદ કરી શકે છે. એન્ટી ઓક્સીડન્ટ શરીરના મુક્ત કણોને હટાવવામાં મદદ કરે છે. જે કોશિકાને નુકસાન કરી શકે છે. નાના ફળમાં વધારે પ્રમાણમાં થિયામિન, રાઈબોફ્લેવિન, વિટામીન બી-6, પેંટોથેનિક એસિડ, કોપર અને મેગેનીઝ પણ હોય છે. જે એક હેલ્ધી શરીર માટે જરૂરી છે.

શિમલા મરચા
શિમલા મરચામાં ખાટા ફળ કરતા પણ વધારે વિટામિન સી હોય છે. આ બીટા કેરાટીનનો સારો સોર્સ છે. તેમાં રહેલા ખનીજ, વિટામિન શરીરની પ્રતિરક્ષા પ્રણાલીને વધારે છે. આ આંખને સ્વસ્થ અને ઓક્સીડેટિવ તણાવને ઘટાડવામાં મદદ કરી શકે છે. 

બ્રોકોલીનું સેવન
બ્રોકોલીને શાકમાં સૌથી હેલ્ધી માનવામાં આવે છે. કેમકે બ્રોકોલીમાં 2 સૌથી ખાસ કમ્પાઉન્ડ હોય છે જેને ગ્લોકોસાઈનોલેટ અને સ્ફોરાફેન કહે છે. આ બંને કમ્પાઉન્ડ પણ કેન્સરને રોકવામાં મદદ કરે છે. બ્રોકોલીના સેવનથી અનેક ક્રોનિક બીમારીનો ખતરો પણ ઘટે છે.