સવાલ / 2 કિ.મી ફિટનેસ ટેસ્ટમાં ટીમ ઈન્ડિયાના આ 6 ખેલાડીઓ ફેલ, ટીમમાં સ્થાન મળશે કે નહીં?

• 20 ખેલાડીઓએ આપ્યો હતો ફીટનેસ ટેસ્ટ 
• 6 ખેલાડીઓ થયા ફીટનેસ ટેસ્ટમાં ફેલ
• મોટા ખેલાડીઓ પણ આ લિસ્ટમાં સામેલ 

નેશનલ ક્રિકેટ એકેડમીમાં આ અઠવાડિયે થયેલા બે કિમીના રનીંગ ટેસ્ટમાં 6 ભારતીય ક્રિકેટર ફેઇલ થઇ ગયા હતા. આ લિસ્ટમાં વીકેટકીપર અને બેટ્સમેન સંજુ સેમસન અને ઇશાન કીશન, નીતિશ રાણા, રાહુલ તેવટીયા, તે સિવાય સિદ્ધાર્થ કૌલ અને જયદેવ ઉનડકટ સામેલ છે.

સૂત્રો અનુસાર જો બીજી વાર પણ આ ખેલાડીઓ ફિટનેસ ટેસ્ટમાં પાસ નહી થઇ શકે તો ઇંગ્લેન્ડ વિરુદ્ધ રમાનારી ટી 20 અને વન ડે સિરીઝમાં આ લોકોનું સિલેક્શન થવું મુશ્કેલ  છે. 2018માં પણ યોયો ટેસ્ટમાં ફેલ થવાને કારણે સેમસન, શમી અને રાયડુનું સિલેક્શન નહોતું થયું. 

20 ખેલાડીઓએ ફીટનેસ ટેસ્ટ આપ્યો હતો. 

સુત્રોના જણાવ્યા અનુસાર ઇંન્ગ્લેન્ડ વિરુદ્ધ લિમિટેડ ઓવર સિરીઝ અને આ વર્ષના અંતમાં ભારતમાં યોજાનાર ટી-20 વર્લ્ડકપના કારણે આ ખેલાડીઓનો ફીટનેસ ટેસ્ટ લેવામાં આવ્યો હતો. આમાં યોયો સિવાય પણ 2 કીમી રનિંગનો પણ ટેસ્ટ હતો. બેટ્સમેન, વીકેટ કીપર અને સ્પિનરને 2 કીમી 8 મિનીટ અને 30 સેકન્ડમાં પુરી કરવાની હતી જ્યારે ફાસ્ટ બોલરને 8 મિનીટ 15 સેકન્ડમાં પુરી કરવાની હતી પરંતુ તેમાંથી 6 ક્રિકેટર આ ટેસ્ટ પાસ કરી શક્યા નહી. 

જ્યારે બોર્ડ સુત્રએ નવી ફિટનેસ ટેસ્ટની જરૂરિયાતને લઇને પ્રશ્નો પૂછવામાં આવ્યા ત્યારે તેમણે કહ્યું કે કેપ્ટન વિરાટ કોહલી અને રવિ શાસ્ત્રી ખેલાડીઓની ફીટનેસને લઇને ખુબ સતર્ક છે.