હેલ્થ / હાર્ટ એટેકથી લઇને કેન્સર જેવી બીમારીઓમાં કારગર સાબિત થશે આ 5 પ્રકારના મશરૂમ, આજથી જ કરો ડાયટમાં સામેલ

મશરૂમ એક સુપરફૂડ છે તેને ડાયટમાં સામેલ કરવાથી સમાવેશ કરવાથી બોડીને અનેક ફાયદા થાય છે. મશરૂમમાં ઘણા પ્રકારના વિટામિન્સ અને મિનરલ્સ હોય છે જે શરીરને સ્વસ્થ રાખવામાં મદદ કરે છે. એક સ્ટડી મુજબ તમે દરરોજ 5 મશરૂમ ખાવ છો તો તમે કેન્સર અને ડિમેન્શિયા જેવી ગંભીર બીમારીઓથી બચી શકો છો. મશરૂમમાં એન્ટીઓક્સીડેન્ટ એર્ગો લિઓન અને ગ્લુટાથિઓન પુષ્કળ પ્રમાણમાં હોય છે, જે શરીરમાં ફ્રી રેડિકલ સામે રક્ષણ આપવામાં મદદ કરે છે.

• પ્રોટીનથી ભરપુર મશરૂમ
  કોઈમ્બતુરમાં આવેલ મશરૂમ ફાઉન્ડેશન ઓફ ઈન્ડિયા મુજબ મશરૂમ પ્રોટીન, કાર્બોહાઈડ્રેટ્સ અને વિટામિન્સથી ભરપૂર હોય છે પણ તેમાં કેલરી ઓછી હોય છે. જેથી હૃદય રોગ અને ડાયાબિટીસના દર્દીઓએ મશરૂમને આહારમાં સામેલ કરવું જોઈએ. મશરૂમમાં અનાજ, ફળો અને શાકભાજી જેવા ખાદ્ય પદાર્થ કરતા વધુ પ્રોટીન હોય છે. તેને રાંધ્યા બાદ પણ તેમાં પ્રોટીનનું પ્રમાણ જળવાઈ રહે છે. મશરૂમમાં વિટામિન બી, વિટામિન ડી, સેલેનિયમ, પોટેશિયમ અને એન્ટિઓક્સિડન્ટ્સ જેવા ખનિજો ભરપૂર હોય છે.

• મશરૂમના ફાયદા
  મશરૂમને ઘણા લોકો તેને ન તો ફળ માને છે કે ન તો શાકભાજી. તેમાં સામેલ તત્વોથી શરીરમાં ઓક્સિડેશન સ્ટ્રેસ ઘટાડવામાં મદદ મળે છે. જ્યારે આપણે ભોજનમાંથી ઉર્જા મેળવીએ છીએ ત્યારે શરીરમાં ફ્રી રેડિકલ પેદા થાય છે, જે કોષો અને DNAને નુકસાન પહોંચાડી શકે છે. પરંતુ મશરૂમના એન્ટીઑકિસડન્ટ ઓક્સિડેશન સ્ટ્રેસથી બચાવી શકે છે.

વધુ વાંચો : કેપ્સ્યુલ નહીં, આ ફ્રૂટ્સ અને શાકભાજી ખાવાનું શરૂ કરો, વિટામીન Eથી છે ભરપૂર, રહેશો ફિટ અને હેલ્ધી

આ મશરૂમ સિવાય ઓઇસ્ટર મશરૂમ પણ ખૂબ જ ફાયદાકારક હોય છે. જેમાં ઓછી કેલરી અને ઉચ્ચ પોષક તત્ત્વો હોય છે. ભારતમાં શિટેક મશરૂમ, કોર્ડિસેપ્સ મશરૂમ, લાયન મશરૂમ, રીશી મશરૂમ અને ચાગા મશરૂમ પણ મળી રહે છે. જેને તમે તમારી ડાયટમાં સામેલ કરી શકો છો.