વડોદરા / ખુલાસોઃ બિલ્ડરો-નેતાઓના ખેતરોમાં બીન ઉપયોગી રોડ બનાવી દેવાયા, જરૂર છે ત્યાં રોડ જ નથી

• વડોદરામાં જરૂર નથી ત્યાં રોડ બનાવવામાં આવ્યોનો આક્ષેપ
• ખેતર વિસ્તારમાં વુડા દ્વારા રોડ બનાવાયો હોવાનો ખુલાસો
• બિલ્ડરો અને સતા પક્ષની મોટી સાંઠ-ગાંઠના આક્ષેપ 

વડોદરામાં છાણીમાં રોડનો વિવાદ સામે આવ્યા બાદ હવે શહેરના નિર્જન વિસ્તારમાં કે જ્યાં ટી.પી. પણ નથી પડી ત્યાં કરોડોના ખર્ચે રોડ બનાવી દેવામાં આવ્યો હોવાનો આક્ષેપ સ્થાનિકો કર્યો છે. તેમજ તેમણે આ અંગે તપાસ કરવાની માંગણી કરી છે.

વડોદરામાં જરૂર નથી ત્યાં બનાવવામાં આવ્યા રોડ

વડોદરા શહેરમાં એક બાદ એક રોડના વિવાદ બહાર આવી રહ્યાં છે, ત્યારે હવે વુડા દ્વારા બિલ્ડરો ફાયદો કરાવવા રોડ બનાવવામાં આવ્યા ખુલાસો સામે આવ્યો છે. વડોદરાના દોઢ વર્ષ પહેલા ખેતરોમાં રોડ બનાવવામાં આવ્યો હતો. મહત્વનું છે કે, આજ વિસ્તારમાં એક રાજકીય નેતાની જમીનો આવેલી છે. બીજી બાજુ આ રોડ કોર્પોરેશનમાં સામેલ થાય તે પહેલા જ વુડાએ બનાવવામાં આવી દીધો છે. જેને લઈને ખેડૂતોએ રોડને ફેન્સિંગ કરીને બંધ કરી દીધો હતો
 

 
જ્યાં જરૂર છે ત્યાં લોકોને રોડની વ્યવસ્થા નથી મળતી

આ અંગે વડોદરા મનપાના વિપક્ષના નેતા અમીબેન રાવતે આ રોડની મુલાકાત લીઘી હતી, તેમણે જણાવ્યું કે, અધિકારીઓએ બિલ્ડરોને ફાયદો કરાવવા આડેધડ રોડ બનાવ્યા છે. લોકો રહેવા આવ્યા જ નથી તેમ છતાં રોડ બનાવ્યા છે. તેમણે શાસક પક્ષ પર પ્રહાર કરતાં જણાવ્યું કે, જ્યાં જરૂર છે ત્યાં લોકોને રોડની વ્યવસ્થા મળતી નથી.નવા રોડ ચાર વર્ષથી બીન ઉપયોગી છે. આ પહેલા કોર્પોરેટરને લાભ કરાવવા રોડ બનાવાયો હતો. 

Vtvના સળગતા સવાલ

- રાજકીય નેતાઓની મનમાની ક્યાં સુધી ચાલશે?
- વડોદરામાં જનતાને ખરા અર્થમાં રોડ ક્યારે મળશે?
- ખેતર વિસ્તારમાં કેમ બનાવાઈ રહ્યા છે પાકા માર્ગ?
- કોર્પોરેશનમાં સામેલ થાય તે પહેલા માર્ગ કેમ બન્યા?
- લોકો રહેવા આવ્યા જ નથી તેમ છતાં માર્ગો તૈયાર કેમ?
- લોકોને જ્યાં જરૂર છે ત્યાં સારા માર્ગો ક્યારે બનાવશો?
- બિલ્ડરોને ફાયદો કરાવવા તૈયાર કરાયા માર્ગો?