SIIના સીઈઓ પૂનાવાલાએ કહ્યું કોવિશિલ્ડનું ઉત્પાદન પૂણેમાં ફુલ સ્પીડમાં ચાલી રહ્યુ છે.
પુણેમાં કોવિડ 19ની રસીનું ઉત્પાદન પુર જોરમાં ચાલી રહ્યું છે.
પૂનાવાલાએ લંડનમાં પોતાના બિઝનેસ પાર્ટનરની સાથે બેઠક કરી
કોવિશિલ્ડની કિંમત ઘટાડીને 300 રુપિયા પ્રતિ ડોઝ કરી
પુણેમાં કોવિડ 19ની રસીનું ઉત્પાદન પુર જોરમાં ચાલી રહ્યું છે.
1 મેથી દેશમાં કોરોના રસીકરણના ત્રીજા ચરણની શરુઆત થઈ ચૂકી છે. આ માટે મોટા પાયા પર રસીની જરુર છે. ભારતમાં કોવિશિલ્ડ કોવૈક્સિન અને હવે સ્પૂતનિક વીની મદદથી લોકોને રસી લગાવવામાં આવી રહી છે. આની વચ્ચે સીરમ ઈન્સ્ટીટ્યૂટ ઓફ ઈન્ડિયા (એસઆઈઆઈ)ના સીઈઓ અદાર પૂનાવાલાએ શનિવારે રાતે કહ્યુ કે પુણેમાં કોવિડ 19ની રસીનું ઉત્પાદન પુર જોરમાં ચાલી રહ્યું છે.
પૂનાવાલાએ લંડનમાં પોતાના બિઝનેસ પાર્ટનરની સાથે બેઠક કરી
ઉલ્લેખનીય છે કે SIIના સીઈઓ પૂનાવાલાએ કાલે લંડનમાં પોતાના બિઝનેસ પાર્ટનરની સાથે બેઠક કરી. પૂનાવાલાએ ટ્વીટ કરી કહ્યુ કે ઈંગ્લેન્ડમાં અમારા તમામ ભાગીદારો અને હિતેચ્છુઓની સાથે એક બેઠક થઈ છે. આ દરમિયાન કોવિશિલ્ડનું ઉત્પાદન પૂણેમાં ફુલ સ્પીડમાં ચાલી રહ્યુ છે.
કોવિશિલ્ડની કિંમત ઘટાડીને 300 રુપિયા પ્રતિ ડોઝ કરી
એક મહત્વનું પગલુ ભરતા SIIએ બુધવારે રાજ્યો માટે પોતાની કોરોનાની રસી કોવિશિલ્ડની કિંમત 400 રુપિયાથી ઘટાડીને 300 રુપિયા પ્રતિ ડોઝ કરી નાંખી છે. ગૃહ મંત્રાલયે(એમએચએ)એ બુધવારે કેન્દ્રીય રિઝર્વ પોલીસ દળ(સીઆરપીએફ) દ્વારા પુનાવાલાને દેશભરમાં વાય સ્તરની સુરક્ષા પણ આપી છે.
સરકાર દ્વારા આ અઠવાડિયે તેમને વાય સ્તરની સુરક્ષા આપી
દેશમાં કોરોનાના કહેરની વચ્ચે પૂણેની SIIના સીઈઓ પૂનાવાલાએ કોવિડ રસીના ઉત્પાદન વધારવાને લઈને તેમના પર દબાણની વાત કરી હતી. તેમણે કહ્યુ કે તમામ ભાર તેમના માથે પડ્યો છે જ્યારે આ કામ એકલા મારા હાથમાં નથી. પૂનાવાલાને ભારત સરકાર દ્વારા આ અઠવાડિયે વાય સ્તરની સુરક્ષા આપી છે.
સરકારી સુરક્ષા આપવાને લઈને પોતાની પહેલી ટિપ્પણીમાં પૂનાવાલાએ લંડનના અખબાર ધ ટાઈમ્સની સાથે વાતચીતમાં કહ્યુ કે કોવિશિલ્ડ રસીની માંગને લઈને ભારતના સૌથી શક્તિશાળી કેટલાક લોકોએ તેમને ફોન પર ઉગ્રતાપુર્વક વાત કરી છે. SII ભારતમાં ઓક્સફોર્ડ - એસ્ટ્રાજેનિકાની કોવિડ 19ની રસી કોવિશિલ્ડ રસીનું ઉત્પાદન કરી રહી છે. તેમણે કહ્યું કે આ દબાણના ચાલતા તે પત્ની અને બાળકોની સાથે લંડન આવી ગયા છે. ભારત સરકારના અધિકારીઓ અનુસાર પૂનાવાલાને સંભવિત ખતરો જોતા સુરક્ષા આપવામાં આવી છે દેશમાં કોઈ પણ જગ્યાએ તેમની સાથે કેન્દ્રીય રિઝર્વ પોલીસ દળના જવાનો તેમની સુરક્ષામાં રહેશે. જેમાં 4-5 કમાન્ડો રહેશે.