વાયરલ ચૅક / લોકસભા ચૂંટણીમાં બોગસ વૉટિંગ માટે આંગળીઓ બનાવાઈ? જાણો હકીકત

લોકસભાની ચૂંટણી નજીક આવી રહી છે તેમ-તેમ વિવિધ પ્રકારના મેસેજીસ અને તસવીરો વાયરલ થઇ રહી છે. આ તમામ બાબતો વચ્ચે કૃત્રિમ આંગળીઓ દ્વારા કરવામાં આવતા બોગસ મતદાન અંગેની તસવીરો આજકાલ સોશિયલ મીડિયામાં ધૂમ મચાવી રહી છે. 
 

Beware of fake fingers being manufactured for voting. pic.twitter.com/dejv4jWbGm

— Chowkidar Sachin Agrawal (@SachinA39043103) April 9, 2019

ઉલ્લેખનીય છે કે, આ પ્રકારની તસવીરો સાથે એક સંદેશ પણ જોડાયેલ હોય છે જેમાં લખ્યું હોય છે કે, મતદાન અધિકારીઓ સાવધાન, ચૂંટણી સમયે આંગળીઓને સરખી રીતે ખેંચીને જોઇ લો નહીંતર થઇ શકે છે બોગસ મતદાન. ત્યારે આજે અમે આપને શું છે આ કૃત્રિમ આંગળીઓ વાળા મેસેજનું સત્ય તેના વિશે જણાવીશું.

શું છે સત્ય...?

કૃત્રિમ આંગળીઓની આ તસવીરો જાપાનમાં ગેંગસ્ટર રહી ચુકેલ કેટલાક લોકોએ બનાવી હતી.‘Yakuza’ નામથી જાણીતા બનેલ જાપાની માફિયાના સભ્યોને પોતાના ગુનાનું પ્રાયશ્ચીત કરવાનો એક રિવાજ હતો. જેના લીધે તેઓ પોતાની આંગળીઓ કાપી નાંખતા હતા.
 

Someone sent this! pic.twitter.com/bnwRZLSLiL

— Dr. S.Y. Quraishi (@DrSYQuraishi) February 20, 2017

જાપાનના ટોક્યોમાં કૃત્રિમ આંગળીઓ બનાવનારી કંપનીઓ મુજબ તસવીરમાં દેખાઇ રહેલ આંગળીઓ ‘Yakuza’ ગેંગસ્ટર માટે બનાવવામાં આવી હતી. જેનું ભારતની ચૂંટણી સાથે કોઇ લેવાદેવા નથી.

કેવી રીતે કરાઇ હકીકતની તપાસ..?

વાયરલ થઇ રહેલી તસવીરોને ગૂગલ રિવર્સ ઇમેજ સર્ચ કરવાથી તમને પણ હકીકત સમજાઇ જશે. ગૂગલ સર્ચ રિઝલ્ટ્સમાં 'Deceptology' નામની વેબસાઇટ પર છપાયેલ એક આર્ટિકલ મળી આવ્યો જેનું ટાઇટલ ‘How fake pinkies help Japanese gangsters’ હતું.

આ લેખમાં છપાયેલ માહિતી ABC ન્યૂઝે લીધી.વર્ષ 2013માં પ્રસિદ્ધ થયેલ ABC ન્યૂઝના લેખમાં શિર્ષક હતું કે, Prosthetic Fingers Help Reform Japan’s Feared Yakuza Gangsters. આ લેખ પરથી તે વાત સ્પષ્ટ થઇ કે, આ કૃત્રિમ આંગળીઓ જાપાનમાં ‘Yakuza’ના પૂર્વ સભ્યો માટે બનાવાયેલ.