ખાસ વાંચજો / 1 ઓકટોબરથી બદલાઈ જશે આ 5 નિયમો, જાણી લેજો નહીંતર હેરાન થશો

• 1 ઓક્ટોબરથી જીવનમાં આવશે બદલાવ
• 5 નિયમોમાં થઇ જશે ફેરફાર
• શેરબજાર ટ્રેડિંગ અકાઉન્ટમાં પણ ફેરફાર 

ઑટો ડેબિટ : ગ્રાહકોની મંજૂરી જરૂરી
ઓક્ટોબરથી નવી ઓટો ડેબિટ પેમેન્ટ સિસ્ટમ લાગુ થવાની છે. આ નિયમ હેઠળ બેંકો અને ડિજિટલ પેમેન્ટ પ્લેટફોર્મ જેવા કે પેટીએમ-ફોન પે જેવા ડિજિટલ પેમેન્ટ પ્લેટફોર્મ્સને હપ્તા અથવા બિલના પૈસા ડિડક્ટ કરતા પહેલાં દર વખતે પરમિશન લેવી પડશે. તેમને પોતાની સિસ્ટમમાં એવા ફેરફાર કરવાના છે કે એકવાર પરમિશન આપવામાં આવે તો દર વખતે પૈસા આપોઆપ કપાય નહીં.

શેરબજાર
સેબીએ ડીમેટ અને ટ્રેન્ડિંગ ખાતાધારકોને KYC અપડેટ કરવા માટે કહી દીધું છે. જો 30 તારીખ સુધી અપડેટ નહી કરવામાં આવે તો ખાતાધારક ટ્રેડિંગ નહી કરી શકે. 

પેન્શન 
પેન્શન પ્રાપ્ત કરતા લોકો માટે આ જાણવું ખાસ જરૂરી છે. 80 કે તેનાથી વધારે ઉંમરના પેન્શન લેનાર લોકોને ડિજીટલ જીવન પ્રમાણ પત્ર જમા કરવાની સુવિધા આપવામાં આવશે પરંતુ તેના માટે છેલ્લી તારીખ 30 નવેમ્બર 2021 છે. 

ચૅકબૂક બંધ 
ઓરિએન્ટલ બેન્ક ઓફ કોમર્સ, યુનાઇટેડ બેન્ક ઓફ ઇન્ડિયા અને ઇલાહાબાદ બેન્કની જૂની ચેકબૂક હવે નહી ચાલે. તે અમાન્ય ગણાશે. 

ઇન્ડિયા પોસ્ટ 
ઇન્ડિયા પોસ્ટ 1 ઓક્ટોબરથી ATMથી જોડાયેલા ટ્રાંજેક્શન સાથેના નિયમો અને ચાર્જમાં બદલાવ કરવા જઇ રહી છે. હવે ATM અને ડેબિટ કાર્ડનો વાર્ષિક ચાર્જ 125 રૂપિયા હશે. જો તમારુ કાર્ડ ખોવાઇ જાય તો તેના માટે 300 રૂપિયા આપવાના રહેશે.