There is nothing with wings, there is flight with courage, a unique journey of an adventurous young woman from Gujarat, find out how she achieved a unique record
અનોખી સિદ્ધિ /
પંખ સે કુછ નહીં હોતા, હોંસલો સે ઉડાન હોતી હૈ ગુજરાતની સાહસિક યુવતીને અનોખી સફર,જાણો કેવી રીતે હાંસલ કર્યો અનોખો રેકોર્ડ
ગુજરાતની સાહસિક યુવતી શ્વેતા પરમારે પોતાના અનોખા સાહસ થકી ગુજરાતમાં જ નહીં પરતું સમગ્ર દેશમાં પોતાનું નામેનો ડંકો વગાડ્યો છે, વડોદરાની આ યુવતીની સાહસથી સફળતા સુધીની અનોખી સફર
હજરો ફૂટની ઊંચાઈએથી નીચે નજર કરતા પણ ડર લાગવા લાગે પરતું આજે ગુજરાતની સાહસિક યુવતી શ્વેતા પરમારે પોતાના અનોખા સાહસ થકી દેશ અને દુનિયામાં પોતાના નામનો ડંકો વગાડ્યો છે.
ગુજરાતની યુવતી બની દેશની ચોથી સ્કાયડાઇવર
શ્વેતા પરમારે 15 હજાર ફુટની ઊંચાઈએ સ્કાયડાઈવિંગ કરી અનોખો રેકોર્ડ પોતાના નામે સ્થાપિત કર્યો છે. વડોદરાની 28 વર્ષિય શ્વેતા પરમાર હજારો ફુટ ઊંચાઈએથી કુદકો મારનાર ગુજરાતની પ્રથમ મહિલા સ્કાયડાઈવિંગ કરનાર તરીકે રેકોર્ડ સ્થાપિત કર્યો છે.
28 વર્ષીય શ્વેતા ગુજરાતની પ્રથમ મહિલા સ્કાયડાઈવર
શ્વેતાએ આકાશમાંથી કૂદકો મારવાના સાહસની શરૂઆત વર્ષ-2016માં કરી હતી તે બાદ શ્વેતાએ પાછું વળીને જોયું નથી શ્વેતા પરમારે સ્પેનમાં હવામાં ઉડવાની અને જંપ મારવાની જટિલ ટ્રેનિંગ લીધી છે. 15 હજાર ફુટની આકાશી ઊંચાઈએથી સ્કાડાઈવિંગ કરીને શ્વેતાએ ગુજરાત સહિત દેશમાં પણ પોતાની અનોખી સિદ્ધિનો દાખલો બેસાડ્યો છે હવે ગુજરાતની યુવતીઓ પણ રમત ગમત ક્ષેત્રે સાહસ ખેડતા કે જોખમોથી ખચકાતી નથી એ તેણે સાબિત કરી બતાવ્યું છે. શ્વેતાએ 15 હજાર ફુટ બાદ હવે 17 હજાર ફુટની ઊંચાઈએથી જંપ મારવાની ઈચ્છા વ્યક્ત કરી છે.
આ 28 વર્ષીય શ્વેતા પરમાર હવે ગુજરાતની પ્રથમ સિવિલિયન મહિલા સ્કાયડાઈવર બની ગઈ છે મહત્વનું છે કે શ્વેતાએ અનેક વાર સ્કાઈડાવિંગ કર્યું છે અને અનેક નવા રેકોર્ડ બનાવ્યા છે. શ્વેતા પરમાર કહે છે કે આકાશમાંથી 200 જંપ મારવાનું કાર્ય પૂરું નહીં થાય ત્યાં સુધી સ્વપ્ન અધુરુ રહેશે. જો સરકાર મંજૂરી આપે તો શ્વેતા પરમારે સ્ટેચ્યૂ ઓફ યુનિટી પરથી સ્કાયડાવિંગ કરવાની ઈચ્છા પ્રગટ કરી છે.