બિન અનામત આયોગની પણ સમિતિ બનાવવી જોઈએ:હાર્દિક પટેલ
ગુજરાતમાં બિન અનામત આયોગની સમિતિના ગઠનની માંગ ઉઠી છે. ધારાસભ્ય હાર્દિક પટેલે બિન અનામત આયોગની સમિતિની ગૃહમાં માંગ ઉઠાવી છે. આ વેળાએ હાર્દિક પટેલે જણાવ્યું કે, ગુજરાત વિધાનસભાની વિવિધ સમિતિઓ હોય છે.
બિન અનામત આયોગની સમિતિની માંગ
વિધાનસભા ગૃહમાં સામાજિક ન્યાય અને અધિકારીતા વિભાગની માંગણી પર ચર્ચા દરમિયાન ધારાસભ્ય હાર્દિક પટેલે કહ્યું કે, બિન અનામત આયોગની પણ સમિતિ બનાવવી જોઈએ. તેમજ બિન અનામત વર્ગના વિદ્યાર્થીઓ માટે અલગ વ્યવસ્થા કરવી જોઈએ. તેમણે ઉમેર્યું કે, પુસ્તકથી માંડીને ફી પણ આપવાની વ્યવસ્થા કરવી જોઈએ. અગાઉ અલ્પેશ ઠાકોરે બક્ષી પંચના અલગ મંત્રી બનાવવા રજૂઆત કરી હતી.