ક્રિકેટ / T20 વર્લ્ડકપની ટીમમાં અર્શદીપને લેવા માટે આ ધુરંધરોને પડતાં મુકાયા, ધડાધડ વિકેટો લઈ શકે એવા કાતિલ બોલરો

Khevna

Last Updated: 10:14 AM, 16 September 2022

FOLLOW ON

શેર કરો

ટી20 વર્લ્ડ કપ માટે અર્શદીપ સિંહની જગ્યાએ ભારતીય ટીમમાં સ્થાન મેળવવા માટે બીજા ઘણા સારા બોલર્સની પણ દાવેદારી હતી. ચાલો એક નજર ફેરવીએ આ બોલર્સ પર.

ટી20 વર્લ્ડ કપ માટે અર્શદીપ સિંહને ટીમમાં મળ્યું સ્થાન
મોહમ્મદ શમીને તક ન મળવાને કારણે ફેન્સમાં ચર્ચા
દિપક ચાહરે પણ ઈજા બાદ કરી હતી શાનદાર વાપસી

ટી20 વર્લ્ડ કપ માટે અર્શદીપ સિંહને ટીમમાં મળ્યું સ્થાન

ઓસ્ટ્રેલીયામાં આવતા મહિનાથી શરુ થઇ રહેલા ટી20 વર્લ્ડ કપ માટે 15 સદસ્યોની ભારતીય ટીમની ઘોષણા થઇ ચુકી છે. ટીમમાં જસપ્રીત બુમરાહ અને હર્ષલ પટેલ જેવા ખેલાડીઓની વાપસી થઇ છે, જ્યારે અનુભવી ભુવનેશ્વર કુમાર સાથે અર્શદીપ સિંહને પણ તક મળી છે. અર્શદીપને એશિયા કપમાં પણ રમવાનો મોકો મળ્યો હતો. જોકે આ ટુર્નામેન્ટમાં તેમનું પ્રદર્શન એવરેજ રહ્યું હતું.

આવામાં ટી20 વર્લ્ડ કપ જેવી મોટી ટુર્નામેન્ટમાં અર્શદીપ સિંહ જેવા યુવા ખેલાડીને ટીમમાં સામેલ કરીને ઈન્ડિયાએ મોટો દાવ રમ્યો છે. અર્શદીપ ઉપરાંત પણ ટીમમાં જગ્યા બનાવવા માટે દીપક ચાહર, મોહમ્મદ શમી અને મોહમ્મદ સિરાજ જેવા બોલર્સની દાવેદારી હતી પણ તેમને અવગણવામાં આવ્યા.

ટી20 વર્લ્ડ કપ માટે આ બોલર્સ પણ હતા સારા દાવેદાર

મોહમ્મદ શમી

મોહમ્મદ શમીને એશિયા કપમાં ટીમમાં સામેલ કરવાને લઈને ચર્ચા ચાલી રહી હતી પણ બીસીસીઆઈએ પહેલા જ સ્પષ્ટ કરી દીધું કે તેઓ નાના ફોર્મેટની યોજનાઓમાં સામેલ નથી. શમીને ભારત માટે 17 ટી20 મેચોમાં રમવાની તક મળી છે, જેમાં તેમણે 18 વિકેટ લીધી છે.

દીપક ચાહર

દીપક ચાહરે ઇજા બાદ ઝીમ્બાબ્વે પ્રવાસ પર વાપસી કરી હતી. અહી તેમણે દમદાર વાપસી કરી હતી પણ તેમને ટી20 વર્લ્ડ કપ માટે સ્ટેન્ડ બાયમાં રાખવામાં આવ્યા છે. તેઓ ફિટ છે અને પોતાની સ્વિંગ બોલિંગથી ઓસ્ટ્રેલીયામાં ધમાલ મચાવી શકે છે.