ઓટો / આ છે ભારતની સૌથી સુરક્ષિત 3 કાર, જેમાં Maruti અને Hyundaiનું એકપણ મોડલ નથી

મહિન્દ્રા XUV300

મહિન્દ્રા XUV300 ભારતમાં બનેલી સૌથી સુરક્ષિત સબ-કોમ્પેક્ટ SUV છે, જેને એડલ્ટ સેફ્ટી માટે શાનદાર 5-સ્ટાર રેટિંગ અને ચાઈલ્ડ સેફ્ટી માટે 4-સ્ટાર રેટિંગ આપવામાં આવ્યા છે. સ્થાનિક બજારમાં બનેલી આ SUV તેના સેગમેન્ટમાં 7 એરબેગ ઓફર કરનારી પહેલી કાર છે જે એક શાનદાર સેફ્ટી ફીચર છે. આ કારને ક્રેશ ટેસ્ટમાં 5માંથી 5 સ્ટાર મળ્યા છે. આ કાર વર્ષ 2014થી જ સેફ્ટીના મામલે પહેલા નંબરે છે. 

ટાટા અલ્ટ્રોઝ 

ટાટાની અલ્ટ્રોઝને આ લિસ્ટમાં બીજુ સ્થાન મળ્યું છે. ટાટા અલ્ટ્રોઝના ફિચર્સની વાત કરીએ તો આ  બે એન્જિન ઓપ્શન સાથે આવે છે. આમાં 86 બીએચપી પાવરવાળા 1.2 લીટર પેટ્રોલ અને 90 બીએચપી પાવરવાળા 1.5 લીટર ડિઝલ એન્જિન છે. બન્ને એન્જિન બીએસ6 કમ્પ્લાન્ટ રહેશે, આ સાથે જ કારમાં 5-સ્પીડ મેન્યુઅલ ગિયરબોક્સ સાથે આવે છે. ટાટા આલ્ટ્રોઝને ફાઇવ સ્ટાર રેટિંગ મળ્યું છે અને ચાઇલ્ડ સેફ્ટી મામલે તેને એનસીએપી દ્વારા 3-સ્ટાર રેટિંગ મળ્યું છે. 

ટાટા નેક્સાન 

ટાટાની નાની ક્રોસઓવર, એડલ્ટ સેફ્ટીને લઈને ગ્લોબલ NCAP ક્રેશ ટેસ્ટમાં 5-સ્ટાર સેફ્ટી રેટિંગ મેળવનાર પહેલી ભારતીય કાર હતી, જે ઘણી પ્રભાવશાળી ઉપલબ્ધી હતી. નેક્સન ચાઈલ્ડ સેફ્ટી માટે 3-સ્ટાર રેટિંગ પ્રાપ્ત કરવામાં સફળ રહી. વર્તમાનમાં ટાટા મોટર્સ તેની તમામ કારમાં સુરક્ષાને પ્રાધાન્ય આપી રહી છે અને આ કારણે જ ટાટાની એન્ટ્રી લેવલ કાર, જેમ કે, ટિયાગો અને ટિગોરને પણ 4-સ્ટાર સેફ્ટી રેટિંગ મળ્યા છે.