તમારા કામનું / FD કરતાં વધુ રિટર્ન આપે છે પોસ્ટઓફિસની આ 3 સ્કીમ, આવકવેરામાં પણ મળશે મોટી છૂટ

• પોસ્ટ ઓફિસની કેટલીક યોજનાઓ FD કરતા વધુ વ્યાજ આપે છે 
• આ યોજનાઓ તમારા માટે એક શ્રેષ્ઠ વિકલ્પ સાબિત થઈ શકે
• સાથે જ તમે આવકવેરામાં પણ છૂટ મેળવી શકો છો

બચત કરવા માટે આપણે બધા હંમેશા કોઈ સુરક્ષિત રોકાણના વિકલ્પને શોધીએ છીએ. સુરક્ષિત રોકાણ એટલે જે રોકાણમાં બજારના જોખમ અને ઉતાર-ચઢાવનો સામનો ન કરવો પડે. એટલા માટે દેશમાં મોટી સંખ્યામાં લોકો તેમના રૂપિયાનું ફિક્સ ડિપોઝિટમાં રોકાણ કરે છે. જો કે આપણે બધા જાણીએ છીએ કે ત્યાંથી એટલું સારું વળતર મળતું નથી છતાં પણ પૈસા સુરક્ષિત રહે એ વાતને કારણે લોકો તેમાં રોકાણ કરતાં રહે છે. પણ આજે અમે તમને પોસ્ટ ઓફિસની કેટલીક શાનદાર યોજનાઓ વિશે જણાવવા જઈ રહ્યા છીએ જ્યાં FD કરતા વધુ વ્યાજ દર પર મળે છે.

જો તમે સુરક્ષિત રોકાણ વિકલ્પ તરીકે આવી કોઈ સારી સ્કીમ શોધી રહ્યા છો જ્યાંથી સારું વળતર મળી શકે અને બજારના જોખમનો સામનો પણ ન કરવો પડે. આવા રોકાણ માટે પોસ્ટ ઓફિસની આ યોજનાઓ તમારા માટે એક શ્રેષ્ઠ વિકલ્પ સાબિત થઈ શકે છે. પોસ્ટ ઓફિસની આ યોજનાઓ ગ્રાહકો માટે ખૂબ જ ફાયદાકારક છે અને તમને જણાવી દઈએ કે આ યોજનાઓ  FD કરતા વધુ વ્યાજ પણ આપે છે સાથે જ તમે આવકવેરામાં પણ છૂટ મેળવી શકો છો. આજે અમે તમને પોસ્ટ ઓફિસની આ નાની બચત યોજનાઓ વિશે વિગતવાર જણાવશું - 

સિનિયર સીટીઝન સેવિંગ સ્કીમ - 
આ એક નાની બચત યોજના છે. વર્તમાન સમયમાંઆ સ્કીમમાં રોકાણ કરવા પર તમને 7.4 ટકાના દરે વ્યાજ મળી રહેશે. આ યોજના માત્ર વરિષ્ઠ નાગરિકો માટે ચલાવવામાં આવી રહી છે. તેમાં રોકાણ કરીને તમને આવકવેરાની કલમ 80C હેઠળ પણ છૂટ મેળવી શકો છો. સિનિયર સીટીઝન સેવિંગ સ્કીમમાં તમે ઓછામાં ઓછા 1000 રૂપિયા અને વધુમાં વધુ 15 લાખ રૂપિયા જમા કરાવી શકો છો. તમે આ સ્કીમમાં 5 વર્ષ માટે રોકાણ કરી શકો છો. જો કે, અમુક પરિસ્થિતિઓમાં આ રોકાણનો સમયગાળો ત્રણ વર્ષ સુધી વધુ વધારી શકાય છે.

પીપીએફ PPF
પબ્લિક પ્રોવિડન્ટ ફંડ PPF પણ રોકાણ માટે શ્રેષ્ઠ વિકલ્પ છે. અહીં રોકાણ કરવાથી તમને FD કરતાં વધુ વળતર મળે છે. હાલમાં પબ્લિક પ્રોવિડન્ટ ફંડમાં રોકાણ પર 7.1 ટકા વ્યાજ મળી રહ્યું છે.

સુકન્યા સમૃદ્ધિ યોજના
આ માં રોકાણ કરવા પર તમને 7.8 ટકા વ્યાજ મળે છે. તમને જણાવી દઈએ કે આ યોજના ખાસ કરીને દીકરીઓના ભવિષ્યને સુરક્ષિત કરવા માટે બનાવવામાં આવી છે. પોસ્ટ ઓફિસમાં જઈને આ સ્કીમ માટે ઘરની દીકરીનું ખાતું ખોલાવી શકો છો.