ડાયગ્નોસ્ટિક લેબ Dr Dangs Lab એ કહ્યું છે કે તેને કોરોના ટેસ્ટિંગ માટે વધુ સામગ્રીની જરૂર છે. તેમણે જણાવ્યું હતું કે કોવિડ -19 ના ટેસ્ટિંગ માં જરૂરી રિએજન્ટમાં ઘટ પડી રહી છે.
Dr Dangs Lab દ્વારા કરવામાં આવી માંગણી
કોરોના ટેસ્ટિંગ માટે જરૂરી રીએજન્ટની પડી રહી છે અછત
દિલ્હી ડાયગ્નોસ્ટિક્સ લેબે ચેતવણી આપી
દિલ્હીમાં ઓક્સિજન, બેડ, આઇસીયુ બેડ દવાઓ પછી હવે ટેસ્ટિંગ કિટને લઈને એક મોટું સંકટ પેદા થઈ શકે છે. દિલ્હી ડાયગ્નોસ્ટિક્સ લેબે ચેતવણી આપી છે કે કોવિડ પરીક્ષણની સામગ્રીની અછત પડી શકે છે. Dr Dangs Lab શનિવારે એક નિવેદનમાં જણાવ્યું છે કે અમે સંબંધિત એજન્સીઓને વિનંતી કરીએ કે તાત્કાલિક તેઓ નોંધ લે અને દેશભરમાં ડાયગ્નોસ્ટિક લેબોમાંથી ઝડપથી સપ્લાય કરવાની વ્યવસ્થા કરે.
ટેસ્ટિંગ માટે વધુ સામગ્રીની જરૂર છે
Dr Dangs Lab એ કહ્યું છે કે તેને ટેસ્ટિંગ માટે વધુ સામગ્રીની જરૂર છે, આ લેબોરેટરીએ જણાવ્યું હતું કે કોવિડ -19 ના પરીક્ષણમાં જરૂરી રિએજન્ટનો અભાવ છે. દરરોજ હજારો કોરોના સેમ્પલ્સ પરીક્ષણ માટે મોકલવામાં આવી રહ્યા છે. ટેસ્ટિંગની આ ઝડપી ગતિથી શહેરો અને નગરોના ડાયગ્નોસ્ટિક લેબ્સ પર દબાણ વધી રહ્યું છે.
Dr Dangs Lab ના ડો.અર્જુન ડાંગે એક નિવેદનમાં જણાવ્યું હતું કે, આ સમયે જ્યારે દિલ્હી, હોસ્પિટલોમાં ઓક્સિજન અને કોવિડ બેડની અછતની સમસ્યા સાથે સંઘર્ષ કરી રહ્યુ છે. તે સમયે, કોવિડ ટેસ્ટિંગમાં ઇન્ફ્લેમેટ્રી માર્કર ટેસ્ટ માટે જરૂરી પરીક્ષણ રિએજેન્ટસ (IL6 (interleukin 6), D Dimer and CRP) નો અભાવ છે. આ એક મોટી સમસ્યામાં ફેરવી શકે છે.
ડાંગની લેબની સ્થાપના 1983 માં કરવામાં આવી હતી અને તે ભારતની શ્રેષ્ઠ લેબ્સમાંની એક છે. Dr Dangs Lab કહ્યું કે, કેટલીક મહત્વપૂર્ણ પરીક્ષણો છે, જે સીધા કોવિડ પોઝિટિવ દર્દી સાથે સંબંધિત છે અને આ પરીક્ષણો ડોક્ટરને કોરોના દર્દીને લગતા આગળના પગલા લેવામાં મદદ કરે છે. આ પરીક્ષણોને આધારે, હોસ્પિટલો દર્દીને દાખલ કરવાનું પણ નક્કી કરે છે.
છેલ્લા ત્રણ દિવસથી દિલ્હીની હોસ્પિટલો ઓક્સિજનની વિનંતી કરી રહી છે. ઘણી મોટી હોસ્પિટલોમાં ફક્ત થોડા કલાકોનો ઓક્સિજન બાકી છે ભારતમાં, કોરોનાના દૈનિક કેસો માર્ચના મધ્યભાગમાં 25 હજારથી વધીને હવે 3.5 લાખ થઈ ગયા છે. એક્ટિવ કેસનો અર્થ એ કે સારવાર લઈ રહેલા દર્દીઓની સંખ્યા વધીને 25.5 લાખ થઈ ગઈ છે. હોસ્પિટલો અને તબીબી કામદારો પર ભારે દબાણ છે.