ક્રિકેટ / ભારતમાં આ ગુજરાતી ક્રિકેટર જેવો બીજો કોઈ નહીં! ટીમ ઈન્ડિયામાં સામેલ થતાં જ બનાવી દીધો રેકૉર્ડ

• ફાસ્ટ બોલર જયદેવ ઉનડકટને પ્લેઈંગ ઈલેવનમાં સ્થાન મળ્યું
• રેકોર્ડમાં દિનેશ કાર્તિકને પાછળ છોડ્યો
• 118 ટેસ્ટ પછી મળ્યું ટીમમાં સ્થાન

ભારત અને બાંગ્લાદેશ વચ્ચે બીજી ટેસ્ટ મેચ આજે 22 ડિસેમ્બરે રમાઈ રહી છે. ભારત અને બાંગ્લાદેશ વચ્ચે ઢાકા ટેસ્ટ મેચનો આજે પ્રથમ દિવસ છે. કેએલ રાહુલની કપ્તાનીમાં ભારતીય ટીમે ચટગાંવમાં રમાયેલી ટેસ્ટ સીરિઝની પ્રથમ મેચમાં 188 રનથી જીત મેળવી હતી. ચેતેશ્વર પુજારા અને શુભમન ગીલે બેટિંગમાં શાનદાર પ્રદર્શન કર્યું હતું. સાથે જ કુલદીપ યાદવ અને અક્ષર પટેલની સ્પિન બોલિંગ સામે બાંગ્લાદેશી બેટ્સમેનો ચોંકી ગયા હતા. હવે બીજી ટેસ્ટ મેચ રમાઈ રહી છે 

A look at our Playing XI for the 2nd Test.

One change for #TeamIndia. Jaydev Unadkat comes in XI.

Live - https://t.co/XZOGpedIqj #BANvIND pic.twitter.com/ampkK88yX2

— BCCI (@BCCI) December 22, 2022

રેકોર્ડમાં દિનેશ કાર્તિકને પાછળ છોડ્યો
ભારત અને બાંગ્લાદેશ વચ્ચે બે ટેસ્ટ મેચની સીરિઝની છેલ્લી મેચ મીરપુરમાં રમાઈ રહી છે અને આ મેચમાં 12 વર્ષ પછી ડાબોડી ફાસ્ટ બોલર જયદેવ ઉનડકટને પ્લેઈંગ ઈલેવનમાં સ્થાન મળ્યું છે. જણાવી દઈએ કે ઉનડકટે મેદાનમાં ઉતરતાની સાથે જ એક શાનદાર રેકોર્ડ પોતાના નામે કરી લીધો છે.  જયદેવ ઉનડકટ સૌથી વધુ ટેસ્ટ મેચ મિસ કરનાર ભારતીય ખેલાડી બની ગયો છે. ઉનડકટે આ મામલામાં વિકેટ કીપર બેટ્સમેન દિનેશ કાર્તિકને પાછળ છોડ્યો છે. દિનેશ જેને 87 ટેસ્ટ પછી પ્લેઈંગ ઈલેવનમાં સ્થાન મેળવ્યું હતું. આ સાથે જ તે વિશ્વમાં સૌથી વધુ ટેસ્ટ મેચ મિસ કરનાર બીજો બોલર બની ગયો છે.

Oh this feeling ain’t gonna sink in soon! 🏆#VijayHazareTrophy2022 @BCCI @BCCIdomestic @JayShah pic.twitter.com/WRcObXdRL8

— Jaydev Unadkat (@JUnadkat) December 2, 2022

118 ટેસ્ટ પછી મળ્યું ટીમમાં સ્થાન
જણાવી દઈએ કે જયદેવ ઉનડકટે તેની એકમાત્ર ટેસ્ટ 16 ડિસેમ્બર 2010ના રોજ દક્ષિણ આફ્રિકા સામે રમી હતી અને એ પછી એમને ઘરેલુ ક્રિકેટમાં રમવાનું ચાલુ રાખ્યું હતું પણ તેને ટેસ્ટ ટીમમાં સ્થાન મળતું નહતું. આ પછી ભારતે કુલ 118 ટેસ્ટ રમી છે અને હવે ઉનડકટને ટીમમાં જગ્યા મળી છે. આ પહેલા, સૌથી વધુ ટેસ્ટ મેચ મિસ ભારતીય દિનેશ કાર્તિક હતા, જેમને  2010 અને 2018 વચ્ચે 87 મેચો બાદ ટીમમાં સ્થાન મળ્યું હતું. 

આ સાથે જ તમને જણાવી દઈએ કે સૌથી વધુ ટેસ્ટ મેચો મિસ કરવાનો વર્લ્ડ રેકોર્ડ ઈંગ્લેન્ડના ગેરેથ બેટીના નામે છે, જેમને વર્ષ 2005 થી 2016 વચ્ચે કુલ 142 ટેસ્ટ મેચો મિસ કરી હતી.

Okay, looks like its real!

This one’s for all those who have kept believing & supporting me..

I am grateful 🤍

#267@BCCI pic.twitter.com/llLYXIRHMV

— Jaydev Unadkat (@JUnadkat) December 11, 2022

આ ખેલાડીઓ સૌથી વધુ ટેસ્ટ મેચ મિસ કરી 
142 ગેરેથ બટ્ટી (2005–16)
118 જયદેવ ઉનડકટ (2010–22)
114 માર્ટિન બિકનેલ (1993–03)
109 ફ્લોયડ રેફર (1999–09)
104 યુનિસ અહેમદ (1969–87)
103 ડેરેક શેકલેટન (1951-63)

પ્લેઇંગ ઇલેવન
ટીમ ઈન્ડિયા - કેએલ રાહુલ, શુભમન ગિલ, ચેતેશ્વર પુજારા, વિરાટ કોહલી, ઋષભ પંત, શ્રેયસ ઐયર, અક્ષર પટેલ, રવિચંદ્રન અશ્વિન, જયદેવ ઉનડકટ, ઉમેશ યાદવ, મોહમ્મદ સિરાજ

બાંગ્લાદેશ - નજમુલ હુસૈન શાંતો, ઝાકિર હસન, મોમિનુલ હક, લિટન દાસ, મુશફિકુર રહીમ, શાકિબ અલ હસન, નુરુલ હસન, મેહદી હસન મિરાજ, તૈજુલ ઇસ્લામ, ખાલિદ અહેમદ, તસ્કીન અહેમદ