વિશ્વમાં એક પણ દેશ એવો નથી, જ્યાં પત્નીઓ સરેરાશ પોતાના પતિથી વધુ કમાય છે. છેલ્લાં ચાર દાયકાના સમયગાળામાં અલગ-અલગ કપલની આવક પર થયેલી ગ્લોબલ રિસર્ચની વચ્ચે આ વાત સામે આવી છે.
આખી દુનિયામાં મહિલાઓ ઘરના કામ પાછળ વધુ સમય વાપરે છે
રિપોર્ટમાં આવ્યું બહાર, પત્ની પતિ કરતા વધુ કમાતી નથી
ભારતમાં મહિલાઓ ઘરના કામ પાછળ વધુ સમય વાપરે છે
મહિલાઓના ઘરના કામ પાછળ વધુ સમય લે છે
બેંગ્લોરમાં ઈન્ડિયન ઈન્સ્ટીટ્યુટ ઓફ મેનેજમેન્ટમાં સેન્ટર ઓફ પબ્લિક પોલિસીના સંશોધકોએ 1973 અને 2016ની વચ્ચે 45 દેશોના 28.5 લાખ ઘરના સાર્વજનિક કરાયેલા આંકડા પરથી આ જાણકારી મળી છે. મહત્વનું છે કે, આખી દુનિયામાં મહિલાઓ ઘરના કામ પાછળ વધુ સમય વાપરે છે અને તેના માટે મહિલાઓને કોઈ પૈસા પણ મળતા નથી. આંતરરાષ્ટ્રીય લેબર ઓર્ગેનાઈઝેશન (આઈએલઓ) મુજબ, પગાર વગર કામ કરવામાં સૌથી વધુ ઈરાકમાં મહિલાઓ દરરોજ 345 મિનિટ લે છે, તો તાઈવાનમાં આ આંકડો સૌથી ઓછો 168 મિનિટ છે. દુનિયાના બાકી દેશોમાં મહિલાઓના કામ પર પગાર ન મળતો હોય તેવી મહેનત પર ખર્ચ થનારો સમય આ બંને દેશોની વચ્ચે આવે છે. જ્યારે પુરૂષ પગાર વગરના ઘરના કામ પાછળ 83 મિનિટ લે છે, જ્યારે મહિલાઓ તેનો ત્રણ ગણો સમય એટલેકે 265 મિનિટ આવા કામ પાછળ ખર્ચે છે.
શું કહે છે રિપોર્ટ ?
એક અંગ્રેજી અખબારના અહેવાલ મુજબ, રિસર્ચમાં જાણવા મળ્યું છે કે જ્યારે પતિ અને પત્ની નોકરી કરી રહ્યાં હતા ત્યારે પણ એક પણ દેશ એવો નથી. જ્યાં પત્નીઓ પોતાના પતિની સમકક્ષ કમાતી હોય. સૌથી સંપન્ન દેશોની સ્થિતિ પણ એવી છે. બેંગ્લોરમાં ઈન્ડિયન ઈન્સ્ટીટ્યુટ ઓફ મેનેજમેન્ટના સેન્ટર ફોર પબ્લિક પોલિસીના પ્રોફેસર દીપક મલઘને અખબારને જણાવ્યું કે વિશ્વમાં અમને જાણવા મળ્યું કે મહિલાઓની ભાગીદારી દરેક જગ્યાએ 50 ટકાથી ઓછી છે.
મહિલાઓ કેમ ઓછુ કમાય છે ?
સંશોધકોનું કહેવુ છે કે, મહિલાઓના ઓછુ કમાવવા પાછળના મુખ્ય કારણને દુનિયા જાણે છે. સંશોધકોએ જણાવ્યું કે, પુરૂષોને સાંસ્કૃતિક રૂપે આવકનો સ્ત્રોત ઉભો કરવામાં અને મહિલાઓને ગૃહિણી તરીકે જોવામાં આવે છે. ઘણી મહિલાઓ પોતાના બાળકના જન્મ બાદ રજા લઇ લે છે. પોતાનુ કામ પણ છોડી દે છે ઘરની સારસંભાળ મહિલાઓની જવાબદારી છે.
ભારતની સ્થિતિ કેવી છે ?
વર્ષ 2021માં ભારત 28 સ્થાન નીચે સરકી ગયુ છે અને રેન્કિંગમાં ભાગ લેનાર 156 દેશોમાં 140મા સ્થાને છે. આ દક્ષિણ એશિયાના દેશોમાં ત્રીજુ સૌથી ખરાબ પ્રદર્શન કરનારો દેશ છે. સૌથી કંગાળ સ્થિતિ ધરાવનાર દેશોમાં પાકિસ્તાન અને અફઘાનિસ્તાન છે. જ્યારે બાંગ્લાદેશ ટોપ પર છે. ભારતમાં દુનિયામાં સૌથી ઓછુ મહિલા કાર્યબળ ભાગીદારી દર છે અને મહામારીએ મામલાને પેચીદો બનાવી દીધો છે. પાંચમાંથી ચાર મહિલાઓ કામ પણ કરતી નથી તથા નોકરી પણ શોધતી નથી. ભારતમાં મહિલાઓને ઘરના કામકાજ પાછળ 297 મિનિટ થાય છે, જ્યારે પુરૂષ ફક્ત 31 મિનિટ આવા કામ પાછળ લે છે. પુરૂષોનો માત્ર એક ચતુર્થાંશ ભાગ પગાર વગરનુ કામ કરે છે, જ્યારે મહિલાઓના મામલામાં દર પાંચમાંથી ચાર મહિલાઓ આ કામ કરે છે.