તમારા કામનું / રાત્રે કેમ પગમાં ઉપડે છે દુખાવો? આ 5 ઉપાયોથી તાત્કાલિક મળશે આરામ

• રાત્રે વધારે પગ કેમ દુ:ખે છે?
• વારંવાર પગમાં થતા દુ:ખાવાથી પરેશાન થઇ રહ્યાં છો?
• આ સમસ્યામાંથી છૂટકારો મેળવવા અપનાવો આ ઉપાય

પગમાં થતા દુ:ખાવામાંથી છૂટકારો મેળવવા કરો આ ઉપાય 

લાંબા સમય સુધી થતો આ દુ:ખાવો ઘણી વખત ગંભીર પણ હોઇ શકે છે. જો તમે પણ વારંવાર પગમાં થતા દુ:ખાવાથી પરેશાન થઇ રહ્યાં છો અને અનેક પદ્ધતિ અજમાવ્યાં બાદ પણ તમને આ દુ:ખાવામાંથી છૂટકારો મળી રહ્યો નથી તો તમારે સૌથી પહેલા તેની પાછળનુ કારણ જાણવુ પડશે. પગમાં દુ:ખાવો ક્યારેય પણ કોઈને થઇ શકે છે. થાક, નબળાઈ, વધુ શારીરીક શ્રમ અથવા કોઈ બિમારીના કારણે પગમાં દુ:ખાવો થવો સામાન્ય છે. પરંતુ ઘણા લોકોને વારંવાર આ પરેશાની રહે છે. આ અહેેવાલમાં અમે તમને રાત્રે થતા દુ:ખાવાના કારણ જણાવીશુ. જેની મદદથી તમે આ સમસ્યામાંથી છૂટકારો મેળવી શકો છો. 

પ્લેેન્ટર ફેસિસીટીજ 

પગની આગળના ભાગથી એડી સુધી જતા ભાગને પ્લેન્ટર ફેસિસીટીઝ કહેવામાં આવે છે. જ્યારે તેના પર દબાણ અથવા કોઈ પણ પ્રકારનો ખેંચાવ થાય છે તો તેનાથી પગમાં દુ:ખાવો અને સોજો થાય છે. પ્લેન્ટર ફેસીસીટીજ એડીના દુ:ખાવાના સૌથી સામાન્ય કારણોમાંથી એક છે. જો તમને એડીમાં વારંવાર દુખાવો રહે છે તો હોઇ શકે છે કે તમને પ્લેન્ટર ફેસિસીટીજમાં કોઈ પણ પ્રકારનુ દબાણ અથવા ખેંચાણ આવ્યું હોય. મેદસ્વિતા અને વધુ સમય સુધી ઉભા રહેવાના કારણે પણ આ દુ:ખાવો થઇ શકે છે. આ હંમેશા સવારના સમયે થાય છે.  

મૉર્ટન્સ ન્યુરોમા

મૉર્ટન્સ ન્યુરોમા એક દર્દનાક સ્થિતિ છે, જે તમારા પગની આંગળીઓની નસોની આજુબાજુ સોજો અથવા ચુભનના કારણે થાય છે. જેનાથી બળતરા અને નસોમાં ઝડપી દુ:ખાવો મહેેસૂસ થાય છે. આ દુ:ખાવો ઘણી વખત આખો દિવસ અને રાત રહી શકે છે. ખાસ કરીને જ્યારે તમે ચાલો છો ત્યારે તમારા પગ પર દબાણ આવે છે. 

ગર્ભાવસ્થા

ગર્ભાવસ્થા દરમ્યાન તમારું શરીર કેલ્શિયમને અલગ રીતે પ્રોસેસ્ડ કરે છે. કેલ્શિયમના સ્તરમાં આ ફેરફારથી પગમાં દુખાવો થઇ શકે છે.

ડાયાબિટીસ

બ્લડ શુગર હાઈ લેવલ ધીરે-ધીરે સેન્ટ્રલ નર્વસ સિસ્ટમને નુકસાન પહોંચાડી શકે છે. જેમાં તમારા પગની નસોનો પણ સમાવેશ થાય છે. સ્થિતિ બગડતા તેનાથી પગમાં ઝડપી દુ:ખાવો થાય છે, જે સમયની સાથે વધતો જાય છે. 

ફાઈબ્રોમાયલ્ગિયા

ફાઈબ્રોમાયલ્ગિયા એક ક્રોનિક કન્ડીશન છે, જે તિવ્ર દુખાવાનુ કારણ બને છે. જેમાં પગ અને અન્ય અંગોમાં પણ દુ:ખાવો થાય છે. ઘણી વખત અવયવો પર દબાણ અથવા વધુ શ્રમના કારણે આ સ્થિતિ પેદા થાય છે. રાત્રે વારંવાર એન્ટી-ઈન્ફ્લેમેટરી હોર્મોન કાર્ટિસોલ હોવાના કારણે દર્દ ભયાનક થાય છે.