આગાહી / રાજ્યમાં ફરી જામ્યો વરસાદી માહોલ, હજુ બે દિવસ આ વિસ્તારોમાં મેઘમહેરની આગાહી 

ગઇકાલે ભારતમાં દિલ્હી મુંબઈ સહિત અનેક વિસ્તારોમાં ધોધમાર વરસાદ પડ્યો હતો. ગુજરાત રાજ્યમાં પણ ગઇકાલે સારો વરસાદ રહ્યો હતો. ગુજરાતમાં એક દિવસમાં 205 તાલુકામાં વરસાદ પડી ચૂક્યો છે. 

ઉમરગામમાં 12 ઇંચ
ગુજરાતમાં સૌથી વધુ ઉમરગામમાં વરસાદ નોંધાયો હતો. ઉમરગામમાં 12 ઇંચ વરસાદ નોંધાયો હતો. 

વાપીમાં પોણા 5 ઈંચ, વઘઈમાં પોણા 4 ઈંચ વરસાદ
કપરાડામાં સવા 3 ઈંચ, વડગામમાં 3 ઈંચ વરસાદ
કઠલાલમાં 3 ઈંચ, માણસામાં પોણા 3 ઈંચ વરસાદ
નાંદોદમાં અઢી ઈંચ, વાંસદામાં અઢી ઈંચ વરસાદ
ખેરગામમાં સવા 2 ઈંચ, બગસરામાં 2 ઈંચ વરસાદ
ખેડા, ડેડિયાપાડા, ગરુડેશ્વર અને ડીસામાં 2 ઈંચ વરસાદ
પારડીમાં 1.5 ઈંચ, સુબિરમાં 1.5 ઈંચ વરસાદ
પોશીનામાં 1.5 ઈંચ. ઉમરેઠમાં 1.5 ઈંચ વરસાદ

ગુજરાતમાં પડી શકે છે સારો વરસાદ

હજુ બીજા 2 દિવસ સુધી દક્ષિણ ગુજરાત, સૌરાષ્ટ્રમાં વરસાદની આગાહી છે. તો સામે મધ્ય ગુજરાત અને ઉત્તર ગુજરાતમાં મધ્યમ વરસાદ પડે તેવી સંભાવના છે. 

આગાહી અનુસાર ગુજરાતમાં કેટલાક વિસ્તારોમાં ગાજવીજ સાથે વરસાદ વરસી શકે છે. 

કયા જિલ્લાઓમાં વરસાદની આગાહી?

અમદાવાદ, ગાંધીનગર, સુરત
અમરેલી, ભાવનગર, રાજકોટ
તાપી, ડાંગ, વડોદરા
આહવા, નવસારી, વલસાડ
નડિયાદ, ખેડા
મહેસાણા, સાબરકાંઠા
બનાસકાંઠા, અરવલ્લી, મોડાસા 
આ વિસ્તારોમાં બે દિવસ સુધી મધ્યમથી ભારે વરસાદ પડે તેવી સંભાવના છે.