મનોરંજન / ટીવી પર ચાલેલ 5 લાંબી સીરીયલો, પાત્ર બદલાય છે પણ કહાની હજુ ચાલુ

• ભારતીય લોકોના ફેવરીટ ટીવી શો 
• વર્ષોપ સુધી ચાલ્યા અને ઘણા હજુ ચાલુ છે 
• ઘણા શોનો નિર્માતા અંત લાવવા નથી માંગતા  

વર્ષો સુધી ચાલેલ TV શો 
ભારતીય ટેલિવિઝન શો દ્વારા નવી-નવી કહાનીઓ લોકોના ઘરે પહોંચતી હોય છે, એવી વાર્તાઓ આગળની કહાની જાણવા માટે લોકો રાત્રે સુતા પણ નથી અને વિચારતા હોય છે કે આગામી એપિસોડમાં શું થવાનું છે.કદાચ આ જ કારણે ઘણા બધા ટીવી શો વર્ષો સુધી ચાલે છે અને તેનો કોઈ અંત આવતો નથી તેવું લાગે છે. એવું લાગે છે કે નિર્માતાઓ તેનો અંત લખવા માંગતા નથી. વાર્તા આગળ વધે છે, જેમાં ઘણા જંપ અને નવા પાત્રો ઉમેરવામાં આવે છે. આજે અમે ટેલિવિઝન પર ચાલતા સૌથી લાંબા ટીવી શોની વાત કરી રહ્યા છીએ.

CID
એસીપી પ્રદ્યુમ્ન અને તેની ટીમના ખેલાડીઓ દયા અને અભિજીત વર્ષો વર્ષ ખતરનાક હત્યા અને અપહરણના કેસો ઉકેલી રહ્યા છે. આ શોનું શીર્ષક ભારતીય ટેલિવિઝન ઇતિહાસના સૌથી લાંબા ક્રાઇમ શોનું છે.

તારક મહેતા કા ઉલ્ટા ચશ્મા
જેઠાલાલ અને ગોકુલધામના અન્ય રહેવાસીઓ વર્ષોથી પ્રેક્ષકોને હસાવવામાં સફળ રહ્યા છે. આ શો 2008 માં શરૂ થયો હતો અને હવે તેને 14 વર્ષ પૂરા થયા છે.

"યે રિશ્તા ક્યાં કેહલાતા હૈ?"
શું તમે કલ્પના કરી શકો છો કે આ શો સૌ પ્રથમ 2009 માં પ્રસારિત થયો હતો? અત્યારે 2022 ની વાત છે અને કાર્તિક અને નાયરાની વાર્તા પૂરી થવાની નામ નથી લેતી.

'ક્યોકી સાસ ભી કભી બહૂ થી'
સ્મૃતિ ઈરાની એટલે કે તુલસી અને તેના સાસુ-સસરાની આ કહાની 2000થી 2008 સુધી આઠ વર્ષ સુધી પ્રસારિત થઈ હતી. જેમાં મિહિરનું અનેક વખત મોત થયું હતું. આ શોમાં ઘણી પેઢીઓની વાર્તા દર્શાવવામાં આવી હતી.

FIR
સબ ટીવી પર આવેલો આ કોમેડી શો પણ દર્શકોમાં ઘણો લોકપ્રિય રહ્યો હતો. ઈન્સ્પેક્ટર ચંદ્રમુખી ચૌટાલાની સ્ટાઈલ લોકોને એટલી પસંદ આવી હતી કે આ શો 2006થી 2015 સુધી ચાલ્યો હતો.