UIDAI દ્વારા નાગરિકોની સુવિધા માટે અનેક પ્રકારના આધાર કાર્ડ જારી કરવામાં આવ્યા છે. તેના પ્રકારો અને ખાસીયાત જાણો...
આધાર કાર્ડ બાકીના આઈડી પ્રૂફથી અલગ છે
ડીજીટલ જમાનો ચાલી રહ્યો છે એવામાં ભારત સરકારે ઈ-આધાર કાર્ડ બહાર પાડ્યું
mAadhaar કાર્ડ UIDAI દ્વારા બનાવવામાં આવેલ એક Mobile App છે
આજના સમયમાં સૌથી મહત્વપૂર્ણ દસ્તાવેજ આધાર કાર્ડ છે. આધાર કાર્ડ વગર કોઈપણ કામ કરવું મુશ્કેલ છે. આધાર કાર્ડમાં 12 અંકોના નંબર હોય છે જે ભારતના નિવાસીઓ માટે જનરેટ કરવામાં આવે છે. જો તમે ભારતીય છો તો જ તમે આધાર કાર્ડ માટે અપ્લાઈ કરી શકો છો. આ સાથે જ આધાર કાર્ડ બાકીના આઈડી પ્રૂફથી અલગ છે કારણ કે તેમાં દરેક નાગરિકની બાયોમેટ્રિક માહિતી નોંધવામાં આવે છે. આ માટે દરેક નાગરિકના ફિંગર પ્રિન્ટ અને આંખોના રેટિના સ્કેન કરવામાં આવે છે. આવી સ્થિતિમાં, તે રેશન કાર્ડ, પાન કાર્ડ, ડ્રાઇવિંગ લાઇસન્સ વગેરે જેવા અન્ય ID પુરાવાઓથી ખૂબ જ અલગ છે.
નાગરિકોની સુવિધા માટે અનેક પ્રકારના આધાર કાર્ડ જારી કરવામાં આવ્યા છે. જે ઓનલાઈન અને ઓફલાઈન બંને રીતે બનાવવામાં આવે છે. આધાર કાર્ડનો ઉપયોગ બાળકોના શાળા-કોલેજમાં પ્રવેશ, બેંક ખાતું ખોલાવવા, મુસાફરી દરમિયાન, હોટેલ બુકિંગ, મિલકત ખરીદવા, બજારમાં રોકાણ કરવા માટે થાય છે. આધાર કાર્ડમાં દરેક નાગરિકની તમામ જરૂરી માહિતી જેમ કે તેનું નામ, ફોટો, જન્મ તારીખ, સરનામું વગેરે નોંધવામાં આવે છે. આધાર કાર્ડ UIDAI દ્વારા જારી કરવામાં આવે છે. આજે અમે તમને એ જ આધાર આધાર કાર્ડના પ્રકારો અને તેની ખાસિયત વિશે જણાવશું-
ઈ-આધાર કાર્ડ
આજકાલ ડીજીટલ જમાનો ચાલી રહ્યો છે એવામાં ભારત સરકારે આધાર કાર્ડનું ઈલેક્ટ્રોનિક વર્ઝન ઈ-આધાર કાર્ડ પણ જારી કર્યું છે. આ કાર્ડમાં એક સુરક્ષિત QR કોડ પણ છે. જેને તમે સ્કેન કરીને તમામ માહિતી મેન્શન કરી શકો છો. આ કાર્ડને ખોલવા માટે પાસવર્ડ જરૂરી છે કારણ કે તે પાસવર્ડથી તેને સુરક્ષિત કરી શકાય છે. આધાર કાર્ડને સુરક્ષિત રાખવા માટે UIDAI માસ્ક્ડ ઈ-આધાર કાર્ડ પણ જારી કરે છે. આ કાર્ડમાં માત્ર છેલ્લા ચાર નંબરનો ઉલ્લેખ છે. આનાથી તમારા આધાર કાર્ડનો ડેટા ચોરાઈ જતો નથી.
આધાર લેટર
આધાર લેટર માત્ર પેપર આધારિત લેમીનેટેડ પત્ર છે જે આધાર લેટર UIDAI દ્વારા તમામ નાગરિકોના ઘરે મોકલવામાં આવે છે. જેમાં એક ક્યુઆર કોડ જોય છે અને તેમાં તમારી દરેક માહિતી જોડવામાં આવેલ હોય છે. UIDAI કોઈપણ ફી વગર આધાર કાર્ડ બનાવ્યા બાદ આ આધાર કાર્ડને ઘરના સરનામા પર મોકલી આપે છે. આ કાર્ડ પર આધાર કાર્ડ ધારકની તમામ માહિતીનો પણ ઉલ્લેખ છે. આનો ઉપયોગ તમે ક્યાય પણ કરી શકો છો.
mAadhaar
mAadhaar કાર્ડ UIDAI દ્વારા બનાવવામાં આવેલ એક Mobile App છે જેના દ્વારા આધાર કાર્ડને સોફ્ટ કોપીના રૂપમાં સુરક્ષિત રાખવામાં આવે છે. તમે આ એપને ગૂગલ પ્લે સ્ટોર પરથી ફ્રીમાં ડાઉનલોડ કરી શકો છો. આ એપમાં તમે આધારની વિગતો ભરીને આધાર સાચવી શકો છો. આધાર કાર્ડમાં કોઈપણ પ્રકારનું અપડેટ કરવા પર, MAadhaar કાર્ડ આપમેળે અપડેટ થઈ જાય છે.
આધાર PVC કાર્ડ
PVC આધાર કાર્ડ ક્રેડિટ કાર્ડ જેવું લાગે છે. આ આધાર કાર્ડ ખાસ ઓર્ડર દ્વારા બનાવવામાં આવે છે. આ આધાર કાર્ડમાં ડિજિટલ QR કોડ પણ છે જેમાં તમારી બધી માહિતીનો ઉલ્લેખ છે. તમે 50 રૂપિયાની ફી ચૂકવીને UIDAIની સત્તાવાર વેબસાઇટ uidai.gov.in કે Resident.uidai.gov.in પર જઈને આ કાર્ડ મંગાવી શકો છો. આ કાર્ડનો ઉપયોગ તમે ઓફ્લૈન કે ઓનલાઈન બંને રીતે કરી શકો છો.