જેમાંથી ખાસ બેંકીંગ નિયમો, રોકાણ કરવા માટે ના નિયમોમાં બદલાવ થવા જઈ રહ્યા છે, એ સાથે જ એલપીજી, સીએનજીની કિંમતોમાં પણ ઘણા બદલવા થઈ રહ્યા છે.
સીએનજીની કિંમતોમાં 12 વખત ફેરફાર કરવામાં આવ્યો છે
ડીમેટ અને ટ્રેડિંગ એકાઉન્ટનું KYC પૂર્ણ કર્યું નથી તો તેને 1 જુલાઈ પહેલા કરાવી લો
ક્રિપ્ટોમાં રોકાણ કરનારાઓએ પણ ટેક્સ ઉપરાંત 1 ટકા TDS ચૂકવવો પડશે
આવતીકાલે 1 જુલાઇ છે એટલે આજે મહીનાનો છેલ્લો દિવસ છે. આજે તમારે અમુક મહત્વના કામ પણ પૂરા કરવા માટેનો છેલ્લો દિવસ છે. આવતીકાલથી ઘણા એવા બદલાવ થવા જઈ રહ્યા છે જેની સીધી અસર તમારા ખિસ્સા પર પડશે. જેમાંથી ખાસ બેંકીંગ નિયમો, રોકાણ કરવા માટે ના નિયમોમાં બદલાવ થવા જઈ રહ્યા છે, એ સાથે જ એલપીજી, સીએનજીની કિંમતોમાં પણ ઘણા બદલવા થઈ રહ્યા છે. કયા કયા એવા બદલવા થઈ રહ્યા છે ચાલો તેના વિશે જાણીએ.
રસોઈ ગેસની કિંમતોમાં વધારો થશે
સરકારી પેટ્રોલિયમ કંપનીઓ દર 15 દિવસે રસોઈ ગેસની કિંમતની સમીક્ષા કરીને ગ્લોબલ માર્કેટની કિંમતો અનુસાર તેમ ફેરફાર કરવામાં આવે છે. 1 જુલાઇથી ફરી તેની કિંમતોમાં બદલવા થવા જઈ રહ્યો છે જે ફરી વધી-ઘટી શકે છે. આ વખતે બિન-સબસિડીવાળા ગેસ સિલિન્ડર અને કોમર્શિયલ ગેસ સિલિન્ડર બંનેની કિંમતમાં વધારો થવાની ધારણા છે.
સીએનજી-એટીએફ પણ થઈ શકે છે મોંઘા
સરકારી કંપનીઓ એલપીજી ઉપરથી સીએનજી એટલે કે કમ્પ્રેસ્ડ નેચરલ ગેસની કિંમતોમાં પણ વધારો કરી શકે છે. જો કે આ ચાલુ વર્ષમાં અત્યાર સુધી સીએનજીની કિંમતોમાં 12 વખત ફેરફાર કરવામાં આવ્યો છે. આ સાથે જ એફટીએફની કિંમતોમાં પણ વધારો થવાની શક્યતાઓ છે.
ક્રિપ્ટોકરન્સીના રોકાણ પર ટીડીએસ
1 જુલાઇથી ક્રિપ્ટોકરન્સીની લેવડદેવડ 10,000થી વધુ હશે તો ટેક્સ ઉપરાંત ક્રિપ્ટોમાં રોકાણ કરનારાઓએ પણ 1 ટકા TDS ચૂકવવો પડશે. 30 ટકા ટેક્સ પછી ક્રિપ્ટો રોકાણકારોને વધુ એક મોટો આંચકો લાગશે.
ગિફ્ટ પર પણ બદલાય ટીડીએસના નિયમ
1 જુલાઇથી કોઈ ધંધા દ્વારા પ્રાપ્ત થતાં ગિફ્ટ પર 10 ટકા TDS આપવું પડશે. આ ટેક્સ સોશ્યલ મીડિયા ઇનફ્લુઅંસર અને ડોકટરો પર લાગુ થશે. જો કે કંપની દ્વારા આપવામાં આવેલ ગિફ્ટ જો પાછી મોકલી આપશે તો આ ટીડીએસ નહીં ભરવું પડે.
KYC વિના ફ્રિજ થઈ જશે ડિમેટ અકાઉન્ટ
જો તમે ડીમેટ અને ટ્રેડિંગ એકાઉન્ટનું KYC પૂર્ણ કર્યું નથી તો તેને 1 જુલાઈ પહેલા કરાવી લો. 1 જુલાઈ પછી KYC અપડેટ કરી શકાશે નહીં. અગાઉ ડીમેટ ખાતાઓ માટે KYC કરાવવાની છેલ્લી તારીખ 31મી માર્ચ 2022 હતી પરંતુ બાદમાં તેને લંબાવીને 30મી જૂન કરવામાં આવી હતી.
ડબલ થઈ જશે આધાર-પેન લિન્કની લેટ ફી
પાન અને આધાર કાર્ડ લિન્ક કરાવવાની છેલ્લી તારીખ ઘણા સમય પહેલા નીકળી ચૂકી છે. હાલ 30 જૂન સુધી લેટ ફી તરીકે 500 રૂપિયા લેવામાં આવતા હતા જે 1 જુલાઇથી ડબલ થઈ જશે અને 500ની જગ્યાએ 1000 રૂપિયા લેટ ફી વસૂલ કરવામાં આવશે.
ગરમી વચ્ચે AC પણ મોંઘા થશે
વધતી ગરમી વચ્ચે 1 જુલાઈથી એસી પણ મોંઘા થઈ જશે. બ્યુરો ઓફ એનર્જી એફિશિયન્સીએ AC માટે એનર્જી રેટિંગના નિયમોમાં ફેરફાર કર્યો છે. 1 જુલાઈથી લાગુ થતા આ ફેરફારો બાદ 5 સ્ટાર એસીની રેટિંગ ઘટીને 4 સ્ટાર થઈ જશે. આ સાથે કિંમતમાં 10 ટકા સુધી વધી શકે છે.