રાજ્યસભા / બેન્કમાંથી રોકડ ઉપાડ પર કોઈ GST નથી, ફક્ત ચેક બૂક ખરીદી પર લાગે છે- નાણામંત્રી સીતારમણનો ખુલાસો

• મોંઘવારી પર રાજ્યસભામાં જવાબ આપ્યો નિર્મલા સીતારામણે
• દેશમાં મોંઘવારી દર 7 ટકા
• દેશમાં ખાદ્ય પદાર્થો પર પહેલા પણ હતો ટેક્સ
• હોસ્પિટલ બેડ કે આઈસીયુ પર કોઈ ટેક્સ નહીં
• બેન્કોમાંથી રોકડ ઉપાડ પર કોઈ ટેક્સ નહીં

રાજ્યસભામાં મોંઘવારી પર બોલતા નાણામંત્રી સીતારમણે કહ્યું કે ભાવમાં વધારો થયો છે તે વાતનો કોઈ ઈન્કાર કરતું નથી. અમે ભાગી રહ્યાં નથી. અમારો ફુગાવાનો દર બેન્ડ છે, ફુગાવો 7% પર છે. સરકાર અને RBI તેને 7% થી નીચે રાખવાનો પ્રયાસ કરી રહી છે. 

No GST on hospital bed or ICU, tax only on room with Rs 5000 per day rent, says FM Sitharaman in Rajya Sabha

— Press Trust of India (@PTI_News) August 2, 2022

બેન્કોમાંથી રોકડ ઉપાડ પર કોઈ જીએસટી નથી

નાણામંત્રી સીતારમણે એવો પણ ખુલાસો કર્યો કે બેન્કોમાંથી રોકડ ઉપાડ પર કોઈ જીએસટી લાગતો નથી. તેમણે કહ્યું કે બેન્કમાંથી પ્રિન્ટર દ્વારા લેવામાં આવતી ચેકબુક પર જીએસટી લાગે છે. 

જીએસટી પહેલા 22 રાજ્યોમાં ખાદ્ય ચીજવસ્તુઓ પર ટેક્સ હતો 
તેમણે કહ્યું કે દેશમાં ખાદ્યપદાર્થો પર ટેક્સ લાદવામાં આવ્યો હોય તેવી આ પહેલી ઘટના નથી. GST પહેલા 22 રાજ્યોમાં આ વસ્તુઓ પર વેટ હતો. એવું કહેવું ખૂબ જ સરળ છે કે આવું પહેલાં ક્યારેય બન્યું નથી. 

There is no GST on withdrawal of cash from banks, says FM Sitharaman in Rajya Sabha

— Press Trust of India (@PTI_News) August 2, 2022

5000 રૂપિયા પ્રતિ દિવસના ભાડાવાળા રૂમ પર જીએસટી
કેટલીક વસ્તુઓ પર જીએસટીને લઈને પણ નાણામંત્રીએ ખુલાસો કર્યો હતો. તેમણે કહ્યું કે હોસ્પિટલના પલંગ કે ICU પર કોઈ GST નહીં, માત્ર 5000 રૂપિયા પ્રતિ દિવસના ભાડાવાળા રૂમ પર જીએસટી લાગે છે. સીતારમણે કહ્યું કે બેન્કમાં ચેક બૂકની ખરીદી પર જીએસટી લાગે છે અને કસ્ટમર ચેક પર કોઈ ટેક્સ લાગતો નથી. 

We have contained prices of tomato, onion, potato, says FM Sitharaman comparing rates with those in November 2013

— Press Trust of India (@PTI_News) August 2, 2022

ફક્ત પ્રી-પેક્ડ, લેબલવાળી વસ્તુઓ પર 5% GST
ખાદ્ય ચીજવસ્તુઓ પર જીએસટીનો બચાવ કરતા સીતારમણે કહ્યું કે દરેક રાજ્યએ અનાજ, કઠોળ, દહીં, લસ્સી, છાશ જેવી કેટલીક અથવા અન્ય ખાદ્ય ચીજો પર ટેક્સ લગાવ્યો હતો. તેમણે કહ્યું કે કોઈ પણ ખાદ્ય ચીજવસ્તુઓના ગરીબના વપરાશ પર ટેક્સ લાગતો નથી. સીતારમણે એવું જણાવ્યું કે માત્ર પ્રી-પેક્ડ, લેબલવાળી વસ્તુઓ પર 5% GST લાગે છે અને છૂટક વેચાતી વસ્તુઓ પર કોઈ જીએસટી લાગતો નથી.