Year Ender 2022 / સૂર્યાની ચમક સામે ફિક્કા પડ્યા આ 5 દિગ્ગજ ખેલાડીઓ, સૂર્યકુમાર યાદવે આ વર્ષે બનાવ્યા આ 5 રેકોર્ડ

• સૂર્ય કુમાર યાદવે આ વર્ષે T20 ક્રિકેટમાં સૌથી વધુ રન બનાવ્યા 
• વર્ષ 2022માં બે T20 આંતરરાષ્ટ્રીય સદી ફટકારી 
• ચાલો જાણીએ સૂર્યકુમાર દ્વારા બનાવેલા 5 રેકોર્ડ

વર્ષ 2022 પૂરું થવાને બસ ગણતરીના દિવસો બાકી રહ્યા છે એવામાં આ વર્ષે આંતરરાષ્ટ્રીય ક્રિકેટમાં ઘણી યાદગાર ક્ષણો આવી. ભલે ટીમ ઈન્ડિયા આ વર્ષમાં કંઈ નથી કરી શકી અને એશિયા કપ અને T20 વર્લ્ડ કપમાં ભારતને શરમજનક હારનો સામનો કરવો પડ્યો હતો એ છતાં આ વર્ષે ક્રિકેટમાં ઘણી શાનદાર ક્ષણો આવી છે. એમાંથી સૌથી વધુ યાદગાર પળ એ હતો જ્યારે આ વર્ષે સૂર્યકુમાર યાદવે ભારતને જીત અપાવી હતી. સૂર્યાના રૂપમાં ભારતને એક એવો સ્ટાર ખેલાડી મળી ગયો જેણે બધાને ચોંકાવી દીધા.

𝙔𝙤𝙪 𝙠𝙣𝙤𝙬 𝙬𝙝𝙖𝙩’𝙨 𝙘𝙤𝙢𝙞𝙣𝙜 🌪️😉 pic.twitter.com/d9Uch1Y6Xk

— Surya Kumar Yadav (@surya_14kumar) December 18, 2022

તમને જણાવી દઈએ કે સૂર્યકુમાર યાદવે આ કેલેન્ડર વર્ષમાં T20 આંતરરાષ્ટ્રીય ક્રિકેટમાં 31 ઇનિંગ્સમાં 46.56ની એવરેજથી 1164 રન બનાવ્યા છે. જે આ વર્ષના સૌથી વધુ રન છે. આ સાથે જ સૂર્ય કુમાર યાદવ રોહિત શર્મા બાદ બીજો ભારતીય બેટ્સમેન બની ગયો છે જેને T20ના ઈતિહાસમાં એક વર્ષમાં બે સદી ફટકારી છે.આજે અમે તમને આ વર્ષે સૂર્યકુમાર દ્વારા બનાવેલા 5 રેકોર્ડ વિશે જણાવવા જઈ રહ્યા છીએ. 

1. T20 ક્રિકેટમાં સૌથી વધુ રન
સૂર્યકુમાર યાદવે વર્ષ 2022માં T20 ક્રિકેટમાં સૌથી વધુ રન બનાવ્યા છે પોતાની 31 ઇનિંગ્સમાં 46.56ની એવરેજથી 1164 રન બનાવ્યા. જણાવી દઈએ કે હાલ સૂર્યકુમાર યાદવ T20 ક્રિકેટનો નંબર-1 બેટ્સમેન છે.

2. વર્ષ 2022માં બે T20 આંતરરાષ્ટ્રીય સદી
સૂર્યકુમાર યાદવે 2022માં 2 T20 આંતરરાષ્ટ્રીય સદી ફટકારીને રોહિત શર્માની બરાબરી કરી હતી. જણાવી દઈએ કે સૂર્યકુમારે ઈંગ્લેન્ડ સામે નોટિંગહામમાં પ્રથમ સદી ફટકારી હતી. તે સમયે તેણે 117 રન બનાવ્યા હતા. આ પછી તેણે માઉન્ટ મૌનગાનુઈ ખાતે ન્યૂઝીલેન્ડ સામે 111 રન ફટકાર્યા હતા. 

3. ન્યુઝીલેન્ડ સામે T20માં સદી ફટકારનાર પહેલો ભારતીય ખેલાડી
આ સાથે જ આ વર્ષે સૂર્યકુમાર યાદવે ન્યૂઝીલેન્ડ સામેની સીરિઝની બીજી T20 મેચમાં 51 બોલમાં 111 રનની અણનમ ઇનિંગ રમી હતી. આ ઇનિંગમાં તેને 11 ફોર અને 7 સિક્સર ફટકારી હતી. આ સાથે સૂર્યકુમાર ન્યૂઝીલેન્ડ સામે ટી-20માં સદી ફટકારનાર પ્રથમ ભારતીય ખેલાડી બન્યો હતો. 

Dominant win 😎
Onto the next one 💪 pic.twitter.com/FGZdxxXQWE

— Surya Kumar Yadav (@surya_14kumar) November 20, 2022

4. સૌથી વધુ 'પ્લેયર ઓફ ધ મેચ' ટાઇટલ
જણાવી દઈએ કે ટીમ ઈન્ડિયાના ખેલાડી સૂર્યકુમાર યાદવે આ વર્ષે 7 વખત 'પ્લેયર ઓફ ધ મેચ'નો ખિતાબ જીત્યો છે. આ સાથે જ સૂર્યકુમારે આ વર્ષે સૌથી વધુ 'પ્લેયર ઓફ ધ મેચ' ખિતાબમાં વિરાટ કોહલીને પણ પાછળ છોડી દીધો હતો.

5. કેએલ રાહુલની બરાબરી કરી 
ટીમ ઈન્ડિયા તરફથી T20 ઈન્ટરનેશનલ ક્રિકેટમાં સૌથી વધુ સદી રોહિત શર્માના નામે છે તેને અત્યાર સુધી 4 સદી ફટકારી છે અને અત્યાર સુધી કેએલ રાહુલે 2 સદી ફટકારી છે. આ રીતે સૂર્યકુમાર યાદવે T20માં 2 સદી ફટકારીને કેએલ રાહુલની બરાબરી કરી લીધી છે.