ફેરફાર / કાલથી આ 5 નિયમો બદલાશે, જાણો કેટલું તમારું જીવન બદલાઈ જશે

લૉટરી પર એક સમાન 28 % ટેક્સ 

1 માર્ચથી સરકારી તથા પ્રાઇવેટ લોટરી પર એક સમાન 28 % ટેક્સ વસૂલવામાં આવશે. વિત્ત મંત્રી નિર્મલા સીતારમણની અધ્યક્ષતામાં ડિસેમ્બરમાં આયોજિત GST કાઉન્સિલની બેઠકમાં તમામ પ્રકારની લૉટરી પર એકસમાન દરથી GST વસૂલવાનો નિર્ણય કરવામાં આવ્યો છે. આ માટે મહેસૂલ વિભાગ તરથી નોટિફિકેશન જારી કરવામાં આવ્યુ છે. આ નોટિફિકેશનમાં કહેવામાં આવ્યુ છે કે, તમામ પ્રકારની લૉટરી પર 14% ના દરથી GST વસૂલવામાં આવશે અને એટલો જ  GST રાજ્ય લઇ શકશે, જેનાથી લૉટરી પર લગાનારો GST કુલ 28 % થઇ જશે.

KYC ના કરાવવા પર SBI ના ગ્રાહકો નહી કરી શકે લેવડદેવડ

સ્ટેટ બેંક ઑફ ઇન્ડિયાએ પોતાના ગ્રાહકો માટે 28 ફેબ્રુઆરી સુધી KYC પ્રક્રિયા પૂરી કરવા માટે કહ્યુ હતુ. જો કોઇ ગ્રાહક KYC થી નથી કરાવતું તો તેના બેંક એકાઉન્ટમાંથી ટ્રાન્ઝેક્શન (લેવડ-દેવડ) રોકી દેવામાં આવશે, તમને જણાવી દઇએ કે, રિઝર્વ બેંક ઑફ ઇન્ડિયા (RBI) એ તમામ બેંક એકાઉન્ટ માટે KYC કરવાનું જરૂરી કરી દીધુ છે.

1 માર્ચથી મફતમાં નહી મળે ફાસ્ટેગ 

દેશના તમામ હાઇવેના ટોલબૂથ પર ફાસ્ટેગ (FASTag) જરૂરી કરી દીધુ છે. લોકોને અગવડતાથી બચાવવા માટે કેન્દ્ર સરકારે NHAI સેન્ટર, ટોલ પ્લાઝા અને આરટીઓ કચેરીઓ, પેટ્રોલ પમ્પ અને ટ્રાન્સપોર્ટ હબમાંથી 29 ફેબ્રુઆરી સુધી વિના મૂલ્યે ફાસ્ટેગ આપવાનો કરવાનો નિર્ણય કર્યો છે. ફાસ્ટેગ ખરીદવા માટે સામાન્ય રીતે 100 રૂપિયા ફી આપવાની હોય છે. 28 જાન્યુઆરી સુધીમાં ઇલેક્ટ્રોનિક ટોલ કલેક્શન સિસ્ટમ હેઠળ 1.4 કરોડથી વધુ ફાસ્ટેગ આપી દેવામાં આવ્યા છે.

ઇન્ડિયન બેંકના ATM માંથી 2000 રૂપિયાની નોટ નહી નીકળે 

1 માર્ચ 2020 થી ઇન્ડિયન બેંકના ATM પર 2000 રૂપિયાની ચલણી નોટ નહી મળે.ઇન્ડિયન બેંકના જણાવ્યા અનુસાર, તેના ATMમાં ​​2,000 રૂપિયાની નોટવાળી કેસેટ્સ ડિસેબલ કરી દેવામાં આવશે. બેંકે કહ્યું કે, ગ્રાહકોને 2,000 રૂપિયાની નોટ રિટેલ આઉટલેટ્સ અને અન્ય જગ્યાઓએ એક્સચેન્જ કરાવવામાં મુશ્કેલી ઊભી થાય છે. બેંકના જણાવ્યા મુજબ, જો ગ્રાહકોને 2,000 રૂપિયાની નોટ લેવી હોય તો તેમણે બ્રાંચમાં જઈને તેનો ઉપાડ કરી શકે છે. બેંક હવે 2,000 રૂપિયાની નોટને બદલે ATMમાં ​​200 રૂપિયાની નોટ નાખશે.

HDFCની જૂની એપ બંધ થઈ જશે

HDFC બેંકે તેના ગ્રાહકોને મેસેજ કરીને બેંકની નવી મોબાઇલ એપ્લિકેશન ડાઉનલોડ કરવાનું કહ્યું છે. 29 ફેબ્રુઆરીથી જૂનાં વર્ઝનની મોબાઇલ એપ કામ નહીં કરે. બેંકનું કહેવું છે કે, જો આવું ન કર્યું તો જૂનાં વર્ઝનથી તમે પૈસા ટ્રાન્સફર નહીં કરી શકો.