સમગ્ર દેશ જ્યારે કોરોના વાયરસની મહામારીથી ઝઝૂમી રહ્યો છે ત્યારે એક અનોખા લગ્નની કહાણી સામે આવી છે.
કોરોનામાં કપલે કર્યા અનોખા લગ્ન
ધરતી પર લૉકડાઉન તો આકાશમાં કર્યા લગ્ન
પ્લેન ભાડે રાખીને કર્યા લગ્ન
કોવિડ-19 વચ્ચે સતત લગ્નો થઇ રહ્યાં છે. કોરોનાની ગાઇડલાઇન્સ સાથે લગ્ન કરવા બે પરિવાર માટે પણ મુશ્કેલ બન્યા છે પરંતુ આ કપલે લગ્ન કરવા માટે આકાશને સ્થળ બનાવ્યું હતુ.
દેશના ઘણા રાજ્યોમાં લૉકડાઉન થઇ રહ્યું છે ત્યારે લોકોના ઘણા મહત્વના કામ હોલ્ડ પર જતા રહ્યાં છે. બિઝનેસ નોકરી કે લગ્ન દરેક વસ્તુને પોસ્ટપોન કરવુ પડી રહ્યું છે પરંતુ એક કપલે પોતાના લગ્ન વચ્ચે લૉકડાઉનને પણ ન આવવા દીધુ. કોરોનાના પ્રતિબંધને જોઇને કપલે લગ્ન ધરતી પર નહી પરંતુ આકાશમાં કર્યા.
આ એક અનોખા લગ્ન હતા જે તામિળનાડુના મદુરાઇમાં થયા હતા. કપલે સગાસંબંધીઓ સાથે વિમાનમાં જ લગ્ન કરી લીધા હતા કારણકે તામિળનાડુમાં 7 દિવસ સંપૂર્ણ લોકડાઉનની ઘોષણા કરવામાં આવી છે.
મદુરાઇના રહેવાસી રાકેશ અને દીક્ષાએ ચાર્ટર્ડ પ્લેનમાં પોતાના લગ્ન કર્યા હતા. તેમણે એક પ્લેન ભાડે લીધુ હતુ અને 130 સંબંધીઓને ઇન્વાઇટ કર્યુ હતુ. આ લગ્ન 2 દિવસ પહેલા જ થયા હતા. રાજ્યોમાં એક દિવસની છૂટની ઘોષણા કરવામાં આવી છે જેના લગ્ન છે.
કપલે તે પણ દાવો કર્યો કે દરેક 130 યાત્રી તેમના સંબંધી હતા અને દરેકે RTPCR નેગેટીવ રિપોર્ટ પણ સબમિટ કરાવ્યા હતા. તે બાદ જ તેમને વિમાનમાં ચડવા દેવામાં આવ્યા હતા.