મુશ્કેલી / વડોદરાવાસીઓ માટે માઠા સમાચાર! ગરમી અને બફારા વચ્ચે આગામી 5 દિ' વીજકાપ, સ્થાનિકોમાં રોષ

• વડોદરામાં આગામી 5 દિવસ સાથે વીજકાપ રહેશે 
• 4 થી 8 મે સુધી ચોમાસા પહેલાનું મેઈન્ટેનન્સ હાથ ધરાશે
• મેઈન્ટેનન્સ માટે 4 કલાકનો વીજકાપ મુકાશે
• પાંચ દિવસ સુધી દરરોજ 35 હજાર જેટલા ગ્રાહકને થશે અસર

વડોદરામાં 5 દિવસ રહેશે વીજકાપ

ભર ઉનાળે વીજળીની માંગમાં વધારો થઈ રહ્યો છે. ત્યારે વડોદરા શહેરના જુદા-જુદા વિસ્તારોમાં આજથી શનિવાર સુધી સવારે 6 વાગ્યાથી સવારે 10 વાગ્યા સુધીનો ચાર કલાક મધ્ય ગુજરાત વીજ કંપની દ્વારા સમારકામ માટે વીજકાપ રહેશે તેવી જાહેરાત કરાઇ છે. 

MGVCL દ્વારા 14 ફીડરમાં વીજકાપ મુકાશે

આ દિવસો દરમિયાન શહેરમાં મુખ્યત્વે અકોટા, સમા, વાસણા, ફતેગંજ અને ગોરવામાં વીજકાપ રહેશે. ઉલ્લેખનીય છે કે, દેશભરના અનેક રાજ્યોમાં કોલસાની ઘટને કારણે આઠથી દસ કલાકનો વીજકાપ આપવામાં આવી રહ્યો છે. વીજ કંપની દ્વારા સમારકામ માટે આ વીજકાપ જાહેર કર્યો હોવાનુ જણાવાયું છે.

35 હજાર જેટલા ગ્રાહકને થશે સીધી  અસર

ઉલ્લેખનીય છે કે, ઉનાળાની કાળઝાળ ગરમીના કારણે વાતાનુકિલત ઉપકરણોનો ઉપયોગ વધ્યો છે. આ સંજોગોમાં, વડોદરા સિટી વિવિધ વિસ્તારોમાં સબ ડિવીઝનના ફીડરમાંથી વીજપુરવઠો મેળવતા વિસ્તારોમાં આજે સવારે 9 થી બપોરે 1 વાગ્યા સુધી વીજ પુરવઠો બંધ રખાયો છે. જેને લઈને 35 હજાર ગ્રાહકોને ભારે અસર થશે.