તમારા કામનું / મહિલાઓમાં વધી રહેલી વંધ્યત્વની સમસ્યા માટે આ કારણો છે જવાબદાર, ક્યાંક તમે પણ નથી કરતાને આવી ભૂલ?

• મહિલાઓમાં વધી રહી છે વંધ્યત્વની સમસ્યા
• આ કારણે મહિલાઓમાં જોવા મળે છે આવી સમસ્યાઓ 
• મહિલાઓએ આ આદતો બદલવી જોઈએ 

આજકાલની લાઈફસ્ટાઈલના કારણે મહિલાઓમાં ઈન્ફર્ટિલિટી (વંધ્યત્વ)ની સમસ્યા ખૂબ વધી ગઈ છે. ખરાબ લાઈફસ્ટાઈલના કારણે નાની ઉંમરમાં જ મહિલાઓને જાડાપણુ અને હોર્મોનલ ચેન્જીસ જેવી સમસ્યાઓ થાય છે. આ કારણે શરીરનું સંપૂર્ણ સિસ્ટમ બગડી જાય છે. તેની સાથે જ વર્કપ્લેસ પર વધારે વર્કલોડ અને ઘરને મેનેજ કરવાની જવાબદારીની વચ્ચે એક મહિલાને ખૂબ તણાવ થઈ જાય છે. તેના કારણે તેમની સમસ્યાઓ વધી જાય છે. તેના માટે નીચેના કારણો પણ જવાબદાર હોઈ શકે છે. 

ઉંમર 
આજકાલ મહિલાઓ કરિયર કોન્શિયસ હોય છે. માટે તે મોડા લગ્ન કરે છે. મોટાભાગની યુવતીઓ 30 બાદ લગ્ન કરે છે અને લગ્ન બાદ પણ થોડો બ્રેક લઈને પ્રગ્નેન્સી પ્લાન કરે છે. ઉંમર વઘવાની સાથે સાથે મહિલાઓના શરીરમાં હાજર એગની સંખ્યાઓ ઘટવા લાગે છે. અને ગણવત્તા ઓછી પણ થવા લાગે છે. તેજ વંધ્યત્વનું કારણ બને છે.  

ધુમ્રપાન 
ધુમ્રપાન અને આલ્કોહોલ લેવાની આદત મહિલાઓને પણ થઈ ગઈ છે. આજકાલ મોટાભાગે મહિલાઓ આ મોર્ડન લાઈફનો ભાગ બની ગઈ છે. તેનાથી તેમની પ્રજનન ક્ષમતા પ્રભાવિત થાય છે. ઘણા સંશોધનો જણાવે છે કે તંબાકુ અથવા આલ્કોહોલમાં હાજર ટોક્સિન્સના કારણે તેમના અંડાશપ પર હાનિકારક પ્રભાવ પડે છે. તેનાથી ઈન્ફર્ટિલિટીની સમસ્યા વધે છે અને ગર્ભપાતની આશંકા પણ વધી જાય છે. 

તણાવ 
આજકાલનું જીવન તણાવથી ભરેલું બની ગયું છે. વધારે તણાવના કારણે થાયરોયડ જેવી અમુક બિમારીઓ ઘર કરી લે છે. આ બિમારીઓમાં હોર્મોનલ ગડબડ થાય છે અને ગર્ભ ધારણ કરવામાં મુશ્કેલીઓ આવે છે.