તમારા કામનું / હજુય 10 કરોડથી વધુ PANCARD છે આધાર સાથે અનલિંક, જાણો તમારું શું છે સ્ટેટસ, બસ ફૉલો કરો આ સ્ટેપ્સ

• CBDTને આશા છે કે 31 માર્ચ સુધીમાં તમામ PAN આધાર સાથે લિંક થઈ જશે
• આધારને PAN સાથે લિંક કરવાની છેલ્લી તારીખ 31 માર્ચ છે
• જો આ તારીખ પછી લિંક નહીં કરવામાં આવે તો PAN નિષ્ક્રિય થઈ જશે

પાન કાર્ડને આધાર સાથે લિંક કરવાની છેલ્લી તારીખ 31 માર્ચ   2023 છે. જો યુઝર્સ આ બંને ડોક્યુમેન્ટ છેલ્લી તારીખ સુધી લિંક કરાવશે નહી, તો તેમનું પાન કાર્ડ નિષ્ક્રિય થઈ જશે અને તે એક પ્લાસ્ટિકનો ટુકડો રહી જશે. સેન્ટ્રલ બોર્ડ ઓફ ડાયરેક્ટ ટેક્સેસના જણાવ્યા અનુસાર દેશમાં કુલ 61 કરોડ PAN કાર્ડમાંથી લગભગ 48 કરોડ PAN હજુ સુધી આધાર સાથે લિંક થયા નથી. જો તમે હજી સુધી આ કામ કર્યું નથી, તો અત્યારે પણ સમય છે જરૂર થી કરી લો. જો તમને ખબર નથી કે તમારું પાન આધાર સાથે લિંક છે કે નહીં તો ગભરાવાની જરૂર નથી. તમે તમારા ઘરે બેઠા સરળતાથી ઓનલાઇન પાન કાર્ડનું સ્ટેટસ જાણી શકો છો.

31 માર્ચ, 2023 સુધીમાં આધાર સાથે લિંક ન હોય તેવા પાન આ તારીખ પછી નિષ્ક્રિય થઈ જશે. આ સાથે સરકારે કહ્યું છે કે વર્તમાન સમયથી 31 માર્ચ સુધી પાનને આધાર સાથે લિંક કરવા માટે 1,000 રૂપિયાની ફી ચૂકવવી પડશે. સીબીડીટીને આશા છે કે માર્ચના બાકીના દિવસોમાં PAN આધાર લિંક કરવાનું કામ ઝડપી બનશે અને દેશના તમામ પાન ધારકો આ મહત્વપૂર્ણ દસ્તાવેજને આધાર સાથે લિંક કરી લેશે.

આ રીતે ઓનલાઇન ચેક કરો સ્ટેટસ 
આવકવેરા વિભાગની ઈ-ફાઈલિંગ વેબસાઈટ www.incometaxindiaefiling.gov.in પર જાઓ 
ઉપરના હેડર પર Quick links વિકલ્પ મળશે.
અહીં 'Link Aadhaar Status' ના વિકલ્પ પર ક્લિક કરો.
PAN અને આધાર સંબંધિત માહિતી ભરો
આ પછી 'વ્યૂ લિંક આધાર સ્ટેટસ' પર ક્લિક કરો.
તમારી સામે એક પોપ-અપ ખુલશે જેમાં તમને માહિતી મળશે કે PAN તમારા આધાર સાથે લિંક છે કે નહીં.

એસએમએસ દ્વારા લિંક કરો પાન-આધાર 
જો તમારુ પાન આધાર સાથે લિંક નથી   તો તમે મોબાઇલ SMS મોકલીને પણ બંનેને લિંક કરી શકો છો. આ કરવા માટે   રજિસ્ટર્ડ મોબાઇલ નંબર પરથી 567678 અથવા 56161 પર SMS મોકલવાનો રહેશે. UIDPAN<space><12 અંકનો આધાર કાર્ડ><space><10 અંક PAN> પછી તેને 567678 અથવા 56161 પર મોકલો. અહી એ નોંધ લેવાની વાત છે કે જો ટેક્સપેયર્સનું નામ અને જન્મતારીખ આધાર અને પાન બંનેમાં એક જ હશે તો તે લિંક થઇ જશે.