IPL 2022 / ગુજરાત ટાઈટન્સના આ 5 ખેલાડીઓનો જવાબ નથી, પોતાના દમ પર ટીમને પહોંચાડી પ્લે-ઑફમાં

• ગુજરાત ટાઈટન્સ પ્લે ઓફઅ પહોંચનાર પહેલી ટીમ 
• મંગળવારે લખનૌને આપી માત 
• બધા જ ક્ષેત્રોમાં ગુજરાતનું પ્રદર્શન શાનદાર 

ગુજરાત ટાઈટન્સ પ્લે ઓફઅ પહોંચનાર પહેલી ટીમ 

ગુજરાત ટાઈટન્સ ટીમ હાલની સીઝનમાં પ્લે ઓફમાં પહોંચનાર પહેલી ટીમ બની ચુકી છે. હાર્દિક પંડ્યાની આગેવાનીવાળી ટીમે મંગળવારે રમવામાં આવેલ મેચમાં લખનૌ સુપર જાયન્ટ્સને 62 રનથી માત આપી અને પ્લે ઓફની ટિકિટ લઇ લીધી. ગુજરાતે 20 ઓવરમાં 4 વિકેટ પર 144 રન બનાવ્યા અને પછી લખનૌએ 82 રન જ બનાવ્યા. 

Playoffs, #AavaDe💙#SeasonOfFirsts #AavaDe #LSGvGT pic.twitter.com/DLgXCjgB63

— Gujarat Titans (@gujarat_titans) May 10, 2022

મંગળવારે લખનૌને આપી માત 

ગુજરાતની ટીમ દરેક ક્ષેત્રમાં સારું પ્રદર્શન કરુઈ રહી છે અને આ જ કારણ છે કે સૌથી પહેલા પ્લે ઓફમાં પહોંચી છે. પંજાબ કિંગ્સ અને મુંબઈ ઇન્ડિયન્સ સામે હાર મેળવ્યા બાદ લખનૌને માત આપીને ગુજરાતે પ્લે ઓફની ટિકિટ મેળવી છે. 

શુભમન ગિલ 

શુભમન ગિલ ગુજરાત ટાઈટન્સની મોટી તાકાત છે. અત્યાર સુધી 12 મેચમાંથી 4માં અડધી સદી ફટકારી ચુક્યા છે. લખનૌ સામે મેચમાં પણ શુભમન જ ટોપ સ્કોરર રહ્યા છે અને તેમણે  63 રન બનાવ્યા છે. શુભમન ગુજરાત માટે સૌથી વધારે રન બનાવનાર બેટ્સમેન છે અને તેમણે અત્યાર સુધીમાં 12 મેચમાં 137.14નાં સ્ટ્રાઈક રેટથી 384 રન બનાવ્યા છે. 

રાશિદ ખાન 

ગુજરાતનાં ઉપ કપ્તાન અને સ્ટાર સ્પિનર રાશિદ ખાને પણ લખનૌ સામે કમાલનું પ્રદર્શન કર્યું છે અને 4 વિકેટ લીધી છે. તેઓ અત્યાર સુધી સીઝનમાં કુલ 15 વિકેટ મેળવી ચુક્યા છે. તેમણે 72 રન પણ બનાવ્યા છે. 

હાર્દિક પંડ્યા 

નવી ટીમ ગુજરાતને સફળ બનાવવામાં હાર્દિક પંડ્યાનો પણ મોટો હાથ છે. તેમણે હાલમાં જ એક ઇન્ટરવ્યૂમાં કહ્યું હતું કે તેમની ટીમમાં કોઈ નાનું કે મોટું નથી અને બધાને બરાબર સાંભળવામાં આવે છે. હાર્દિકે ટીમનું શાનદાર નેતૃત્વ કર્યું છે. તેમણે અત્યાર સુધી 11 મેચમાં 3 અડધી સદી ફટકારી છે અને કુલ 344 રન બનાવ્યા છે. આ ઉપરાંત તેમણે સીઝનમાં સારી બોલિંગ પણ કરી છે. 

મોહમ્મદ શામી 

અનુભવી પેસર મોહમ્મદ શામીનો પણ ગુજરાતની સફળતામાં મોટો હાથ છે. તેમણે પોતાની પેસથી સામેની ટીમનાં બેટ્સમેનોને પરેશાન કર્યા છે. અત્યાર સુધી 12 મેચમાં કુલ 16 વિકેટ તેઓ મેળવી ચુક્યા છે, જેમાં તેમનો ઈકોનોમી રેટ 7.87 રહ્યો છે. 

આશિષ નેહરા 

ગુજરાતની ટીમનાં કોચ આશિષ નેહરાએ પણ ટીમનું શાનદાર માર્ગદર્શન  કર્યું છે. ખાસ વાત એ છે કે સીઝન શરુ થયા પહેલા સુધી ઘણા ક્રિકેટ એક્સપર્ટ માનતા હતા કે ગુજરાતનું પ્રદર્શન સીઝનમાં ખાસ જોવા મળશે નહીં પરંતુ પંડ્યા અને નેહરાની જોડી જ છે, જેમણે કેપ્ટન-કોચ તરીકે સૌને ખોટા સાબિત કર્યા છે અને સૌથી પહેલા પ્લે ઓફની ટિકિટ મેળવી છે. આશિષ નેહરા ખુદ પણ એક શાનદાર બોલર રહ્યા છે, જેમણે 17 ટેસ્ટ, 120 વન ડે અને 27 ટી20 મેચ રમી છે. તેમનો અનુભવ જ ટીમના ખેલાડીઓને કામ આવી રહ્યો છે.