ગુજરાત ચૂંટણી / આ છે વડોદરાના ભાજપ-કોંગ્રેસના કરોડપતિ ઉમેદવારો, ધરાવે છે કરોડોની ધનસંપત્તિ, પ્રોપર્ટી જાણીને જ ચોંકી જશો

• વડોદરામાં ભાજપ-કોંગ્રેસના ઉમેદવારોએ ફોર્મ ભર્યા
• ડભોઇ ભાજપના શૈલેષ સોટ્ટા સૌથી ધનિક ઉમેદવાર
• રાવપુરામાં ભાજપ કરતા કોંગ્રેસના ઉમેદવાર ધનવાન

ગુજરાતમાં વિધાનસભાની ચૂંટણીની તારીખ જાહેર થઈ ગઈ છે, ત્યારે વડોદરા જિલ્લામાં બીજા તબક્કામાં 5 ડિસેમ્બરના રોજ ચૂંટણીનું આયોજન કરવામાં આવ્યું છે. વડોદરા જિલ્લામાં કુલ 10 વિધાનસભા બેઠકો છે. જેમાંથી 5 બેઠક શહેર અને 5 બેઠક ગ્રામ્ય વિધાનસભાને ફાળવવામાં આવી છે. વડોદરા શહેર જિલ્લાની વિવિધ બેઠકો પર ઉમેદવારોએ ફોર્મ ભર્યા. જેમાં વડોદરાની ડભોઈ બેઠકના ભાજપના ઉમેદવાર શૈલેષ સોટ્ટાએ 23.85 કરોડની સંપત્તિ જાહેર કરી છે.

ડભોઇ ભાજપના શૈલેષ સોટ્ટા સૌથી ધનિક ઉમેદવાર
આ વખતે કરોડોની સંપતિ ધરાવતા દાવેદારો વડોદરા ભાજપ-કોંગ્રેસના ઉમેદવાર બન્યા છે. ઉમેદવારી ફોર્મ ભરતી વખતે આપવામાં આવેલી વિગતો મુજબ ડભોઈ બેઠકના ભાજપના ઉમેદવાર શૈલેષ સોટ્ટાએ સૌથી વધુ 23.85 કરોડની સંપત્તિ દર્શાવી છે.  વાઘોડિયા બેઠકના ભાજપ ઉમેદવાર અશ્વિન પટેલે સોગંદનામામાં 18.50 કરોડની સંપત્તિ જાહેર કરી છે. જ્યારે રાવપુરા બેઠક પર કોંગ્રેસના ઉમેદવાર સંજય પટેલે 12 કરોડ 47 લાખ 83 હજાર 520 રૂપિયાની સંપત્તિ જાહેર કરી છે.

રાવપુરા બેઠકના ભાજપ ઉમેદવાર બાળુ શુક્લએ દર્શાવી 3.89 કરોડની સંપતિ
જ્યારે માંજલપુર બેઠકના કોંગ્રેસના ઉમેદવાર ડૉ.તશ્વીન સિંઘે રૂપિયા 8.45 કરોડ, સયાજીગંજ બેઠક પર કોંગ્રેસના ઉમેદવાર અમી રાવતે 6.23 કરોડ, રાવપુરા બેઠકના ભાજપ ઉમેદવાર બાળુ શુક્લએ દર્શાવી 3.89 કરોડ, કરજણ બેઠકના ભાજપના ઉમેદવાર અક્ષય પટેલે 3.46 કરોડ, વડોદરાની અકોટા વિધાનસભા બેઠકના કોંગ્રેસના ઉમેદવાર ઋત્વિક જોશીએ 1.61 કરોડ રૂપિયાની કુલ મિલકત જાહેર કરી છે.

કરોડોની સંપતિ ધરાવતા દાવેદારો વડોદરા ભાજપ-કોંગ્રેસમાં બન્યા ઉમેદવાર
આ ઉપરાંત AAPના સયાજીગંજ બેઠકના ઉમેદવાર સ્વેજલ વ્યાસે 60.35 લાખની સંપત્તિ જાહેર કરી છે. જ્યારે સાવલીના આમ આદમી પાર્ટીના ઉમેદવાર વિજય ચાવડાએ 51.33 લાખ અને વાઘોડિયા બેઠક પર આમ આદમી પાર્ટીના ઉમેદવાર ગૌતમ સોલંકીએ 3.4 લાખ રૂપિયાની સંપત્તિ જાહેર કરી છે.