હેલ્ધી અને સુંદર સ્કિન મેળવવા આજકાલ મહિલાઓ અને પુરૂષો બંને ઘણું બધું કરતા હોય છે. પણ તેઓ ડેઈલી રૂટીનમાં કેટલીક એવી ભૂલો કરી નાખતા હોય છે જેના કારણે ચહેરાની ત્વચા સતત કાળી પડતી જાય છે અને ચહેરા પર ખીલ પણ થવા લાગે છે. આજે અમે તમને એવી જ ભૂલો વિશે જણાવીશું, જેને કરવાથી બચવું જોઈએ.
ચહેરો કાળો કરી દેશે તમારી આ ભૂલો
ખીલથી બચવું હોય તો ન કરતા આ કામ
આવી વસ્તુઓનો ક્યારેય ન કરવો ઉપયોગ
સનસ્ક્રીન ન લગાવવું
ઘણાં લોકો સનસ્ક્રીનને મહત્વ નથી આપતા અને લગાવતા નથી. તો તમને જણાવી દઈએ કે સનસ્ક્રીન આપણી સ્કિનને પ્રોટેક્ટ કરે છે અને સૂર્યના હાનિકારક યૂવી કિરણોથી પણ બચાવે છે. ચહેરો કાળો થતાં પોકે છે. ખીલથી બચાવે છે. જેથી રોજ સનસ્ક્રીન લગાવવું જ જોઈએ. ગમે તે સીઝન હોય સનસ્ક્રીન લગાવ્યા વિના ઘરની બહાર નીકળવું નહીં.
ચહેરો ન ધોવો
આ બહુ જ સામાન્ય વાત છે પણ ઘણાં લોકો આળસને કારણે ચહેરો ધોતા નથી અને સ્કિન પર રહેલું ડર્ટ સ્કિનની અંદર જાય છે. જેના કારણે ચહેરો કાળો થવો, ખીલ થવા, ઓપન પોર્સ જેવી સમસ્યાઓ થવા લાગે છે. રોજ સવારે અને રાતે માઈલ્ડ ફેસવોશથી ચહેરો ધુઓ અને પછી ગુલાબજળ લગાવી દો.
ખીલને વારંવાર અડવું
ઘણાં લોકોને એક-બે ખીલ થયા હોય તો તેને વારંવાર અડ્યા કરે છે અને ફોડી દે છે. જેના કારણે સ્કિનનું ઈન્ફેક્શન વધે છે અને આખા ચહેરા પર ખીલ થવા લાગે છે. તો ક્યારેય આવી ભૂલો કરવી નહીં. તેને ઠીક કરવા માટે કોઈ ઘરેલૂ પેક લગાવી શકો છો.
પાણી ન પીવું
શરીરને હાઈડ્રેટ રાખવા માટે ત્રણેય સીઝનમાં પૂરતા પ્રમાણમાં પાણી પીવું ખૂબ જ જરૂરી છે. પણ ઘણાં લોકોને પાણી પીવાનું યાદ નથી રહેતું અથવા તો વારંવાર પેશાબ માટે જવું પડે એટલે પાણી પીતાં નથી. તો આવી ભૂલ કરવી નહીં. રોજ 8-10 ગ્લાસ પાણી અવશ્ય પીવું. તેનાથી તમારી સ્કિન હાઈડ્રેટ રહેશે અને ગ્લો વધશે. સાથે જ સ્કિન કાળી નહીં થાય અને ખીલ પણ નહીં થાય.
ખોટી ક્રીમનો ઉપયોગ
ખીલ અથવા ડાઘ પણ યુવતીઓ ગમે તે ક્રીમ લગાવી દે છે અથવા તો ગોરા દેખાવા માટે પણ સસ્તી ક્રિમ્સ ચહેરા પર લગાવે છે. જેના કારણે ખીલ તો નથી જ મટતા અને ચહેરો પણ કાળો થવા લાગે છે. જેથી હમેશાં ચહેરાને સૂટ કરે એવી સારી કંપનીની જ ક્રિમ વાપરવી અથવા તો કંઈ જ લગાવવું નહીં.
મેકઅપ રિમૂવ ન કરવું
તમે વારંવાર સાંભળ્યું હશે કે મેકઅપ રિમૂવ કરવું જરૂરી છે. એવું એટલા માટે કે મેકઅપમાં રહેલાં કેમિકલ્સ તમારી સ્કિનમાં પ્રવેશે નહીં અને તમારી સ્કિનને નુકસાન પહોંચાડે નહીં. હમેશાં રાતે મેકઅપ રિમૂવ કરીને જ સૂવું.