માત્ર આટલો સમય સ્માર્ટફોન યૂઝ ના કરીને જીતો 72 લાખ રૂપિયા

બાળકોથી લઇને મોટા સુધી ફોનની લત દિવસેને દિવસે વધતી જાય છે પરંતુ જો તમે મોબાઇલનો ઉપયોગ કરવાનું થોડા સમય માટે છોડી દો તો તમે લાખો રૂપિયા જીતી શકો છો. જી હા માત્ર 1 વર્ષ માટે મોબાઇલનો ઉપયોગ બંધ કરીને તમે 100000 ડૉલર એટલે કે 71  લાખ રૂપિયા જીતી શકો છો. કોકાકોલાની માલિકી હકવાળી બ્રાન્ડ Vitaminwater એક શાનદાર કૉન્ટેસ્ટની જાહેરાત કરી છે. 

જોકે આ કૉન્ટેસ્ટ હેઠળ તમારે વર્ષ દરમિયાન મોબાઇલ ફોનનો ઉપયોગ કરવાનું બંધ કરવું પડશે. જોકે ઇનામ આપતા પહેલા તમારે એક લાઇડિટેક્ટર મશીનનો ટેસ્ટ આપવાનો હશે જેના પરથી ખબર પડી જશે કે તમે નિયમોનું ઉલ્લંઘન તો નથી કર્યુ ને. 'સ્કૉલ ફ્રી ફૉર  એ યર' કૉન્ટેસ્ટ હેઠળ પંસદ કરવામાં આવેલા ઉમેદવારનો એક વર્ષ માટે સેલ્યુલર પ્લાનની સાથે 1996ના સમયનો એક ફોન આપવામાં આવશે. 

આ છૂટ મળશે:

જો તમે એ વાતથી ચિંતિત છો કે આ કૉન્ટેસ્ટમાં ભાગ લેવા માટે તમારે તમારું કામ છોડવુ પડશે તો તમે ખોટા છો. તમે Google હોમ અને એમેઝોન એલેક્સા દ્વારા સંચાલિત લેપટોપ તથા ડેસ્કટોપ કોમ્પ્યુટર અને સ્માર્ટ ડિવાઇઝનો ઉપયોગ ચાલુ રાખી શકો છો. જોકે તમે ઇનામી રકમ જીતવા માગતા હોવ તો તમે કોઇપણ સ્માર્ટફોન અથવા ટેબલેટનો ઉપયોગ નહી કરી શકો. ફોન પર વાત કરવા માટે તમને એક ફિચર ફોન આપવામાં આવશે. 

આ રીતે કરો એન્ટ્રી:

સ્પર્ધામાં ભાગ લેવા માટે તમારે 8 જાન્યુઆરી 2019 સુધી રજિસ્ટ્રેશન કરાવવું રહેશે. આમાં એન્ટ્રી કરવા માટે તમારે #NoPhoneForAYear અને #Contestનો ઉપયોગ કરવાનો રહેશે અને લખવું પડશે કે તમે શું કરશો જો તમે એક વર્ષ સુધી ફોનનો ઉયપોગ ન કરી શકો અને તેને ટ્વિટર અને ઇનસ્ટાગ્રામ પર પોસ્ટ કરી શકો છો. 

વિટામિન વૉટર 22 જાન્યુઆરી સુધીમાં પસંદગી પ્રક્રિયા પૂરી કરશે અને જૂનો ફિચર ફોન આપશે. જો તમને લગાતુ હોય કે સ્માર્ટફોન વિના એક વર્ષ રહેવું વધારે છે તો તમે ભારતમાં 10000 ડૉલર એટલે કે 7.2 લાખ રૂપિયાનું ઇનામ જીતવા માટે 6 મહિનાનો સમય પસંદ કરી શકો છો. પણ તમે ચીટ કરવાની આશા ના રાખતા કેમકે ઇનામી રકમ જીતવા માટે લાઇવ ડેટિકેટ ટેસ્ટમાં જીતવુ પડશે.