અક્ષય કુમાર અને કેટરિના કેફ લાંબા સમયથી એક મેકની સાથે કામ કરી રહ્યા છે. બંને સ્ટાર એક દશક બાદ ફિલ્મ સૂર્યવંશીમાં સાથે જોવા મળશે. આ પહેલાં અક્ષય અને કેટરિનાએ વર્ષ 2010માં ફિલ્મ તીસ માર ખાંમાં કામ કર્યું હતું. રોહિત શેટ્ટી દ્વારા નિર્દેશિત ફિલ્મ સૂર્યવંશીને વર્ષની સૌથી વધુ કમાલ કરનારી ફિલ્મોમાં ગણવામાં આવી છે. કેટરિના અને અક્ષય ભલે 10 વર્ષ બાદ કામ કરી રહ્યા હોય પણ તેમની કેમેસ્ટ્રીએ લોકોનું મનોરંજન કર્યું છે.
અક્ષય- કેટરિનાની ફિલ્મોએ મચાવી ધમાલ
બોક્સ ઓફિસ પર કરી ધૂમ કમાણી
આ 5 ફિલ્મો રહી ચર્ચામાં
નમસ્તે લંડન
અક્ષય કુમાર અને કેટરીના કેફની ફિલ્મ નમસ્તે લંડન કેટરિનાની કરિયરનો ટર્નિંગ પોઈન્ટ ગણવામાં આવે છે. ફિલ્મ બાદ તે ઈન્ડસ્ટ્રીમાં નામ કમાઈ શકી. ફિલ્મ બાદ કેટરિના અને અક્ષયે બેક ટૂ બેક અનેક હિટ ફિલ્મોમાં કામ કર્યું છે. આ ફિલ્મમાં અક્ષય કુમાર એક પંજાબી વ્યક્તિના રોલમાં જોવા મળ્યા હતા. કેટરિનાએ હાફ બ્રિટિશ અને હાફ ઈન્ડિયનનો રોલ કર્યો. વર્ષ 2007માં રિલિઝ થયેલી આ ફિલ્મે બોક્સ ઓફિસ પર 70 કરોડનું કલેક્શન કર્યું હતું અને સાથે જ આ જોડી સુપરહિટ સાબિત થઈ.
વેલકમ
અનીઝ બઝ્મી દ્વારા નિર્દેશિત ફિલ્મ વેલકમને ફેન્સેની વચ્ચે કલ્ટ સ્ટેટસ મળે છે. આ ફિલ્મમાં નાના પાટેકર, અનિલ કપૂર અને અક્ષય કુમારની કોમેડીએ ફેન્સના ખૂબ જ વખાણ કર્યા હતા. ફિલ્મની સફળતામાં અક્ષય કેટરિનાની કેમેસ્ટ્રીનું ખાસ યોગદાન હતું. આ ફિલ્મ પણ બોક્સ ઓફિસ પર સુપરહિટ સાબિત થઈ હતી. વર્ષ 2007માં વર્લ્ડવાઈડ 120 કરોડની કમાણી કરવામાં સફળ રહી હતી.
સિંહ ઈઝ કિંગ
અક્ષય કેટરિનાની જોડીને દર્શકોએ પસંદ કરી છે. બંને પર બનાવાયેલું ગીત તેરી ઓર પણ લોકપ્રિય બન્યુ હતું. ફિલ્મમાં અક્ષય સરદારના લૂકમાં જોવા મળ્યા હતા. તેઓએ ફિલ્મમાં ઈન્ટરનેશનલ રેપ સિંગર સ્નૂપડોગની સાથે રૈપ કર્યું હતું. અક્ષયની આ ફિલ્મને 12 વર્ષ પહેલાં વર્લ્ડવાઈડ 123 કરોડની કમાણી કરી હતી.
દે દનાદન
2009માં રિલિઝ થયેલી અક્ષય - કેટરિનાની દે દનાદન ભલે સિંહ ઈઝ કિંગ કે વેલકમના જેવી કમાણી કરી ન શકી હોય પણ તે સારું પરફોર્મ કરવામાં સફળ રહી હતી. ફિલ્મમાં કેટરિના અને અક્ષયની ઓનસ્ક્રીન કેમેસ્ટ્રીના વખાણ થયા અને સાથે જ ફિલ્મે વર્લ્ડવાઈડ 82 કરોડની કમાણી કરી હતી.
તીસ માર ખાં
ફરાહ ખાન દ્વારા નિર્દેશિત ફિલ્મ તીસ માર ખાંને ક્રિટિક્સ પાસેથી ખરાબ રિએક્શન મળ્યા હતા તેમ છતાં ફિલ્મ કેટરિના અને અક્ષયના સ્ટારડમના કારણે સારું પરફોર્મન્સ આપવામાં સફળ રહી હતી. સલમાન ખાને આઈટમ સોન્ગમાં કેમિયો કર્યું. ફિલ્મનું વર્લ્ડવાઈડ કલેક્શન 90 કરોડની આસપાસનું રહ્યું.