બે દિવસ સુધી ઉત્તર ગુજરાત, દક્ષિણ ગુજરાત સહિત સૌરાષ્ટ્ર અને મધ્ય ગુજરાતમાં વરસાદ પડવાની સંભાવના, હવામાન વિભાગે કરી આગાહી
ગુજરાતમાં રહેશે સામાન્ય વરસાદી માહોલ
એક દિવસમાં રાજ્યના 64 તાલુકામાં વરસાદ
ગુજરાતમાં હજુ પણ 29 ટકા વરસાદની ઘટ
ગુજરાતમાં હજુ રહેશે વરસાદી માહોલ થયાવત હોવાનું હવામાન વિભાગે જણાવ્યું છે બે દિવસ સુધી ઉત્તર ગુજરાત, દક્ષિણ ગુજરાત સહિત સૌરાષ્ટ્ર અને મધ્ય ગુજરાતમાં વરસાદ પડવાની હવામાન વિભાગે આગાહી કરી છે.
હવામાન વિભાગે આગાહી કરતા જણાવ્યું છે કે રાજ્યમાં હજું પણ વરસાદનું જોર યથાવત રહેશે જ્યારે ઉત્તર ગુજરાતમાં પણ વરસાદી વાતાવરણ જોવા મળી શકે છે. તો આ તરફ સાબરકાંઠા, અરવલ્લી, મહીસાગર, પાટણ અને બનાસકાંઠા સહિતના વિસ્તારોમાં હળવોથી સામાન્ય વરસાદ પડવાની હવામાન વિભાગે સંભાવનાઓ વ્યક્ત કરી છે.
ગુજરાતમાં હજુ પણ 29 ટકા વરસાદની ઘટ
રાજ્યમાં વરસાદની સિઝન ચાલી રહી છે ત્યારે ગુજરાતમાં હજુ પણ 29 ટકા વરસાદની ઘટ જોવા મળી રહી છે. રાજયમાં અત્યારસુધી જે વરસાદ વરસ્યો છે તે ખેતી માટે સારો છે. જોઈએ એવો વરસાદ વરસ્યો નથી વરસાદ સિસ્ટમ સક્રિય થઈ ગઈ છે પરતું રાજ્યના અનેક જિલ્લાઓમાં ધીમીધારે મેઘમહેર થઈ રહી છે. ત્યારે હવામાન વિભાગે સૌરાષ્ટ્ર સહિત અનેક પથંકમાં મધ્યમ વરસાદની શક્યતા વ્યક્ત કરી છે.
છેલ્લા 24 કલાકમાં રાજ્યના 64 તાલુકામાં વરસાદ
હવામાન વિભાગે ગીર, સોમના, નવસારી, પોરબંદર, વલસાડ સહિત પથંકમાં ભારે વરસાદ પડી શકે છે તેવું જણાવ્યું છે, આ તરફ અમદાવાદ, ગાંધીનગર, સુરત, વડોદરા, રાજકોટ, તેમજ દીવ દમણ, અને દાદરાનગર હવેલીમાં પણ સારો એવો વરસાદ પડી શકે છે. છેલ્લા 24 કલાકમાં રાજ્યના 64 તાલુકામાં વરસાદ વરસ્યો છે જેમાં કપરાડામાં અને પારડીમાં પોણો ઈંચ વરસાદ જ્યારે વાપીમાં અને વાંસદામાં અડધો ઈંચ વરસાદ નોંધાયો છે. આ તરફ ડાંગમાં અડધો અને સુબિરમાં પણ અડધો ઈંચ વરસાદ નોંધાયો છે જ્યારે વાલોદમાં અને વઘઈમાં અડધો ઈંચ વરસાદ ખાબક્યો હોવાનું હવામાન વિભાગે જણાવ્યું છે.
રાજ્યમાં અત્યાર સુધી સીઝનનો 33 ટકા વરસાદ
મહત્વનું છે કે રાજ્યમાં અત્યાર સુધી સીઝનનો 33 ટકા જ વરસાદ નોંધાયો છે જ્યારે સૌથી વધુ વરસાદ વલસાડમાં 33.70 ટકા વરસાદ નોંધાયો છે. ગુજરાતમાં વરસાદની વાત કરીએ તો અત્યાર સુધીમાં દક્ષિણ ગુજરાતમાં 20.23 ઇંચ સાથે સિઝનનો સૌથી વધુ તો 35.19 ટકા વરસાદ નોંધાયો છે. કચ્છમાં 5.27 ઈંચ સાથે 30.25 ટકા, ઉત્તર ગુજરાતમાં 7.95 ઈંચ સાથે મોસમનો 28.16 ટકા, પૂર્વ-મધ્ય ગુજરાતમાં 30.56 ઈંચ સાથે સિઝનનો 30.08 ટકા, સૌરાષ્ટ્રમાં 8.77 ઈંચ સાથે સિઝનનો 31.89 ટકા વરસાદ નોંધાયો છે.