ટી-20 વર્લ્ડ કપના ફાઇનલમાં બાંગ્લાદેશને હરાવીને ભારતની બ્લાઇન્ડ ક્રિકેટ ટીમે ઇતિહાસ રચ્યો છે પણ આ બ્લાઇન્ડ ટીમના ખેલાડીઓને પોતાનું પેટ ભરવું પણ મુશ્કેલ થઈ રહ્યું છે
બ્લાઇન્ડ ટી-20 વર્લ્ડ કપના ફાઇનલમાં ટીમ ઈન્ડિયા એ રચ્યો ઇતિહાસ
આ છતાં બ્લાઇન્ડ ટીમના ખેલાડીઓને પોતાનું પેટ ભરવું પણ મુશ્કેલ થઈ રહ્યું
BCCI પાસે કરી અપીલ
ભારત પાસે દુનિયાની બેસ્ટ બ્લાઇન્ડ ક્રિકેટ ટીમ છે અને એ ક્રિકેટ ટીમે ટી-20 વર્લ્ડ કપના ફાઇનલમાં બાંગ્લાદેશને હરાવીને ઇતિહાસ રચી દીધો છે. ખાસ વાત એ છે કે આ બ્લાઇન્ડ ટી-20 વર્લ્ડ કપના ઈતિહાસમાં ભારતીય ટીમે દુનિયાની કોઈ અન્ય ટીમને ટ્રોફી ઉપાડવાની તક આપી નથી. જણાવી દઈએ કે ભારતે ત્રીજા T20 વર્લ્ડ કપની યજમાની કરી અને સતત ત્રીજી વખત વર્લ્ડ ચેમ્પિયન બનવાનું ગૌરવ પ્રાપ્ત કર્યું. પણ ઘણા ઓછા લોકો જાણે છે કે આ બ્લાઇન્ડ ટીમના ખેલાડીઓને પોતાનું પેટ ભરવું પણ મુશ્કેલ થઈ રહ્યું છે.
— Differently Abled Cricket Council of India (@dcciofficial) December 17, 2022
ટીમના 10 ખેલાડી બેરોજગાર
વર્લ્ડ કપ વિજેતા ટીમના કેપ્ટન અજય કુમાર રેડ્ડીએ સોમવારે ભારતીય ક્રિકેટ કંટ્રોલ બોર્ડ BCCI ને બ્લાઇન્ડ ક્રિકેટને સમર્થન આપવા માટે વિનંતી કરતાં કહ્યું હતું કે BCCIના સમર્થનથી તેમની રમતમાં વ્યાવસાયિકતા આવશે અને નાણાકીય પ્રોત્સાહન મળશે. આટલા વર્લ્ડ કપ જીત્યા પછી પણ 17 લોકોની ટીમના 10 ખેલાડીઓ બેરોજગાર છે. ટીમના ઘણા ખેલાડીઓ માટે નાણાકીય સહાયનો અભાવ હોવાને કારણે એમને 'રમતમાં આગળ વધવામાં પરેશાની' થઈ રહી રહી છે. નાણાકીય સમસ્યાને કારણે ઘણા ખેલાડીઓ આજીવિકા માટે અન્ય કોઈ કામમાં વ્યસ્ત રહેવું પડે છે.
BCCI પાસે કરી અપીલ
બ્લાઇન્ડ ક્રિકેટ ના વર્લ્ડ કપ ફાઇનલમાં સદી ફટકારનારવાળા રેડ્ડીએ કહ્યું હતું કે, 'અમે સતત ત્રીજી વખત વર્લ્ડ કપ જીત્યો છે પણ અમારી પાસે કોઈ મુખ્ય સ્પોન્સર નથી. એવા સંજોગોમાં ક્રિકેટ રમવું ખૂબ જ મુશ્કેલ થઈ જાય છે જ્યારે આપણે જાણીએ છીએ કે અમારી પાસે આજીવિકા કમાવવા માટે કોઈ એવું કામ નથી જે કરીને અમે અમારા પરિવારનું ભરણપોષણ કરી શકીએ. બીસીઆઈ એ ગયા વર્ષમાં એપ્રિલમાં દિવ્યાંગ, બહેરા, અંધ અને વ્હીલચેરના ખેલાડીઓ વચ્ચે થતી રમતને વધારો આપવા માટે ડીસીસીઆઈને માન્યતા આપી હતી. ભારતમાં બ્લાઇન્ડ ક્રિકેટ એસોસિએશનના પ્રમુખ જી મહંતેશના જણાવ્યા અનુસાર, એ સમય પછી પણ અંધ ક્રિકેટરોના સમર્થનની બાબતમાં બહુ બદલાવ આવ્યો નથી. બીસીસીઆઈ અમને ઈન્ફ્રાસ્ટ્રક્ચર અને તાલીમ સુવિધાઓ પ્રદાન કરવા સાથે અમારા બધા પ્રત્યે સહાનુભૂતિ ધરાવે છે પણ અમને વધુ વ્યાવસાયિકતા લાવવા માટે તેમની પાસેથી નાણાકીય સહાયની પણ જરૂર છે."
Heartiest congratulations to #TeamIndia for winning the 3rd consecutive T20 World Cup for the Blind.
This win makes our hearts fill with joy. ♥️
Amazing achievement @blind_cricket. 🇮🇳 pic.twitter.com/xdyqexy20S
ત્રીજી વખત જીત્યું ટાઇટલ
ભારતને બે T20 વર્લ્ડ કપ ટાઇટલ (2017 અને 2022) જીતવામાં મદદ કરનાર રેડ્ડી પણ બ્લાઇન્ડ ક્રિકેટ માટે ભાવિ નક્કી કરવામાં થઈ રહેલ વિલંબથી નાખુશ છે. રેડ્ડીએ આ વિશે કહ્યું હતું કે, 'BCCI તરફથી માન્યતા આપવામાં આવી છે પણ અમારી રમત માટે કોઈ બ્લુપ્રિન્ટ નથી અને કોઈને ખબર નથી કે શું થઈ રહ્યું છે. અમે ક્રિકેટના મેદાનમાં દેશને ગૌરવ વધાર્યું છે અને અમે પણ બીસીસીઆઈ તરફથી કેન્દ્રીય કરારના હકદાર છીએ.'