US Elections 2020 / અમેરિકાના ચુંટણી પરિણામોને લઇને મોટા સમાચાર, આ રાજ્યમાં ફરી એકવાર મત ગણતરી કરવામાં આવશે

નોંધનીય છે કે જ્યોર્જિયામાં શરૂઆતના તબક્કે ટ્રમ્પ જીતશે તે પ્રકારના રૂઝાન આવી રહ્યા હતા. જો કે જેમ જેમ વોટ ખુલતા ગયા તેમ ટ્રમ્પની લીડ ઘટતી ગઈ અને એક સમયે ટ્રમ્પ બાયડનથી પાછળ થઇ ગયા. હજુ પણ જ્યોર્જિયામાં મત ગણતરી ચાલુ છે અને આશરે 50 લાખ જેટલું મતદાન થયા છતાં અહી ટ્રમ્પ અને બાયડન વચ્ચે ફક્ત 1500 વોટનો તફાવત છે. 

આ એક રાજ્ય જીત બાયડનનું રાષ્ટ્રપતિના પદ સુરક્ષિત કરી દે તેવી પરીસ્થિતિ છે જેને જોતા ટ્રમ્પ કેમ્પેને આ મત ગણતરીમાં ભૂલો હોવાનો હોબાળો મચાવ્યો હતો. હવે જ્યોર્જિયાના સત્તાધીશોએ જાહેરાત કરી છે કે તેઓ ફરીથી મતગણતરી કરવા જઈ રહ્યા છે.

જો કે ટ્રમ્પ માટે જ્યોર્જિયા પછી પણ બાયડન સામે કપરા ચઢાણ છે. બાયડન હાલ ફક્ત 6 ઇલેક્ટોરલ વોટ મેળવીની 270નો આંકડો મેળવી શકે છે. જયારે બીજી બાજુ ટ્રમ્પ હવે પરિણામ બાકી છે તેવા તમામ રાજ્યો જીતી જાય તો જ રાષ્ટ્રપતિ બની શકે તેમ છે.