તમારાં કામનું / 1 જૂનથી બદલાઈ રહ્યા છે આ 5 મોટા નિયમો, જાણો તમારા ખીસ્સા પર શું પડશે સીધી અસર

• 1 જુનથી વધશે સામાન્ય માણસ નું બજેટ 
• ઘણાં બેન્કોમાં થશે નિયમ બદલાવ 
• વિમાઓ થશે મોંઘા 

જૂન મહિનો શરૂ થવા જઈ રહ્યો છે, અને આ મહિનાની પહેલી તારીખથી જ તમારા જીવન સાથે જોડાયેલા ઘણા મોટા ફેરફારો થઈ રહ્યા છે. આ ફેરફારોની સીધી અસર તમારા જીવન અને તમારા ખિસ્સા પર પડશે. જો કે દર મહિનાની પહેલી તારીખથી તમારામાં ઘણા બદલાવ આવે છે, પરંતુ આ વખતે બદલાવ તમારા પર આર્થિક બોજ વધારી શકે છે.

1. સરકારી વીમા યોજનામાં બદલાવ 
સરકારે 7 વર્ષ પછી પ્રધાનમંત્રી જીવન જ્યોતિ વીમા યોજના (PMJJBY) અને પ્રધાનમંત્રી સુરક્ષા વીમા યોજના (PMSBY) યોજનાઓમાં સુધારો કર્યો છે. આ પછી બંને સ્કીમના પ્રીમિયમમાં વધારો થયો છે. બંને સ્કીમમાં પ્રીમિયમમાં વાર્ષિક 1.25 રૂપિયાનો વધારો કરવામાં આવ્યો છે. પહેલા આ બંને સ્કીમમાં માત્ર 342 રૂપિયાનું રોકાણ કરવું પડતું હતું, પરંતુ હવે સરકાર તરફથી પ્રીમિયમમાં વધારો થયા બાદ તમારે આ બંને સ્કીમને જોડીને આખા વર્ષમાં 456 રૂપિયા જમા કરાવવાના રહેશે.

2. ગરીબ કલ્યાણ અન્ન યોજનામાં બદલાવ 
1 જૂનથી પીએમ ગરીબ કલ્યાણ અન્ન યોજના હેઠળ દેશના અનેક રાજ્યોમાં વપરાશ માટે મફત ઘઉંનો કોટા ઘટી જશે. આ અંતર્ગત યુપી, બિહાર અને કેરળમાં 1 જૂનથી 3 કિલો ઘઉં અને 2 કિલો ચોખાની જગ્યાએ માત્ર 5 કિલો ચોખા આવશે.

3. SBI ની હોમ લોનમાં બદલાવ  
1 જૂનથી દેશની સૌથી મોટી સરકારી બેંક SBI નિયમોમાં ફેરફાર કરી રહી છે. આ અંતર્ગત સ્ટેટ બેંક ઓફ ઇન્ડિયા (SBI) તરફથી હોમ લોન માટે એક્સટર્નલ બેંચમાર્ક લેંડિંગ રેટ (EBLR) વધીને 7.05 ટકા થઈ ગયો છે. રેપો લિંક્ડ લેન્ડિંગ રેટ પણ 0.40 ટકા વધીને 6.65 ટકા થયો છે. આની સીધી અસર ગ્રાહકોની વિવિધ લોનના ઈએમઆઈ પર પડશે, એટલે કે હવે તમારી લોન વધુ મોંઘી થઈ જશે.

4. સોનામાં હોલમાર્ક ફરજીયાત 
1 જૂનથી ગોલ્ડ હોલમાર્કિંગનો બીજો તબક્કો અમલમાં આવી રહ્યો છે. પરંતુ આ વખતે ઘણા ફેરફાર કરવામાં આવ્યા છે. 1 જૂનથી હોલમાર્કિંગના માપદંડ મુજબ 14, 18, 20, 22, 23 અને 24 કેરેટના દાગીનાનું વેચાણ થશે. એટલે કે હવે હોલમાર્કિંગ વગર સોનું વેચવું શક્ય નહીં બને. આ વખતે તેમાં 20, 22 અને 24 કેરેટનો સમાવેશ થાય છે. આ સિવાય ગ્રાહકોએ હોલમાર્કિંગના માર્ક તરીકે દરેક જ્વેલરી પર 35 રૂપિયાનો વધારાનો ચાર્જ આપવો પડશે.

5. બાઈક કારના વીમાં થશે મોંધા  
1 જૂનથી કાર અને બાઇકનો વીમો મોંઘો થઇ જશે. વાસ્તવમાં કેન્દ્ર સરકારે થર્ડ પાર્ટી મોટર વ્હીકલ ઈન્શ્યોરન્સના પ્રીમિયમમાં વધારો કર્યો છે. 1 જૂનથી તમારે કારના એન્જિનની ક્ષમતા મુજબનું પ્રીમિયમ આપવું પડશે.

6. એક્સિસ બેન્કમાં હવે વધુ બેલેન્સ મર્યાદા જાળવવી પડશે  
1 જૂનથી એક્સિસ બેન્ક પણ નિયમ બદલી રહી છે. એક્સિસ બેંકે ગ્રામીણ અને શહેરી વિસ્તારો માટે સરેરાશ માસિક બેલેન્સની મર્યાદા 15,000 રૂપિયાથી વધારીને 25,000 રૂપિયા કરી દીધી છે.

7. ગેસ સીલીન્ડરના ભાવમાં બદલાવ આવી શકે છે
દર મહિનાની પહેલી તારીખે ગેસ સિલિન્ડરના ભાવની સમીક્ષા કરવામાં આવે છે. ઘણી વખત તેમાં વધારો કરવામાં આવે છે, ઘણી વાર તેના ભાવ ઘટાડવામાં આવે છે. આવી સ્થિતિમાં, 1 જૂનથી ગેસના ભાવમાં ફેરફાર થવાની સંભાવના છે.